مازدا 3 2015 ولا كيا سبورتاج 2015

**hossamalsadik** · 02-05-2014 11:14 AM

ارجو من الساده الاعضاء من لديه اى معلومات يفدنى بيها سواء للماذا 3 او الكيا سبورتج

تحياتى للجميع

**محمد بدر** · 02-05-2014 11:29 AM

المازدا سيارة جميله طبعا
وأيضا السبورتاج سياره رائعه
ولاكن ما هي متطلبات الشارع المصري ؟
طبعا وبدون تفكير . سبورتاج.
خاصتا بعد تجربة هذه السياره في شوارع مصر لفتره دامت أكثر من عامين

**برنس الليالي** · 02-05-2014 07:15 PM

المازدا كتجهيزات وثبات وخامات داخلية وروعة في القيادة
الاسبورتاج كإنتشار
بقولهالك مش حتندم لو جبت المازدا 3 الجديدة
بس انا بقول إستنا لما التوكيل يجيبها الاول عشان سونستا بيبيع غالي على كدا

شوف دول عشان تعرف انت حتجيب ايه (تقييمات مش اي تقييمات)
Mazda3 hatchback review | Carbuyer
Mazda 3 Review | Auto Express

وكفاية شكل العربية من جوا اللي حيخليك مش عايز تنزل من عليها

المشاركة الأصلية كتبت بواسطة محمد بدر

المازدا سيارة جميله طبعا
وأيضا السبورتاج سياره رائعه
ولاكن ما هي متطلبات الشارع المصري ؟
طبعا وبدون تفكير . سبورتاج.
خاصتا بعد تجربة هذه السياره في شوارع مصر لفتره دامت أكثر من عامين

استسمحك بس عايز اقول حاجة بسيطة تقبلها
حضرتك بتقول ما هي متطلبات الشارع المصري
المقصود من كلامك ان العربيات الـsuv احسن لمصر ودا كلام معقول ...
بس لو كله حيفضل يقول كدا يبقى العربيات السيدان مبقاش ليها لازمة خصوصاً الـbmw بما ان خلوصها مُقلق

مش شرط يا غالي تكون عربية المواطن المصري suv وإنما تكون واسعة ومش شرط كمان وإنما من الافضل

- وفي نقطة كمان بعد إذنك لو كلنا حنفضل نقول ان العربية متجربة يبقى العربيات الاشكال الجديدة ملهاش لازمة
مش لازم نستنا إبن الحلال اللي يشتري العربية عشان يجربهالنا ... والمازدا مش ماركة جديدة ولا حاجة دا شكل جديد يبقى ايه المُقلق

**برنس الليالي** · 02-05-2014 08:07 PM

المشاركة الأصلية كتبت بواسطة k.ossama

ليه بس بدون تفكير
يا فندم المازدا 3 بقالها أكتر من السبورتاج بكتير فى مصر وعربية ما سمعناش منها مشاكل حتى مع غبور
كمان المازدا نزل الشكل الجديد والصراحة أحلى كتير من القديم
ومميزات برضو
فالموضوع مش محسوم للدرجة دى

آه والله كانو اكتر حاجة بيعشقوها في المازدا اللي فاتت دي الزووم بتاعها وثباتها الرائع
الحيادية مفيش احسن منها في قسم المقارنات خصوصاً

المازدا 3 الجديدة نزل فيها الشاشة البيلت اوت الموجودة في الصورة دي والزينون
وتصميم التابلوه بالطارة حاجة روعة

**Abdo Taha** · 02-05-2014 08:18 PM

المازدا بجد شديدة و الشكل الجديد هيقلب الموازين حتى الشكل اللي فات كان تحفة و كمان لما تركبها هتحس انك مميز في الشارع و بحس ان غبور بيعامل ملاك المازدا بطريقةمختلفة عن عملاء الهيونداي و الجيلي

**برنس الليالي** · 02-05-2014 08:25 PM

المشاركة الأصلية كتبت بواسطة abdo taha

المازدا بجد شديدة و الشكل الجديد هيقلب الموازين حتى الشكل اللي فات كان تحفة و كمان لما تركبها هتحس انك مميز في الشارع و بحس ان غبور بيعامل ملاك المازدا بطريقةمختلفة عن عملاء الهيونداي و الجيلي

زي مثلاً التوكيل المقرف بيعامل عملاء فولفو غير اي حد

**محمد بدر** · 02-05-2014 08:29 PM

المشاركة الأصلية كتبت بواسطة برنس الليالي

استسمحك بس عايز اقول حاجة بسيطة تقبلها
حضرتك بتقول ما هي متطلبات الشارع المصري
المقصود من كلامك ان العربيات الـsuv احسن لمصر ودا كلام معقول ...
بس لو كله حيفضل يقول كدا يبقى العربيات السيدان مبقاش ليها لازمة خصوصاً الـbmw بما ان خلوصها مُقلق

مش شرط يا غالي تكون عربية المواطن المصري suv وإنما تكون واسعة ومش شرط كمان وإنما من الافضل

- وفي نقطة كمان بعد إذنك لو كلنا حنفضل نقول ان العربية متجربة يبقى العربيات الاشكال الجديدة ملهاش لازمة
مش لازم نستنا إبن الحلال اللي يشتري العربية عشان يجربهالنا ... والمازدا مش ماركة جديدة ولا حاجة دا شكل جديد يبقى ايه المُقلق

يا صديقي العزيز كلامك علي عيني وراسي من فوق وحضرتك فعلا محايد وكلامك منطقي جدا
وعلي فكره دي كلمه حق مش مجامله مني لحضرتك
وأنا كثيرا أقدمت علي شراء سياره جديده لم تجرب من قبل ولاكن في ناس تخاف من التجربه بتحب تجرب في غيرها الأول وده أنا أعتبره شئ طبيعي وعادي جدا
وبعدين المازدا عربيه ذي ما حضرتك قولت عربيه معروفه وكلنا عرفين إنها ملهاش حظ زيها زي عربيات كثير تانيه
وأنا فعلا بتكلم علي شوارعنا محتاجه لعربيه مواصفات خاصه وما زلت متمسك بالموضوع ده
أنا بحب الهوندا سيفك جدا ولاكن في الشوارع الداخليه بعمل ألف حساب وحساب وأفكر وأعيد تفكير ينفع أدخل في الشارع ده ولا لأ.
طبعا بخلاف السبورتاج مبفكرش وأدخل في أي شارع أو بركة مياه حتي يعني العربيه العليا بتديك ثقه وجراءه ودي في حد ذاتها متعه في القياده.
لو أنا بقي مسافر لوحدي أو معي شخص أخر وطريق سفر حلو يبقي طبعا بالهوندا رائع ولاكن لو معايا الأسره أفضل السبورتاج بدون تفكير.
علشان كده لو فضلتني بين الهوندا والسبورتاج مش هعرف أجوبك
ولو مركبتش السبورتاج يومين توحشني ولو مركبتش الهوندا يومين بردو توحشني

**برنس الليالي** · 02-05-2014 08:45 PM

المشاركة الأصلية كتبت بواسطة محمد بدر

يا صديقي العزيز كلامك علي عيني وراسي من فوق وحضرتك فعلا محايد وكلامك منطقي جدا
وعلي فكره دي كلمه حق مش مجامله مني لحضرتك
وأنا كثيرا أقدمت علي شراء سياره جديده لم تجرب من قبل ولاكن في ناس تخاف من التجربه بتحب تجرب في غيرها الأول وده أنا أعتبره شئ طبيعي وعادي جدا
وبعدين المازدا عربيه ذي ما حضرتك قولت عربيه معروفه وكلنا عرفين إنها ملهاش حظ زيها زي عربيات كثير تانيه
وأنا فعلا بتكلم علي شوارعنا محتاجه لعربيه مواصفات خاصه وما زلت متمسك بالموضوع ده
أنا بحب الهوندا سيفك جدا ولاكن في الشوارع الداخليه بعمل ألف حساب وحساب وأفكر وأعيد تفكير ينفع أدخل في الشارع ده ولا لأ.
طبعا بخلاف السبورتاج مبفكرش وأدخل في أي شارع أو بركة مياه حتي يعني العربيه العليا بتديك صقه وجراءه ودي في حد ذاتها متعه في الفياده.
لو أنا بقي مسافر لوحدي أو معي شخص أخر وطريق سفر حلو طبعا الهوندا رائعه ولاكن لو معايا الأسره أفضل السبورتاج بدون تفكير.
علشان كده لو فضلتني بين الهوندا والسبورتاج مش هعرف أجوبك
ولو مركبتش السبورتاج يومين توحشني ولو مركبتش الهوندا يومين بردو توحشني

الله يعزّك يا باشا
وماله يا باشا هي كل عربية ليها شئ إيجابي وشئ سلبي

طبعاً العربيات الـsuv بتدي ثقة في الشوارع المكسرة
مع السيدان بتحس بقلق شوية

بس مفيش مشاكل يعني انت مع الوقت حتاخد ع الوضع وكله حسب سواقتك
انا معايا 320i والحمد لله مبقاش في اي قلق مع المطبات ولا حكيت لحد دلوقتي
لإني باخدها على اقل من مهلي وخلي اللي يدي كلاكس يدي براحته

وبعدين انت كدا كدا حتى لو راكب اوتوبيس ودخلت حتة مكسرة لازم تهدي مش شرط تكون العربية واطية عشان تهدي

-- بقولك ايه ياباشا معندكش موضوع عن عيوب الاسبورتاج؟

-

الموضوع: مازدا 3 2015 ولا كيا سبورتاج 2015

LinkBack

أدوات الموضوع

عرض

مازدا 3 2015 ولا كيا سبورتاج 2015 - انشر الموضوع فى :

-

-

-

المواضيع المتشابهه

استلمت كيا سبورتاج 2015

كيا سبورتاج 2015

اسعار سبورتاج 2015

مازدا 6 - 2015 -السعودية

مازدا 3 2015 (صور)

الكلمات الدلالية لهذا الموضوع

المفضلات

المفضلات

ضوابط المشاركة