الموضوع: بريدجستون تورانزا gr90 ب 640 جنيه مقاس 14 ليييييييييييه

بص حضرتك،

أولا: التوكيل بيجيب حاجة انتاج امبارح ودي حاجة مهمه لأن لسه مضحوك عليه في الانتاج وجبت كاوتش 2012 لقلة خبرتي

ثانيا: التورانز gr-90 دا أفضل كاوتش في بريدجيستون إللي هي بعد ميشلان أو راسها براس ميشلان

ثالثا: الفردة دي وجدتها الاسبوع اللي فات على الطريق الزراعي "طنطا" بس مش عارف الانتاج كام وكانت بـ 575 وللأسف غالية وتمنها فيها بس مكانش معايا فلوس كفاية، وده محل كبير مشهور على الزراعي "طنطا" اسمه عطوان بيع وتركيب وترصيص وحاجة كويسه يعني

بالمناسبة سألته على اكستا الفيتنامي ده قالي مش حلو دا هو كابائع بيقول كده، وهو فعلا بـ 400 وأنا شايف إنه غالي بـ 400

في رحلة بحثي عن الكاوتش وجدت فردة بس ماكنتش أعرف عنها معلومات رغم ان الفردة كانت هاتنطق ونقشتها تمام صراحة وانتاج حديث وبـ 380 بس وهي GT Champiro بس مش فاكر الرقم، وواحد بتاع كاوتش قالي الفردة دي أندونيسي ممتازة وتنزل أندونيسي بس من يومها يعني مش ملعوب فيها.

بنصحك دور في دانلوب، كاوتش حكاية وياباني ورخيص مقارنة بغيره.

وبالتوفيق إن شاء الله.

المشاركة الأصلية كتبت بواسطة mohabelnegm

أنا كنت مركب التورانزا و من شهر جه ميعاد تغيير الكاوتش و روحت علشان أشترى تورانزا و لما لقيت السعر عملت زيك كده و ماشتريتش...روحت جبت أربع فرد كومهو فيتنامى الفردة ب 400جنيه(جنط 14 185/65) و زى الفل على كدة...كده كده أنا بغير على 50ألف بغض النظر عن الحالة ...فالكومهو هايؤدى الغرض بكفاءة و سعر أقل بكتير جدا. المبالغة فى سعر أى حاجة مهما كانت جودتها بتنفر العميل و تخليه يبعد عن المنتج.

الكومهو الفيتنامي غير الكوري تماما في الجودة، وده كلام بياعين الكاوتش نفسهم

وربينا يباركلك فيه، وفعلا الكاوتشات نصيب.

تم تركيب كومهو اكستا انتاج 2014 والفرده بسم الله ماشاء الله جميله
مقاس 185/65/14

بسعر 390 للفرده شامله كل حاجه

المشاركة الأصلية كتبت بواسطة ahmad--ezzat

تم تركيب كومهو اكستا انتاج 2014 والفرده بسم الله ماشاء الله جميله
مقاس 185/65/14

بسعر 390 للفرده شامله كل حاجه

فيتنامي ؟؟
وجميلة من ناحية إيه، عشان نعرف الفروق
مشكورا

الفرده فيتنامي...وجميله من حيث القوه

بص ياباشا...انا مش اول مرة اجرب كومهو الفيتنامي

وجربته علي اقل بروفايل


عل 45

وبصراحه ارفع القبعه للفرده دي

ماسكه نفسها جامد وتماسك كويس وبتعيش

المشاركة الأصلية كتبت بواسطة ahmad--ezzat

الفرده فيتنامي...وجميله من حيث القوه

بص ياباشا...انا مش اول مرة اجرب كومهو الفيتنامي

وجربته علي اقل بروفايل


عل 45

وبصراحه ارفع القبعه للفرده دي

ماسكه نفسها جامد وتماسك كويس وبتعيش

على كلامك كده يارتني جيبتها، ووفرت وكانت هاتكون أحدث من 2012 اللي معايا دي، قدر الله وما شاء فعل.

ربنا يباركلك فيها ويكفيك شرها

الفردة بتاعتي على النت:

SP SPORT LM702 - Summer tires - For motor cars - Tires catalogue - Dunlop Tire CIS LLC


هو عمر دانلوب الافتراضي أد إيه يا جماعة وهي ياياني أصلي ؟؟