على اى اساس يتم تقييم غرامة إتلاف الطريق

السلام عليكم
الاسبوع اللى فات زميلى فى العمل عمل حادثه على طريق الصعيد بتاع الجيش (طريق الكريمات)
كان ماشى على سرعه 180 و انفجر الاطار الامامى الايمن و بناء عليه العربيه عومت و دخلت على الرمل ثم انقلبت اكتر من مره و دخلت فى الحاره الثانيه محطمه جزء من السور الفاصل زى ما شايفين فى الصوره

[img3]https://scontent-b-cdg.xx.fbcdn.net/hphotos-prn1/t1.0-9/10247305_10152163264145787_6371708503933770439_n.j pg[/img3]

طبعا واضح منظر العربيه عامل ازاى (العربيه كانت رينو سانديرو) و لاول وهله حتقول كل اللى فيها مات لكن الحمد لله زميلى اتعور فى جبهته و شويه كدمات فى رجله (لإنه كان رابط حزام الامان) لكن اللى اتصاب هو شقيقه اللى كان جنبه و مش رابط الحزام اصيب بكسور متعدده و هو حاليا فى العنايه المركزه (ادعوله بالشفاء)
لو ركزت فى الصوره حتشوف الجزء المتهدم من الصور بسبب العربيه
الجزء ده زميلى دفع عليه 6 الاف جنيه غرامه !!!!!!!!
سؤالى بقى لييييييييييييييه ؟؟؟؟ الجزء اصلا صغير و يتصلح ب 100 جنيه - على اى اساس يتم تقيم الغرامه اصلا

ممكن يكون في بند تهور :d عادي احنا في مصر وممكن حسبوة علي السرعة والله اعلم

6000 جنية لييييييية دة كفاية المصيبة التى هو فيها
هو هايبنى السور لمسافة كيلو
هل يجوز الاعتراض او تقديم تظلم ومن هى الجهة المطالبة للمبلغ دة

الغرامه رخصت ع فكره
كانت الأول 10000

اقتباس:

---

المشاركة الأصلية كتبت بواسطة adnfalcon

الغرامه رخصت ع فكره
كانت الأول 10000

---

دي غرامة ايه بالظبط ؟!

اقتباس:

---

المشاركة الأصلية كتبت بواسطة speed_magnum

دي غرامة ايه بالظبط ؟!

---

لا قدر الله دي غرامه اتلاف طريق الصحراوي الشرقي "الجيش"
ده أحسن طريق ف مصر بيربط اسيوط ب القاهره
اللي يخبط الحواجز الاسمنتيه او الحواجز الوسطي سواء هو ال غلطان او الطرف التاني بيدفع الغرامه
دا غير غرامات تانيه كتير
في غرامه 500 جنيه لو ركنت ع يمين الطريق
مسموح بس تركن ف اماكن باركينج محدده وربنا يسترها علينا

اقتباس:

---

المشاركة الأصلية كتبت بواسطة adnfalcon

لا قدر الله دي غرامه اتلاف طريق الصحراوي الشرقي "الجيش"
ده أحسن طريق ف مصر بيربط اسيوط ب القاهره
اللي يخبط الحواجز الاسمنتيه او الحواجز الوسطي سواء هو ال غلطان او الطرف التاني بيدفع الغرامه
دا غير غرامات تانيه كتير
في غرامه 500 جنيه لو ركنت ع يمين الطريق
مسموح بس تركن ف اماكن باركينج محدده وربنا يسترها علينا

---

انا مش معترض على فكره الغرامه فى حد ذاتها (رغم انه كان حيموت و كفايه منظر العربيه اللى لسه ماخلصشى اقساطها)
لكن اعتراضى على 6000 جنيه علشان وقع كام قالب طوب
يعنى لو ينفع مثلا كان هو اللى صلحها على نفقته الخاصه و كانت حتتكلف اقل من كده بكتير اوى
الطريق ده انا عارفه كويس اوى لأنى من اسيوط اساسا و بسافر دايما عليه و السور اللى فى الوسط ده لغايه دلوقتى متهدم فى حتت كتير من حوادث مشابهه اخرى و مش بيتصلح
يعنى هما بياخدو الغرامه و مش بيصلحو حتى التلفيات
و بصراحه كمان وجود السور من عدمه مش فارق مع اللى ماشى على الطريق اصلا

يعني كل ده
وهيدفعوا فلوس كمان !

عندك حق هو ملوش لازمه وطبعا مبلغ 6000 كتير خصوصا ان صاحب العربيه لسه طالع من حادثه جامده
الحمدلله اولا ع سلامته و ربنا سترها معاه
بس كويس انه كان رابط الحزام
في عندي ملحوظه و سؤال .. نوع الكاوتش كان ايه و ماشي كام كيلو ؟
ولما ضرب كان ايه رد فعل السائق ؟
لأن اسلم حاجه ف موقف زي دا انك تشيل رجلك من البنزين و ممنوع تدوس فرامل و تمسك الدركسيون جامد بإيدينك ال 2 بدون ماتحاول تلف او تيجي يمين او شمال .. تحافظ ع مسارك بدون رد فعل عنيف
ربنا يحفظنا جميعا خصوصا ان الطريق دا بمشي عليه كتير 180 !!

اقتباس:

---

المشاركة الأصلية كتبت بواسطة adnfalcon

عندك حق هو ملوش لازمه وطبعا مبلغ 6000 كتير خصوصا ان صاحب العربيه لسه طالع من حادثه جامده
الحمدلله اولا ع سلامته و ربنا سترها معاه
بس كويس انه كان رابط الحزام
في عندي ملحوظه و سؤال .. نوع الكاوتش كان ايه و ماشي كام كيلو ؟
ولما ضرب كان ايه رد فعل السائق ؟
لأن اسلم حاجه ف موقف زي دا انك تشيل رجلك من البنزين و ممنوع تدوس فرامل و تمسك الدركسيون جامد بإيدينك ال 2 بدون ماتحاول تلف او تيجي يمين او شمال .. تحافظ ع مسارك بدون رد فعل عنيف
ربنا يحفظنا جميعا خصوصا ان الطريق دا بمشي عليه كتير 180 !!

---

أعتقد على 180 مهما عملت برضه هاتفقد السيطره على العربيه

اقتباس:

---

المشاركة الأصلية كتبت بواسطة marsguy

أعتقد على 180 مهما عملت برضه هاتفقد السيطره على العربيه

---

انا مسافر قريب ع الطريق دا وانت كده بتخوفني ياعم
عموما هجرب اربط حزام الأمان لو جبت السرعه ده

فيه ناس بتلحق تخلع بسرعه بأى ونش انقاذ بحيث انها متدفعش غرامه
هو السور ميستهلش حتى 50 جنيه
لكن احنا فى مصر
وعامتآ الطرق دى مينفعش تمشى فيها بسرعة 180 حتى لو راكبين بورش

اقتباس:

---

المشاركة الأصلية كتبت بواسطة super_star_h

فيه ناس بتلحق تخلع بسرعه بأى ونش انقاذ بحيث انها متدفعش غرامه
هو السور ميستهلش حتى 50 جنيه
لكن احنا فى مصر
وعامتآ الطرق دى مينفعش تمشى فيها بسرعة 180 حتى لو راكبين بورش

---

اولا متقدرش تطلع بونش لأنا اي ونش داخل من البوابه فاضي بيتكتب فالبون انه فاضي .. لما يطلع من البوابه التانيه لو كان محمل بيدفع غرامه 5000 تقريبا
ثانيا انا طول عمري 180 ع الطريق دا ولو عربيتي بتجيب 300 هجيب عادي
دا افضل طريق فالمحروسه

هو بصراحه الطريق ده ممتاز و الوصله اللى بين اسيوط و المنيا لسه معموله من 3 سنين تقريبا
و انا فعلا مش عارف ليه الكاوتش انفجر
يمكن علشان تمدد الهواء على السرعه دى و الدنيا حر اصلا !!
معرفشى هل لو كان نافخ نيتروجين كان ينفع فى الحالات اللى زى دى ولا لاء لإنى اسمع ان اصلا مافيش حد بينفخ نيتروجين نقى فى مصر
انا كمان على فكره لما بطلع على الطريق ده ببقى على 140 و مش بزود عن كده مش علشان الطريق وحش لا لإن انا معايا 504 فالعربيه بتبقى خفيفه اوى و مش ثابته على السرعه دى
لكن لو كنت اقدر ازود عن كده كنت زودت

اقتباس:

---

المشاركة الأصلية كتبت بواسطة khaled_sabry

هو بصراحه الطريق ده ممتاز و الوصله اللى بين اسيوط و المنيا لسه معموله من 3 سنين تقريبا
و انا فعلا مش عارف ليه الكاوتش انفجر
يمكن علشان تمدد الهواء على السرعه دى و الدنيا حر اصلا !!
معرفشى هل لو كان نافخ نيتروجين كان ينفع فى الحالات اللى زى دى ولا لاء لإنى اسمع ان اصلا مافيش حد بينفخ نيتروجين نقى فى مصر
انا كمان على فكره لما بطلع على الطريق ده ببقى على 140 و مش بزود عن كده مش علشان الطريق وحش لا لإن انا معايا 504 فالعربيه بتبقى خفيفه اوى و مش ثابته على السرعه دى
لكن لو كنت اقدر ازود عن كده كنت زودت

---

انا بزود نيتروجين عشان الكاوتش ولا يتمدد ولا يسخن .. المهم ربنا سترها معاهم لأنها بصراحه حادثه بشعه

اقتباس:

---

المشاركة الأصلية كتبت بواسطة adnfalcon

اولا متقدرش تطلع بونش لأنا اي ونش داخل من البوابه فاضي بيتكتب فالبون انه فاضي .. لما يطلع من البوابه التانيه لو كان محمل بيدفع غرامه 5000 تقريبا
ثانيا انا طول عمري 180 ع الطريق دا ولو عربيتي بتجيب 300 هجيب عادي
دا افضل طريق فالمحروسه

---

مدام هو افضل طريق ليه حصل الحادث وحوادث اخرى ؟
فى عوامل كتير ممكن تأثر على العربيه وانت على السرعه دى
ومدام الكاوتش ضرب على السرعه دى لأي سبب ما مش هتقدر تتحكم فى العربيه انسى
عامتآ ربنا يسترها معاك ومع الجميع

ربنا يستر ، والحمد لله إنه خرج سليم ، وربنا يشفي أخيه
بس بطراحة مبلغ الغرامة مبالغ فيه جدا ، خصوصا إن هما فعلا بيحصلوا الفلوس وما بيصلحوش الطريق ، زي مثلا شركات الغاز الطبيعي لما بتيجي تحفر في منطقة لتوصيل الغاز تقوم بسداد مبلغ لإعادة رصف الشوارع بعد الانتهاء ، ولكن كالعادة تحصل المبالغ ولا يتم تصليح الشوارع ..
وهي دي مصر

اقتباس:

---

المشاركة الأصلية كتبت بواسطة Super_Star_h

مدام هو افضل طريق ليه حصل الحادث وحوادث اخرى ؟
فى عوامل كتير ممكن تأثر على العربيه وانت على السرعه دى
ومدام الكاوتش ضرب على السرعه دى لأي سبب ما مش هتقدر تتحكم فى العربيه انسى
عامتآ ربنا يسترها معاك ومع الجميع

---

دا افضل طريق ف مصر بدون منازع انا بسافر كتير وعارف بقول ايه
بس دا ميمنعش يحصل حوادث حتي فأفضل شبكه طرق فالعالم "autobahn" المانيا وحوادث ابشع من دي بسبب السرعه

تقريبااا الغرامة بتشمل مواد البناء ومصاريف النقل واجور عمال وطبع غير المصاريف الادارية

على فكره ممكن يكون الكاوتش جديد وحالته كويسه وينفجر برضه ويكون السبب حاجه من دى
1- ان الكاوتش ضغط الهواء كان فيه زياده جداااا عن اللى مفروض

2- ان يكون تجاوز السرعه المحدده للكاوتش لأن كل كاوتش ليه سرعه محدده قصوى مفروض متعدهاش بيكون بيرموزوا ليها بحروف على اطار الكاوتش فمثلا لو سرعتك القصوى 150 وانت مشيت 180 لمسافه كبيره احتمال كبير يحصل كده

اقتباس:

---

المشاركة الأصلية كتبت بواسطة محمود سامح

تقريبااا الغرامة بتشمل مواد البناء ومصاريف النقل واجور عمال وطبع غير المصاريف الادارية

---

لو كان الموضوع تصليح الطريق - يدو اختيار انه يصلح الطريق على حسابه (زى ما السعوديه بتعمل)
لكن دول بياخدو غرامه مبالغ فيها جداا و كمان مش بيصلحو الطريق

اقتباس:

---

المشاركة الأصلية كتبت بواسطة khaled_sabry

لو كان الموضوع تصليح الطريق - يدو اختيار انه يصلح الطريق على حسابه (زى ما السعوديه بتعمل)
لكن دول بياخدو غرامه مبالغ فيها جداا و كمان مش بيصلحو الطريق

---

مبالغ فيها جدا الصراحه .. تحسها عقوبه عشان الناس متجريش وتعمل حوادث حاجه كده تخوف الناس زي الرادار ههههه
المهم سلامه صاحبك وأخوه