لما البترول سعره ارتفع فى العالم الحكومه عايرتنا بالدعم بتاع البنزين و حسسونا انهم بيدونا صدقه من جيبهم و جيب ولادهم
طب البترول اهو نزل بتاع اربعين دولار بحالهم
هيعملو ايه بقى دلوقتى؟ هيرخصوه ولا يغلوه؟
حسبنا الله و نعم الوكيل
عرض للطباعة
لما البترول سعره ارتفع فى العالم الحكومه عايرتنا بالدعم بتاع البنزين و حسسونا انهم بيدونا صدقه من جيبهم و جيب ولادهم
طب البترول اهو نزل بتاع اربعين دولار بحالهم
هيعملو ايه بقى دلوقتى؟ هيرخصوه ولا يغلوه؟
حسبنا الله و نعم الوكيل
هرخصوه اربعين سحتوت
ويحطوهم ضرايب او يغشوا البنزين
انا صاحى من الصبح حاسس بحاله قرف عامه
حاسس ان انا بتسرق عينى عينك كده و موش عارف اعمل ايه
لا تعليق ممكن يقولوا لك البترول غلي بس ظروف المعيشة بقت عاليه فلازم تستحملونا عشان نعيش
اه يا بلد
والله لو نزل لحد 30 دولار حتى .... مستحيل البنزين او السولار سعره ينزل ... انما يغلى اكيد حيغلى بس مش دلوقتى حيستنو شويه لما الاوضاع العالميه تتظبط علاشان " مايبقاش لينا حجه "
اكيد الحجه حتكون انه حتى مع انخفاض سعر البترول عالميا فالحكومه بتدعمه برضه بالمليارات .
بغض النظر عن البترول ... اهم سلعه المفروض " وهى لازم " ترخص ( الحديد ) اسعار الحديد تهاوت بشكل مكانش حد متوقعه نهائى
لازم اسعار الحديد فى مصر ترخص و ترخص كتير كمان و ترجع لنفس اسعار البيع من 3 او 4 سنين .
الحاجه التانيه اسعار السيارات , لان فى ركود عالمى على طلب السيارات و كل الشركات سجلت تراجع فى المبيعات السنادى , و لازم حيرخصو الاسعار لتشجيع المستهلك على الشراء .
ياريت نشوف ده هنا فى مصر بدل اسعار السيارات المبالغ فيها .
ياريت الناس تضرب عن شراء السيارات الزيرو لمده 3 شهور .
بلاش تشاؤم
طبعا حيرخص وكل السلع حترخص و كل حاجة حترجع زى الأول و احسن
انا عندى حالة اكتئاب جامده جدا
موش فاهم فى ايه بالظبت
الجشع مالى الناس وملى قلوبنا
بينزلو لينا ازبل حاجه ب أعلى سعر اللناس اللى فى بلاد تانيه و اغنى مننا بتجيب الحاجات احسن مننا و ارخص
ليه احنا ندفع اكتر فى حاجات اوحش عشان الناس ديه تكسب على قفانا
و لما الدنيا ترخس يزودوا الاسعار عشان يعوضو كده كده الزبون هو اللى بيدفع
طب الحديد نزل اهو حد يستجرى يقول الشقق هترخص؟ رغم كعرض و طلب العرض اكتر من الطلب بكتير جدا
غبور لما يخلى عربيه زى الماتريكس ب ميت الف و مفيش اير باج او حتى اي بي اس ليه؟؟؟؟؟ عربيه زى الفيرنا ب 65 الف!!! ليه هى ديه عربيه اصلا!!
الاسبرنزا دى تابوت موووووت والشيرى تابوت موووت و برضه غاليه ليه؟ ليه بيسرقونا ليه البامبرز ب 67 جنيه و الناس بتشتريه بره ارخص و احسن
ليه اللى بيجيبو العربيات موش بيخافو علينا ليه الحكومه موش بتخاف علينا ليه مصر مش خايفه علينا؟
واحد انهارده بيقولى انه راح يشو شقه فى القاهره الجديده 95 متر من اللى كانو بتوع البنك اللى واخدها كان ت ب16 الف و كام مييت جنيه فى الشهر
ليه عايز يبيعها ب متين و عشرين الف ليه اصلا توصل كده؟؟؟ و هو واخد تلات شقق مين اللى ادهملو؟ انا بشقى و اتعب و اذاكر و افكر و يطلع عينى و عين اللى خلفونى على الملاطيش اللى الواحد بياخدها و لما اجى اغير العربيه افكر فى قرض واللى يقوللى حلال واللى يقولى حرام يعنى البلد مطلعه تيييييت امنا و يقولى البنك حرام و حلال
انا قرفت من كل حاجه
هو فيه حاجة فى مصر سعرها غلى ورجع رخص تانى
كان من ألاولى الاكل اللى رخص فى كل الدنيا يرجع لأسعاره هنا لكن هيهات ان يحدث هذا فى أم الدنيا
اللى أنا على يقين منه أن البلد ديه ماشية برحمة ربنا بينا
ربنا يهلك الظالمين بالظالمين
ويخرجنا من بينهم سالمين
آمين آمين
حسبى الله ونعمى الوكيل الاول كنت بفول العربيه ب45 جنيه دلوقتى بفولها 80جنيه حرررررررررررررررررررررررر ررررررررررررررررررررررررر رررررررررام
كل اسعار العقارات تهاوت مفيش حد بيشترى الآ هنا فى البلد مفيش اى تاثير خالص امبارح كنت بسال على شقة قديمة فى فيصل 90 متر صاحبها عاوز 300000 ليه مش عارف
طبعا مش هيرخص
النهاردة وزير الزراعة افاد بأن رغم انخفاض اسعار اليوريا فى العالم كله فأن اسعار الاسمدة فى مصر لن تتأثر !!!!
شوف بقى ليه - لأن اسعار السماد فى مصر اقل من الاسعار العالمية - شوفت ازاى ؟؟؟
طبعا ده نفس منطق الحكومة فى كل شىء يعنى رغم انخفاض سعر البترول عالميا فان سعر البنزين فى مصر لن يتأثر
وبعدين عندهم سبب آخر هيقولك احنا دولة مصدرة للبترول ( هنا هيفتكروها ) ودخلنا من البترول قل مع الانخفاض ( يعنى مش هيغلبو )
انما احنا ناخد مرتبات اقل من المستوى العالمى دى بقى يطنشوها
حكومة تيييييييييييييييييييييييي ييييييييت