بخصوص صيانه ال40الف ستيب واى ارجو المشوره

نظرا للغلاء الفاحش فى اسعار لتوكيلات وبدون اى داعى مبيعمملوش حاجه تحسب غير اللازم للصيانه وبس
كنت بفكر اشترى قطع الغيار انا الاصليه سواء من التوكيل او من بره واعمل الصيانه بره التوكيل
من بعد ال40الف دى الصيانه تكلفتها 1025ج تغيير زيت وفلتر زيت وفلتر هوا وبوجيهات وتربيط عفشه!
انا كلمتهم وطلبت منهم اغير زيت وفلتر زيت بس بتكلفه452ج
لو عملت كدا ياجماعه ومشيت لحد ال50الف عادى ولا لازم اغير بوجيهات وفلتر هوا؟!!
ولو عاوز اعمل صياناتى بره التوكيل فى مركز كويس رينو اعمله فين واجيب قطع الغيار الاصليه منين:U_thin1[1]:
الله يكرمك جميعا
عربيتى ستيب واى 2013

33 مشاهده ومفيش ولا رد؟! ليه يجماعه فين روح التعاون فى القسم؟! :(((((((

ممكن رأيك عن العربيه علشان بفكر ما بينها و الاف ار في كروس

في واحد أسمه برازيلى حتلاقيه منتشر هنا في المنتدى ده الوحيد الخل الوسط مابين شغل نضيف و تكلفة وعقولة بس هو حيقوللك تعمل أيه و تجيب أيه 01147663310

اقتباس:

---

المشاركة الأصلية كتبت بواسطة amrelsha3er

نظرا للغلاء الفاحش فى اسعار لتوكيلات وبدون اى داعى مبيعمملوش حاجه تحسب غير اللازم للصيانه وبس
كنت بفكر اشترى قطع الغيار انا الاصليه سواء من التوكيل او من بره واعمل الصيانه بره التوكيل
من بعد ال40الف دى الصيانه تكلفتها 1025ج تغيير زيت وفلتر زيت وفلتر هوا وبوجيهات وتربيط عفشه!
انا كلمتهم وطلبت منهم اغير زيت وفلتر زيت بس بتكلفه452ج
لو عملت كدا ياجماعه ومشيت لحد ال50الف عادى ولا لازم اغير بوجيهات وفلتر هوا؟!!
ولو عاوز اعمل صياناتى بره التوكيل فى مركز كويس رينو اعمله فين واجيب قطع الغيار الاصليه منين:u_thin1[1]:
الله يكرمك جميعا
عربيتى ستيب واى 2013

---

إعمل الصيانة في التوكيل أفضل وبعدين دي صيانتها كل 10000 كيلو يعني مش موضوع كبير ، ياريت تشوف اللي معاه سبرانزا أخباره إيه لان ده صيانته فعليا مرعبة خصوصا سير التقسيمة
نصيحة الصيانة في التوكيل أوفر من الصنايعية في الشارع حتى لو كانوا حطين شعار رينو على الورشة لأن أخطاء بسيطة ممكن تزعلك ، والأهم هو إن التوكيل بيديك ضمان على الصيانة
أما بالنسبة لإن السعر حوالي 1000 جنيه فده مش كتير بالنسبة لباقي التوكيلات وممكن بره التوكيل تتكلف أكتر ووقت أطول

لا عادي والبوجيهات بتاعة اللوجان بتقعد كتيرما تقلقش منها خالص
ولو علي فلتر الهوا انت ممكن تجيب فلتر الهوا مش هيعمله 50 او 60 جنيه وتركبه بنفسك تركيبه ساهل جدا بتفك مسامير العمة وتشيل الفلتر القديم وتحط الجديد مكانه
مش عاوز تغيره فكه وروح عند واحد بتاع كاوتش انفخه بالهوا كويس هيرجع كويس جدا معاك

مع الاحترام لجميع الاراء ... طالما لسه ف الضمان خليك مع التوكيل لحد ما تخلص الضمان و ممكن ما تغيرش البوجيهات و قولهم كفايه الزيت بس