الموضوع: ملاك الالنترا 2010 او الشكل القديم

المشاركة الأصلية كتبت بواسطة mohamedjetta

ربنا يستر ودي اثبت عربيه رخيصه يعتبر و كوري فهي دي اللي هتكل ع الله واجبها بس اخو صحبه العربيه بيقولي انا اختي معهاش الا العربيه دي ولسه كمان شهرين هتشتري غيرها لما تشتري غيرها هبعهالك انا اضطريت اوافق ع كلامه لان العربيه نضيفه جدا واستعمال حريمي مش بتاع دوس ولا كيك داون يعني زيرو وغير كده سعرها مغري بالنسبه انها هاي لاين
احب اشكر اعضاء هيونداي ع سرعه ردهم وعلي احترامهم

ربنا يكرمك ل اللى فيه الخير ليك
على العموم ان شاء الله هاتكسب عربيه ناعمه جدا - تكييف رائع - استهلاك بنزين ممتاز - فى وجهة نظرى الشخصيه اعلى تسارع موجود فى العربيات ال 1600 اللى موجوده فى مصر بدون تعديلات - بتوصل ل 180 بمنتهى السهوله - شكلها الخارجى والداخلى مقبول جدااااااااا - عربيه واسعه من جوه جدا - شنطتها كبيره

حاجه الناس بتشوف انها عيب وانا كنت من الناس ديه ودلوقت شايف ان اى عربيه من غير الميزه ديه تبقى ملهاش قيمه ---- ال eps أو الباور الكهرباء - أول عربيه النترا جربتها فعلا مكنتش عارف اسوقها - دلوقتى انا بركب لانوس 2012 - صنى 2014 - اكسنت 2011 - سورينتو - كلهم بالنسبه ليه زى الزفت بسبب الباور ستيرينج العادى - الباور الكهرباء ناعم جدا ولما هاتتعود عليه مش هاتعرف تركب عربيه باور هيدروليك - بس فى البدايه أوعى تجربه فى غرز وما شابه - ربنا يسترها عليك

بالمناسبه اداء الفرامل ممتاز طول ما انت تحت 80 والكاوتش بتاعك التراكشن بتاعه aa ويكون ماركه محترمه - بريدجيستون أو ميشلان بس

بغض النظر عن الثبات - أداء الفرامل - قوة الصاج - عوامل الامان ------------ عربيه ممتازه - وهيه أكتر عربيه حبتها فى حياتى على الاطلااااااااااااق - ربنا يبارك لى فيها ويبعد عنها العين