الدريكسيون به ثقل

**nabilaly** · 15-07-2007 02:05 PM

السلام عليكم ورحمة الله وبركاتهجماعة البر والخيرات
سيارتى الدوجان 1996 الدريكسيون بحالات أحيانا تقيل جدا وأحيانا خفيف
هل هذه أعراض مرض ما فى الدريكسيون
هل يصلح تحويل الدريكسيون الى بور وماهى التكلفة والعائد وأفضل فنى لهذه العملية
شكرا لكم جميعا

15-07-2007 02:46 PM

وانا كمان كنت بعاني من مشكلة ثقل الدريكسيون ديه بس بردوا راحت دلوقتي بس عايزك تلاحظ امتي بيتقل الدريكسيون يعني المعتاد ان الدريكسيون بيتقل شوية مع تحميل العربية (يعني لما يركب فيها اشخاص كتير او تتحمل جامد) وكمان التقل عندي بيبقي مع الحركة من الثبات بس لما العربية بتتحرك الدريكسيون بيخف خالص

**hazem_khidr** · 15-07-2007 04:14 PM

لازم تكشف علي بيض الدركسيون ممكن يكون فيه بيض وحش يعمل معاك كده.
بالنسبه للتغيير للباور ممكن طبعا طالما عربيتك نزل منها باور و حتحتاج جزنه دركسيون باور و كمبريسور و علبه للزيت و في واحد في شارع شامبليون عند ابو طارق بتاع الكشري كده مش فاكر اسمه ايه بس استاذ ليا واحد صاحبي كان عامل شغل عنده قبل كده و فعلا محترف

**Abdallah** · 15-07-2007 09:59 PM

كما افاد السيد حازم فمن الجائز ان يكون بيض دركسيون او اتياش مش مظبوطة او الزوايا الامامية مش مظبوطة .
نعم من الممكن تحويل السيارة الى باور ولكن لا انصحك بهذا لانه من المستحيل ان يكون الباور الراكب مثل الباور الى نازل مع العربية , دة غير انك هتلاقى ان الموضوع هيدخله فى 1500 او 2000 جنيه على حسب اسعار الحاجة الى هتجيبها وبرضة هتبقى انت وحظك يعنى ممكن السكاترا تشتغل معاك شوية وتبوظ وحوارات ملهاش لازمة,....
اذا اردت باور فبعها واشترى سيارة بها باور.
هتحتاج القطع دى وحسب عربيتك برضة
سكاترا باور
عمود دركسيون باور
قربة زيت باور
كومبروسر باور
خراطيم الباور

دول الى فاكرهم دلوقتى .