ايه رأيكم مين افضل
السوزوكى سويفت موديل 93 و لا الهيونداى اكسيل خصوصا ان السعر قريب
يا ريت حد يرد عليا بسرعة علشان السويفت معروضة للبيع و مش عارف اقرر
عرض للطباعة
ايه رأيكم مين افضل
السوزوكى سويفت موديل 93 و لا الهيونداى اكسيل خصوصا ان السعر قريب
يا ريت حد يرد عليا بسرعة علشان السويفت معروضة للبيع و مش عارف اقرر
اكيد و من غير نقاش الهيونداى اكسيل
السلام عليكم
بص ياسيدي
لو العربيتين 1300 سي سي يبقي تبص علي الحاله لو الحالتين زي بعض
يبقي بجد بجد السويفت ومن غير ماتفكر
لكن لو الاكسيل 1500 وطالما 1500 هتبقي كامله يعني تكيف وباور وزجاج كهربائي
يبقي تفكر طبعا في الاكسيل
بس طالما انت بتقول الاتنين قريبين في السعر يبقي بتتكلم في ال1300 وعليه الحاله هيا الفيصل ولو الحالتين زي بعض
يبقي السويفت طبعا
وعلفكره انا معايا السويفت المصري كمان والعربيه كويسه واعتماديه جدا
اللي يجيب يابانى يقول اه يانى
حكمة منقولة من احدى موضوعات منتدانا
مع العلم
ان معايا اكسيل 1500 فعلا بحمد ربنا بفضله عليا
بص من الاخر انزل السوق واتفرج علي السويفت كويس جدا
واتفرج علي الاكسيل كويس جدا
واللي هتستريحلها من الاتنين ابدا دور فيها
سويفت طبعا
وعاوز تعرف ليه
إسأل نفسك مين أكتر محافظة فى مصر الناس فيها حريصة جدا فى الفلوس وبتصرف القرش فى محلة (وطبعا دى حاجة مش وحشة)
أكيد الناس بتوع دمياط
لو رحت دمياط هاتلاقى السويفت هناك أكتر من الناس ومحدش بيشتكى منها خالص لدرجة انها شغالة تاكسى هناك وبأعداد تفوق الوصف
أنا عندى واحده 93 ومحترمة جدا وأحسن حاجة فيها إقتصادية فى البنزين بشكل مش طبيعى (الحمد لله).
توكل على الله بس أكشف عليها كويس المهم الحالة قبل كل حاجة
عمرو
بص يا باشا انا كانت معايا سويفت موديل 93 بيعتها بعد ما مشيت بيها 330000 كيلو
و كانت ما شاء الله لسه ممكن تدى
هو بس من عيوبها ان البارومة بتنبنشرعند السقف فى الحتت اللى فيها تنيات مثل الجوانب و عند كاوتش الزجاج الخلفى
بس ده ممكن تتلافيه لو دايمها حافظت على جفاف المناطق ديه
بصراحة العربية ديه محترمة جدا جدا انا اخر 3 سنين من عمرها كنت نقلت شغلى للقاهرة و كنت بسافر بيها كل اسبوع من القاهرة للاسكندرية و عمرها ما قلت اصلها معايا
هيا اقتصادية جدا فى ستهلاك البنزين
بس لو بتقران بينها و بين الاكسيل
ممكن اقولك ان هتلاقى صالون الاكسيل اوسع شوية و اكيد شنطتها اوسع شويتيين.
شكرا جدا على ردودكم الجميلة يا شباب
نصيحه منى وعن تجربه ابعد عن السويفت عربيه مافيهاش ثبات نهائي
وقطع غيرها غاليه لو بتقارن بينها وبين الاكسيل يبقي الاكسيل طبعا
السيوفت بتمشي ببنزبن 80 من غير مشاكل تذكر لو متوفر بجوارك يبقى أوفرلك .. مع إن الاكسيل فى رأيي أحسن بكتير حتى فى الشكل
إتكل على الله وإشترى سويفت أنا معايا واحده موديل 93 مريحانى مشاء الله ويوم ماأفكر أبيعها مش أقل من 34ألف علشان مش هلاقى زيها
swift tab3n.rbna yawfak
يا باشا السويفت أكييييد ..... انتا بتتكلم في عربية ياباني و ممتازة جدا جدا جدا في موضوع البنزين ده غير كده ليها اعتمادية عاليه و موتورها سحبوا جمييل و ناعم ..... بس هيا بس مشكلتها فعلا صاجها مش محمل و كما ضيقة بس فالكراسي اللى ورا ... غير كده أنا مرياحاني كدا و لأني من الشباب اللى غاوي تعديل فأنا معدل فالشكمان كمان بالكامل و ده زود سحب العربية بطريقة رهيبة (( بطلع بيها من لانسر 2007 أوتوماتيك 1600 و الله العظيم )) .... اتوكل على الله و هاتها
طبعا السويفت من غير كلام اعتماديه وحمولع لاقصى درجه وموفره فى البنزين بطريقه فظييييييييييعه وبتاخد بنزين 80 وماتقولش لا عندنا فى دمياط هى السياره رقم واحد بحس ان شركه سوزوكى صنعتها لدمياط ومعظمها تاكسى والسواقين مبهدلينها وما بتقولش لا واحد صاحبى معاه واحده تقريبا 93 اليابانى كان بيروح بيها من دمياط لبورسعيد يوميا لكليته لمده 3 سنين يعنى تقريبا كده كل يوم 100 كم رايح جاى وعمرها ماقلت اصلها معاه وصباح التوفير مع بنزين 80 وعلى فكره سعرها نزل شويه
..mokhtar..
++++++++++++1اقتباس:
المشاركة الأصلية كتبت بواسطة emadibrahim78