انا بدور على سيراتو خلاص 2010 هاي لاين من غير بصمة فا بسال واحد قالى قدامى سكودا a5 فى نفس سعر السيراتو وانا محتار جدا فانتو ايه رايكو
عرض للطباعة
انا بدور على سيراتو خلاص 2010 هاي لاين من غير بصمة فا بسال واحد قالى قدامى سكودا a5 فى نفس سعر السيراتو وانا محتار جدا فانتو ايه رايكو
اركب العربيتين و انت هتحس بالفرق بس مصاريف تشغيل الاوكتافيا اعلى من السيراتو
اوكتافيا موديل كام ؟
اوتو ولا مانيوال؟
حالتها؟
ماشيه كام؟
قولي تفاصيلها
مينفعش تقارن سياره المانى بسياره كورى
هى a5 2006 بس مش عارف ماشية كام لسة راشة نظافة هو جارنا بشوفو على طول بيها والعربية حالتها الخارجية كويسة
بس انا عاوز عربية مصرفش عليها وقطع غيارها رخيصة
طيب مبدأيا مش عايز اخوفك
لو "اوتوماتك" لازم تعرف صاحبها مغير زيت الفتيس "فالتوكيل" عند 60000 كم" ولا لأ ؟
لو لأ ابعد عنها بدل ما تلبس عربيه فيها فتيس هيبوظ معاك وتروح تجيبه من الحرفيين ب 13 او 14 الف استيراد او فتيس تيست درايف فانتازيا ب 25 الف او من التوكيل ب 64 ألف
اعتقد انك خفت هههه
خليك طبعا فى السيراتو
الى عاوز يركب اوكتافيها يركب عربيه موديل عالى عشان ميصرفش دم قلبه عليها
وانا راى دور على سيراتو 2011 عشان الفتيس الجديد
خليك فالسيراتو حنينه ف قطع غيارها
المهم ياصاحبي اكشف عليها فالتوكيل ودا والله اهم حاجه
و بلاش سرعه زياده عن 140 150 لأنها عربيه جرايه بس مش بثبات الالماني وربنا يكرمك
خليك في السيراتو
سيراتو طبعا سكودا عربيه كئيبه--السيراتو دلع واوبشن جامد وجرى وفرامل
معلش يا باشا هى اراء بس لو قارنت اسكودا بسيراتو يبقى تبص لكل
مبدئيا امان الاسكودا غنى عن التعريف و طبعا كل الناس عارفة السيراتو
كفاية ان واحد عندنا بيبيع سيارات حوادث مفيش سيراتو الا لما تلاقى كبوتها في الشنطة اما الاوكتافيا كل قوايمها زيرو و الصالون من جوه بحالته و البهدلة في الصاج و بسسسسسسسسسس
دى حاجة واحدة بتقارن فيها بين العربيتين
و لو هنتكلم على الفتيس كل الاستبترونيك مشكلته مشكلة زيت الفتيس
و لما تجرى بالاتنين هتعرف ان الاوكتافيا عربية بجد و السيراتو (اسف في الكلمة) مراجيح
فهو بما انه كدة كدة هيجيب مستعمل يحيب حاجة يكون امانها عالى و تكون تقيلة على الارض
الحاجة الوحيدة اللى ممكن تميز السيراتو سرعة بيعها مع ان الاوكتافيا برده مش بتقعد
تقبلوا تحيتى و ربنا يوفقه للى فيه الخير :)
طب متشوف لانسر سوبر اكشن عربيه حلوه لو سليمه ومش هتتعبك فى حاجه
ربنا يخليكو يا جماعة والله فعلا الناس بتقولى السكودا حلوة بس مشاكلها ياما وقطع غيارها غالية فا هيبقا المناسب بقا كيا سيراتو ولو حد عندة واحدة نضيفة بفتحة سقف انا جااااهز
ربنا يوفقك فى الاختيار كنت فى نفس الحيرة مثلك واخيرا اتكلت على الله وجبت سيراتو 2010 كاملة بدون بصمة فقط بس خلى بالك من شوية حاجات اللى عدت على اولا تغير زيت الفتيس وزيت الماتور وسير المجموعة ماتخفش من سير الكتينة معاك لحد 80 الف كيلو وهم بيقولو 100 خليك فى 80 الف وغير سير الكتينة ولازم تغير البوجيهات وتعير زيت الفرامل ومياة الرداتير وتكشف على التيل هقولك دة موال لوحدة من الاخر ربنا يوفقك
لما تقع عربيه منهم حالتها حلوه وسعرها كويس خدها وعيش - دى عربيه محترمه والتانيه عربيه محترمه
بص العربية السيراتو حلوة على تمنها وتمن قطع غيراها ، يعني بتحش انك اخدت افضل حاجة مقابل السعر الي انت دافعه وطبعا دا كان على الشكل القديم لان الجديد غالي جدا يكاد يكون في سعر الياباني والاكتافيا مع فارق الجوده
وبحكم ان انا معايا سيراتو 2012 حقلك العيوب الي انا شايفها لان المزايا كتير حيقلك عليها
- العيب الاول هو نشوفيه العفشة وخصوصا في الجنط ال 17 الي معيايا بس دا بيدي ثبات للعربيه وشكل حلو
- العيب الثاني هو ان البويه ضعيف جدا وبتتخربش من اي سبب ودي حاجة مقرفه بصراحه وخلياني حتجنن وخصوصا لو عربيتك لونها داكن
- اكصدام العربيه ضعيف جدا وخصوصا الي قدام بيتكسر بسهوله بس الي يديك شويه امان ان فيه دفندر حديد تحتيهم بس مفيش حاجت تمتص الصدمه بين البلاستيك بتاع الاكصدام والدفندر ودا بيخليه يتكسر من اي خبطه جانبيه
دا الي حصل معايا خلال سنتين من امتلاك العربيه وهي مش عربيه موفره في البنزين بس في نفس الوقت مش حوت يعني لان بردو وزنها تقيل حوالي 1364 كيلو ( الاوتوماتيك)
السراتوا انعم
فى حالتك سيراتو ٢٠١٠ بحالتها افضل من a5 مو ٢٠٠٦ خصوصا لو ال a5 اوتوماتيك ...
و سيراتو ٢٠١١ فتيس جديد افضل فى التسارع و الاداء ...
تحياتى ...