هل يو كد كارتيره خلفيه ؟؟ النيو صني

**a_rehab** · 02-05-2014 12:15 PM

استشاره يا شباب
السياره النيو صني 2014 الاوتوماتك العادي (ليست سوبر صالون ) وانا بغسل السياره وجده ان الاطارات الخلفيه ليس عليها كارتيره مثل الاماميه !!!!
فهل ده طبيعي عند كل الناس ولا ايه ؟؟
من وجهه نظري انا شايف ان كده البارومه هتيجي بسرعه من اقل شويه ماء ع الاطار الخلفي .
اروجوا الافاده ...... وهل ممكن تركيب كارتيره خلفيه.
وشكرا جزيلا ... مع اعتذاري للاطاله

**ibrahimsaad** · 02-05-2014 06:12 PM

الاطار الخلفى بدون كارتيره وهو كده دايما فى اى عربيه

**a_rehab** · 04-05-2014 10:17 AM

تسلم يا د . ابراهيم .
ياريت اي حد عنده تعليق يعرفني لاني قلق جدا من موضوع عدم وجود كارتيره - واتصلت بالتوكيل وقالي الموديل ده مش بينزل فيه وقالي ممكن تجبها من بره ونركبها لك .
هل لو ركبت فيها اي مشاكل ؟؟

**Ahmed Saad** · 04-05-2014 11:27 AM

المشاركة الأصلية كتبت بواسطة ibrahimsaad

الاطار الخلفى بدون كارتيره وهو كده دايما فى اى عربيه

لا ياباشا مش في اي عربيه العربيات الأوروبي فيها كرتيره خلفيه ومهمه جدا تركيبها أن شاءالله حتى لو تتصنع عند بتاع فبر علشان البارومه

**ibrahimsaad** · 04-05-2014 03:10 PM

المشاركة الأصلية كتبت بواسطة hitmangate

لا ياباشا مش في اي عربيه العربيات الأوروبي فيها كرتيره خلفيه ومهمه جدا تركيبها أن شاءالله حتى لو تتصنع عند بتاع فبر علشان البارومه

بس انا بشوف عربيات كثير جدا الفجوه الخلفيه مش بيبقى فيها كرتيره خالص

فهل معنى كده ان فيه خطوره

**Ahmed Saad** · 04-05-2014 03:57 PM

المشاركة الأصلية كتبت بواسطة ibrahimsaad

بس انا بشوف عربيات كثير جدا الفجوه الخلفيه مش بيبقى فيها كرتيره خالص

فهل معنى كده ان فيه خطوره

بتبقى مظبوطه طالما الماده العازله مرشوشه وتمام المشكله بتيجي مع الوقت لما الماده دي بتقع أو تتقشر تبتدي تيجي بارومه في الكرتيرات الخلفيه وانا شفتها بعيني في عربيتين لانسر بومه
و فيرنا بس زي ماقولتلك طالما الماده دي موجوده تمام والمادة دي اسمها على ما أعتقد بوتومين عازل

**HOSSAM99** · 04-05-2014 04:35 PM

أسترخاص ... ممكن تشتري كارتيرة صني شكل قديم لو بتنزل بكارتيره أو تيدا و تخلي السمكري يركبها لحضرتك لكن و حضرتك يتشتري حاول تشوفها مناسبه علي العربيه و لا لأ

و معلومة للأستاذ إبراهيم مفيش عربية تقفيلها صح مبتنزلش بكارتيرة و دالايات و سعات بتبقي طبقتين كارتير واحدة فبر و عليها واحده لباد ضد الحريق و الأخيرة دي مبتعملهاش غير اليابان و بعض الألماني

**mohamed_selim** · 04-05-2014 04:47 PM

اظن فى خلط ... فى حد بيتكلم على ال mud guard و حد بيتكلم على الكارتيره اللى هى فيبر على شكل نص دايره بتكون فوق الكاوتش و ماسكه فى الرفرف من اوله لاخره ...
ماظنش ان فى عربيه من غير كارتيره بس عادى من غير mud guard

**ibrahimsaad** · 05-05-2014 08:19 AM

المشاركة الأصلية كتبت بواسطة mohamed_selim

اظن فى خلط ... فى حد بيتكلم على ال mud guard و حد بيتكلم على الكارتيره اللى هى فيبر على شكل نص دايره بتكون فوق الكاوتش و ماسكه فى الرفرف من اوله لاخره ...
ماظنش ان فى عربيه من غير كارتيره بس عادى من غير mud guard

ممكن توضح ايه هو ال mud guard

**mohamed_selim** · 05-05-2014 08:49 AM

الدلايات اللى بتبقى فى اخر الرفرف من ناحيت صالون العربيه و بتمنع الطين و الميه انهم يطرطشو على الشاسيه و الرفرف من ناحية الصالون
لو مش واضحه ادينى ساعه اكون فى الشغل و احط صور للتوضيح

الموضوع: هل يو كد كارتيره خلفيه ؟؟ النيو صني

LinkBack

أدوات الموضوع

عرض

-

-

-

-

-

-

-

-

المواضيع المتشابهه

مشكله فى كارتيره الزيت

كارتيره زيت الموتور

كارتيره زيت المونيوم

عاوز كارتيره لانسر 98

الكلمات الدلالية لهذا الموضوع

المفضلات

المفضلات

ضوابط المشاركة