الشروط الجديدة لشركات التامين وفقا لقرار الهيئة العامة للرقابة على التامين

السلام عليكم

النهاردة كنت بشوف حاجة على الموقع الداخلى لمكان شغلى فلقيت ملف عنوانه
"الشروط الجديدة لشركات التامين وفقا لقرار الهيئة العامة للرقابة على التامين"

وبيتكلم عن التأمين على السيارات وبينص على الأتى

أبتداءً من 1 سبتمبر 2008
عند طلب المؤمن له التصليح فى التوكيل يتم الأتى
1- عمر السيارة أقل من 5 سنوات-----يتم خصم 10% من أجمالى قيمة الأصلاح متضمنة قيمة المستهلكات
2- عمر السيارة أكثر من 5 سنوات و أقل من 10 سنوات-----يتم خصم 25% من أجمالى قيمة الأصلاح متضمنة قيمة المستهلكات
3- عمر السيارة أكثر من 10 سنوات يتم تقدير قيمة الأصلاح عن طريق مندوب شركة التأمين و لايحق للمؤمن له الحصول على غير هذه القيمة

صورة من القرار
http://www.postimage.org/PqUBmd0.jpg

شكرا يا أحمد باشا على المعلومة

شكرا على المعلومه يا باشا

شكـــــــــــــــــــــــ ـــــــــــــرااا:049:

العفو يا شباب......

بصراحة مش فاهم

اقتباس:

---

المشاركة الأصلية كتبت بواسطة champoo

بصراحة مش فاهم

---

و انا كمان مش فاهم قصدهم ايه
ممكن الشرح؟

الموضوع بسيط جداً

لو أنت مأمن مع شركو وحصل حادث لا قدر الله وطلبت التصليح فى التوكيل يتم الأتى
1- لو عربيتك عدى على موديلها أقل من 5 سنين يبقى اللى هتدفعه فى التوكيل هيتردلك عن طريق شركة التأكين ناقص 10% حد أقصى و من ضمن الخصم ما يسمى ب " خصم قيمة الأستهلاك " اللى هى ال Depreciation بتاع بعض الأجزاء اللى أتغيرت فى الحادث.
2- لو عربيتك عدى على موديلها أكتر من 5 سنين يبقى اللى هتدفعه فى التوكيل هيتردلك عن طريق شركة التأكين ناقص 25% حد أقصى و من ضمن الخصم ما يسمى ب " خصم قيمة الأستهلاك " بتاع بعض الأجزاء اللى أتغيرت فى الحادث.
3- لو عربيتك عدى على موديلها أكتر من 10 سنيين يبقى مندوب الشركة هيعاين العربية و يقدر مبلغ معين للأصلاح.......المبلغ ده اللى أنت هتاخده من غير فصال.....يعنى بنظام لو مش عاجبك أخبط رأسك فى الحيط

مثال توضيحى
عربية مو 2006 متأمن عليها ووديتها تتصلح فى التوكيل
التكلفة 4000 جم بتدفعهم أنت وبعدين الشركة بتطلعلك شيك بيهم
ممكن يطلعوا الشيك بمبلغ يتراوح من 4000 الى 3600 جم حسب تقيمهم لو أقل من كده يبقى من حقك تتخذ موقف قانونى يضمنلك حقك فى الفرق

طيب الكلام ده ممكن يتوافق مع الجمعيه المصريه بكل سهوله
بس شركات محترمه زي كونكت و اللاينز و غيرهم موقفهم ايه حاليا؟؟

يا باشا المفروض ده قرار الهيئة العامة للرقابة على التامين
يعنى ينطبق على كل شركات التأمين بس لو فيه شركة مش عاوزة تخصم 10% أو 25% أعتقد أنه من حقها بس طبعاً يكون الكلام موجود فى العقد

وبعدين هما حددوا حد أقصى ومحددوش حد أدنى