وضعت السم في رغيف الخبز لعابر سبيل

**prof2013** · 03-05-2014 11:22 PM

يحكى أنه كان هناك امرأة تصنع الخبز لأسرتها كل يوم، وكانت
يوميا تصنع رغيف خبز إضافيا لأي عابر سبيل جائع، وتضع
الرغيف الإضافي على شرفة النافذة لأي فقير يمر ليأخذه.
وفي كل يوم يمر رجل فقير أحدب ويأخذ الرغيف وبدلا من إظهار
امتنانه لأهل البيت كان يدمدم بالقول ” الشر الذي تقدمه
يبقى معك، والخير الذي تقدمه يعود إليك!” ..كل يوم......
كان الأحدب يمر فيه ويأخذ رغيف الخبز ويدمدم بنفس الكلمات
” الشر الذي تقدمه يبقى معك، والخير الذي تقدمه يعود
إليك!”،
بدأت المرأة بالشعور بالضيق لعدم إظهار الرجل للعرفان
بالجميل والمعروف الذي تصنعه، وأخذت تحدث نفسها قائلة:“كل
يوم يمر هذا الأحدب ويردد جملته الغامضة وينصرف، ترى ماذا
يقصد؟”
في يوم ما أضمرت في نفسها أمرا وقررت ” سوف أتخلص من هذا
الأحدب!” ، فقامت بإضافة بعض السمّ إلى رغيف الخبز الذي
صنعته له وكانت على وشك وضعه على النافذة ، لكن بدأت يداها
في الارتجاف ” ما هذا الذي أفعله؟!”.. قالت لنفسها فورا
وهي تلقي بالرغيف ليحترق في النار، ثم قامت بصنع رغيف خبز
آخر ووضعته على النافذة.
وكما هي العادة جاء الأحدب واخذ الرغيف وهو يدمدم ” الشر
الذي تقدمه يبقى معك، والخير الذي تقدمه يعود إليك!”
وانصرف إلى سبيله وهو غير مدرك للصراع المستعر في عقل
المرأة.
كل يوم كانت المرأة تصنع فيه الخبز كانت تصلي
لابنها الذي غاب بعيدا وطويلا بحثا عن مستقبله ولسنوات
عديدة لم تصلها أي أنباء عنه وكانت تتمنى عودته
لها سالما.
في ذلك اليوم الذي تخلصت فيه من رغيف الخبز المسموم دق باب
البيت مساء وحينما فتحته وجدت – لدهشتها – ابنها واقفا
بالباب!! كان شاحبا متعبا وملابسه شبه ممزقة، وكان جائعا
ومرهقا وبمجرد رؤيته لأمه قال ” إنها لمعجزة وجودي هنا،
على مسافة أميال من هنا كنت مجهدا ومتعبا وأشعر بالإعياء
لدرجة الانهيار في الطريق وكدت أن أموت لولا مرور رجل أحدب
بي رجوته أن يعطيني أي طعام معه، وكان الرجل طيبا بالقدر
الذي أعطاني فيه رغيف خبز كامل لأكله!! وأثناء إعطاءه لي
قال أن هذا هو طعامه كل يوم واليوم سيعطيه لي لأن حاجتي
اكبر كثيرا من حاجته”
بمجرد أن سمعت الأم هذا الكلام شحبت وظهر الرعب على وجهها
واتكأت على الباب وتذكرت الرغيف المسموم الذي صنعته اليوم
صباحا!!لو لم تقم بالتخلص منه في النار لكان ولدها هو الذي
أكله ولكان قد فقد حياته!
لحظتها أدركت معنى كلام الأحدب ” الشر الذي تقدمه يبقى
معك، والخير الذي تقدمه يعود إليك!”..

فافعل الخير ولا تتوقف عن فعله
حتى ولو لم يتم تقديره وقتها
لأنه في يوم من الأيام سيكاقئك الله عما فعلت سواء في حياتك الآن أو في السماء

**hilal** · 03-05-2014 11:34 PM

قصة جميلة ، وعبرة لمن كان له قلب
اللهم اجعل اعمالنا خالصة لوجهك ولا تعذبنا بذنوبنا انك انت الغفور الرحيم
حياك الله اخي الكريم

**مصطفى-حسن** · 04-05-2014 02:08 AM

اللى بيزرع خير بيلاقية
واللى بيزرع الشر بيحصدة

**elfarashah** · 04-05-2014 03:48 AM

سلام الله عليكم ورحمته وبركاته

أبكتني تلك القصة بنفس القدر الذي أعجبني منها

فسبحان الله ..حال الانسان يتبدل بين لحظة وأخرى

وفي كل لحظة منهما يختلف مصيره كليا ...لا حول ولا قوة إلا بالله

ربنا يهدينا للخير جميعا ..يارب

جزاك الله خيراً...دمت برعاية الله وحفظه

**DODGE2013** · 04-05-2014 06:54 AM

قصه معبره ورائعه

بس تسمحلي افكر بصوت عالي بشوية حجات دارت في راسي لما قريت الموضوع

لو ركزنا في القصه... هل الاحدب لما اعطى ابنها الرغيف قال ده اكل يومي كله يعني مبياكلش غير الرغيف ده بس في اليوم ديه حنعديها ماشي؟؟؟ .. بس السؤال لو ده اكله بس في اليوم .. يعني لما اخد الرغيف اكيد كان جعان جدا

معقول مكلش الرغيف على طول وفضل ماااااشي كل ده بيه ؟؟؟؟؟؟؟ بلاش ديه ..

الراجل ابنها كان مسافر واكيد راجع وعامل خميره زي الفل معقول جاي يشحت طاب ديه حنعديها ونقول جاي
من وهربان من الحرب في سوريا ولا اي مكان ما علينا

يعني ابنها هان عليه الراجل الاحدب الغلبان ياخد اكله كله ؟؟؟؟؟ مخدش ليه نص رغيف العيش ؟؟؟

كان سعتها القصه كانت حتبقى احسن

وبعدين الام بتحط الرغيف كل يوم على الشرفه فا محدش بياخده الا شخص واحد فا معناها ان اهل القريه ديه حالهم معقول ومفيش الا واحد بس الي على قد حاله يعني ابنها مهانش عليه ياخد اكل من اي حد تاني حاله معدول ؟؟؟؟

وممكن صياغة القصه بطريقه الي يقراها يصدقها على طول

ان الاحدب ده سواق تاكسي ويدوب بيطلع تمن ايجار البيت وقسط التاكسي ومبيتبقاش معاه ولا مليم وهو عايش لوحده فا بيعدي كل يوم ياخد رغيف العيش عشان ياكله ويتمتم ,,, وابنها لما جه من المطار الراجل ده الي وصله وفي وسط الطريق كان لسى سواق التاكسي حياكل الرغيف (ابوأتب) فا الراجل (ابنها)وهو راكب جمبه
(ورابط حزام الامان) فضل باص على رغيف العيش فا الراجل قله ده الاكل بتاعي طول اليوم فا لما لاقه ميت من الجوع ادهاوله ومرضاش يحاسبوه وقفل البنديره وكل سنه وانتم طيبين

او كان ممكن نختصر القصه الاصليه ونخلي موضوع ان الام حطت الرغيف المسموم وفجأه لقت الناس بتنده عليها وتقولها الحقي ابنك رجع من الغربه بس بين الحيا والموت ولما تروح تشوفه تلاقيه مات وتلاقي في وسط الناس دول الاحدب ويجي الدكتور (الحكيم بقى على ايام زمان) الابن مات بسبب تسمم هو اكل ايه اخر حاجه فا الاحدب يقول انا اديته رغيف الخبز فا الام تفتكر السم ويغمى عليها بكده القصه تكون شديده وكما تدين تدان

**prof2013** · 04-05-2014 01:46 PM

المشاركة الأصلية كتبت بواسطة dodge2013

قصه معبره ورائعه

بس تسمحلي افكر بصوت عالي بشوية حجات دارت في راسي لما قريت الموضوع

لو ركزنا في القصه... هل الاحدب لما اعطى ابنها الرغيف قال ده اكل يومي كله يعني مبياكلش غير الرغيف ده بس في اليوم ديه حنعديها ماشي؟؟؟ .. بس السؤال لو ده اكله بس في اليوم .. يعني لما اخد الرغيف اكيد كان جعان جدا

معقول مكلش الرغيف على طول وفضل ماااااشي كل ده بيه ؟؟؟؟؟؟؟ بلاش ديه ..

الراجل ابنها كان مسافر واكيد راجع وعامل خميره زي الفل معقول جاي يشحت طاب ديه حنعديها ونقول جاي
من وهربان من الحرب في سوريا ولا اي مكان ما علينا

يعني ابنها هان عليه الراجل الاحدب الغلبان ياخد اكله كله ؟؟؟؟؟ مخدش ليه نص رغيف العيش ؟؟؟

كان سعتها القصه كانت حتبقى احسن

وبعدين الام بتحط الرغيف كل يوم على الشرفه فا محدش بياخده الا شخص واحد فا معناها ان اهل القريه ديه حالهم معقول ومفيش الا واحد بس الي على قد حاله يعني ابنها مهانش عليه ياخد اكل من اي حد تاني حاله معدول ؟؟؟؟

وممكن صياغة القصه بطريقه الي يقراها يصدقها على طول

ان الاحدب ده سواق تاكسي ويدوب بيطلع تمن ايجار البيت وقسط التاكسي ومبيتبقاش معاه ولا مليم وهو عايش لوحده فا بيعدي كل يوم ياخد رغيف العيش عشان ياكله ويتمتم ,,, وابنها لما جه من المطار الراجل ده الي وصله وفي وسط الطريق كان لسى سواق التاكسي حياكل الرغيف (ابوأتب) فا الراجل (ابنها)وهو راكب جمبه
(ورابط حزام الامان) فضل باص على رغيف العيش فا الراجل قله ده الاكل بتاعي طول اليوم فا لما لاقه ميت من الجوع ادهاوله ومرضاش يحاسبوه وقفل البنديره وكل سنه وانتم طيبين

او كان ممكن نختصر القصه الاصليه ونخلي موضوع ان الام حطت الرغيف المسموم وفجأه لقت الناس بتنده عليها وتقولها الحقي ابنك رجع من الغربه بس بين الحيا والموت ولما تروح تشوفه تلاقيه مات وتلاقي في وسط الناس دول الاحدب ويجي الدكتور (الحكيم بقى على ايام زمان) الابن مات بسبب تسمم هو اكل ايه اخر حاجه فا الاحدب يقول انا اديته رغيف الخبز فا الام تفتكر السم ويغمى عليها بكده القصه تكون شديده وكما تدين تدان

اعتقد القصص دي بتبقى من وحي خيال بتدي رساله وموعظه للتاس
يعني ما تدقش ومتحاولش تفسر
خد منها العبره وخلاص

**Zing0** · 04-05-2014 02:27 PM

اعتقد القصص دي بتبقى من وحي خيال بتدي رساله وموعظه للتاس
يعني ما تدقش ومتحاولش تفسر
خد منها العبره وخلاص

الراجل بيتكلم صح
المفروض مهما كانت القصة خيالية لازم يتقبلها العقل و إلا ستتركز طاقة المخ فى أستيعاب الخرافات و لا تهتم بالعظة الأخلاقية و الهدف من القصه
يعنى لازم تكون (خيال علمى) بلاش شغل (هارى بوتر) لأنه غير واقعى بالمرة
و ده من باب احترام قيمة العقل.

و الأفضل حينها أعطاء القارئ الخلاصه على شكل حكمة أو آيه أو حديث و تلخص
مثلاً : (كما تدين تدان)
(كما تزرع تحصد)
و نستريح من الأحدب و أبو رجل مسلوخه و خلافه

مجرد رأى قد يحتمل الصواب أو الخطأ

**prof2013** · 04-05-2014 02:39 PM

المشاركة الأصلية كتبت بواسطة zing0

الراجل بيتكلم صح
المفروض مهما كانت القصة خيالية لازم يتقبلها العقل و إلا ستتركز طاقة المخ فى أستيعاب الخرافات و لا تهتم بالعظة الأخلاقية و الهدف من القصه
يعنى لازم تكون (خيال علمى) بلاش شغل (هارى بوتر) لأنه غير واقعى بالمرة
و ده من باب احترام قيمة العقل.

و الأفضل حينها أعطاء القارئ الخلاصه على شكل حكمة أو آيه أو حديث و تلخص
مثلاً : (كما تدين تدان)
(كما تزرع تحصد)
و نستريح من الأحدب و أبو رجل مسلوخه و خلافه

مجرد رأى قد يحتمل الصواب أو الخطأ

ياباشا هو الاحدب مضايقك في ايه
ربنا اللي خلقه كده