سخونة الفيرنا مع السرعة و التكييف فقط
السلام عليكم
فيرنا 2008 1600 - ماشية 185.000 كم
امبارح كنت مسافر و طول الطريق ماشي 110-130 بالتكييف
و بعد 100كم الطريق فتحت زودت ل 140-150 بالتكييف لا حظت الحرارة بدأت تزيد
فصلت التكييف و مشيت 100 نزلت الحرارة طبيعي
مشيت 130 من غير تكييف عادي مفيش سخونة فكملت من غير تكييف
وانا راجع الطريق فاضي جدا مشيت 140 و شغلت المراوح بس من غير تكييف سخنت برده
فتحت الشباك و مشيت 120 -130 و امري لله
مع العلم
مياه الريداتير خضراء و نظيفة الي حد كبير بدون صدا تقيريبا
((قربة المياه احيانا بلاقي عليها خضار مكان المياه تقريبا بتنفس بسيط))
الموضوع ده حصل قبل كده و نزلت لقيت القربة مليانه عن الطبيعي و بتغلي و بردت بعد ثواني و كله مع التكيييف
من اسبوعين كنت حاطط منظف و مشيت 170 و مفيش اي سخونه بس من غير تكييف
رجاء الافاده
اسف ع الاطاله
