الموضوع: عملت حادثة و دخلت الحجز

السلام عليكم اخباركم ايه اتمنى تكونو بخير وربنا يبعد عنكم الحوادث . ادخل فى الموضوع عالطول

يوم الجمعة اللى هو امبارح لبست الجلابية و نزلت اصلى واخدت العربية العربية سكودا فليشيا 1997
خلصت صلاة و اتمشيت شوية بالعربية مع اصحابى وكان معايا اخويا والعربية باسمه
انا من المنصورة فانا ماشى فى شارع البحروكنت ماشى بالراحة جدا لان احنا يوم الجمعة والبلد فاضيه وخارج مع اصحابى بعد الصلاة و بنشرب عصير مفيش اى حاجه تخلينى امشى بسرعة و عند مديرية الامن اديت اشاره شمال و هديت علشان الف وارجع وبصيت فى المراية كان ورايا عربية سكودا اوكتافيا وانا فى الملف لاقيت موتوسكيل مرزوع فى جنب العربية الشمال هرس الباب اللى قدام والرفرف اللى قدام والعجل اتعوج تقريبا المقص والاسكتره اتعوجو والموتوسيكل والسواق وقعو على الارض سواق الموتوسيكل كان شكله لبط هو مقامش من على الارض بس اتصل بكذا حد قاله و كان عمال بيلطم و طلع شغال فى مستشفى خاص فى المنصورة اسمها السلاب الاسعاف جه اخده وبعدين كان فى امين شرطة واقف اخد رخص العربية ورخصتى و رخصه سواق الموتوسيكل و رخصة الموتوسيكل . وبعدين سواق الاوكتافيا اللى كان ورايا قال انى مش غلطان خالص وان سواق الموتوسيكل كان جاى بسرعة جدا وانه عدى من جنبه وانه عرف انه حيخبطنى من اول لما شافه وانه مستعد يشهد معايا المهم جه الظابط وانا سوقت العريبة بالعافية لحد القسم وكنت كلمت كذا واسطه كلمو الظابط و الامين اللى عملو المحضر و وصوهم عليا والموضوع مكانش محتاج لانى مش غلطان فعلا المهم انا كنت عاوز نمشى عادى ونتصالح وخلاص مش عاوز حاجه منه لاقيت واحد زميله فى المستشفى جه المحضر وبيقول انه عاوز اصلحله الموتوسيكل وكمان اديله تعويض طبعا قلتله لأ والظابط سألنى تتهمه بحاجه قلتله ايوه اتهمه بالقيادة برعونة و احداث تلفيبات بالسيارة و بعدين اخدوا اقوالى واقوال الشاهد واخدوا العربية والموتوسيكل الحجز اللى فى قسم المجزر وبعدين قالى معلش حتدخل الحجز علشان تتعرض على النيابة المسائية . طبعا اتصدمت كان معايا اخويا بره اديت الحاجه ودخلت الحجز طبعا اول مرة تحصلى حاجه زى كده تقريبا ساعة ونص واترحلت على النيابة بالكلبشات وعربية الترحيلات ووكيل النيابة مسمعش حتى نص اقوالى وادانى اخلاء سبيل .
الموضوع ده اخد من الساعة 1.30 تقريبا لغاية لما طلعت من النيابة الساعة 7 مساءا
طبعا رجعت البيت كلمت المحامى يشوف الموضوع ايه . المحامى قالى سيبك منه هو الغلطان و هو اللى حيدفع لك التصليح .

طبعا المحامى يهمه ان الموضوع يمشى قانونى علشان ياخد اتعاب

انا مش عارف اعمل ايه دلوقتى احاول فعلا اراضى الراجل علشان يتنازل مع انى لو مشيت قانونى انا اللى هكسب فى الاخر ولا المحامى حياخد فلوس كتير . ولا الراجل ممكن برضه يطلب فلوس كتير لانه بعد لما اتنقل المستشفى ب5 دقايق اللى معاه اتكلم و قال ده حيحتاج شرائح ومسامير ولحسن الحظ ان الشركة اللى انا شغال فيها من اكبر الشركات فى الموضوع ده وانا عارف ان علشان نحكم على مريض انه محتاج شرائح ومسامير لازم x-ray ودكتور اخصائى عظام يشوف الحالة وبعدها يحكم وده مستحيل يحصل فى 5 دقائق .

تنصحونى بايه ؟؟؟؟

ربنا يعوض عليك ويعديها على خير

صلى استخارة كتير وقضاء حاجه، ليس لها من دون الله كاشفة