الموضوع: استفسار من سكان عباد الرحمن

لا اله الا الله

مفيش حد ساكن هناك ولا ايه
شكلي هسكن في الصحرا

ألف مبروك
المكان هناك جميل وهادئ
بصراحة معرفش إجابة لسؤالك لأننا شاريين من جمعية عباد الرحمن مباشرة
ولو عايز رقم تليفون مسؤل في شركة عباد الرحمن بلغني أبعت لك رقمه

شكراً للردود
بس انا سألت في الشركة وعرفت انهم بياخدوا ٣٠ الف جنيه عشان يتعمل التنازل
احد اصدقائي قاللي اني ممكن اشتري من المالك مباشرةً اللي طبعاً خلص كل الاقساط والمصاريف بتوكيل عشان اوفر المبلغ اللي هتاخده الشركة مقابل التنازل
بس انا قلقان ان بعد ما اشتري الاقي الشركة بتطلب اي مصاريف زيادة بعد كدا زي مثلا مساهمة في سفلتة الشوارع او عمل اي حدائق

اتمنى فعلاً حد يفيدني في الموضوع دا

المشاركة الأصلية كتبت بواسطة yasserwin

طيب انت لية تدفع فلوس للشركة نفسها

هو مش صاحب الشقة مع عقد باسمه ؟؟

المفروض ان يبقا فيه عقد بيع من صاحب الشقة ويتسجل فى الشهر العقارى او يتعمل صحة توقيع وبتخلى صاحب الشقة يتنازلك عن عداد الكهرباء والغاز ويبقا باسمك ..

يا ترا ممكن تقولى الاسعار دلوقتى كام فى عباد الرحمن ..

ولية مفكرتش فى المشاريع الجديدة زى المعادى جاردنز

السلام عليكم

صاحب الشقة سدد الاقساط والعقد اصبح باسمه واخد المخالصة من الشركة وعمل كمان صحة ونفاذ بس انا خايف اشتري منه وكله يبقى تمام بس الاقي الشركة بما انها مالكة العمارة والارض والكمبوند كله تيجي تطلب اي فلوس نظير اي خدمات او اعمال صيانه وتستند في كدا للعقد الاصلي اللي بينها وبين المشتري الاولاني

رينج الاسعار متفاوت جداً انا اتفرجت علي واحدة 150 متشطبة سوبر لوكس و بيتكلم في 380 ألف

المعادي جاردنز كويسة بس الميزة اللي في عباد الرحمن السعر بالاضافة لقربها الشديد من الدائري

طيب كمان سؤال

ازاي اضمن ان صاحب الشقة ما باعهــاش قبل كدا لكذا واحد سواء بتوكيل او بعقد ابتدائي ... زي فيلم شحاتة ابو كف كدا