الموضوع: عملتها جينا بدمغها التخينه

عربيتى جين2 2009
انا هرغى شويه
اللى ما هيفهمش حاجه من رغيى ومهتم يتصل عليه 01061732421
كان حصل عندى خرم فى الرديتر بسبب احتكاك هيكل مروحه التكييف فيه وطبعا فضيت الميه ولحمت الخرم واشتريت ميه خضرا من السوق وهنا بدايه الكارثه ( انا اشتريت احلى الوحشين فى المحل ) وهو ده اللى كان متوفر فى منطقتى
بعد كام يوم سمعت شخلله الميه فى الرديتر مع بدايه تدوير العربه طبعا زودتها من نفس نوع الميه وتوقعت ان ماعرفتش اخد هو الرديتر ويوم والتانى نفس المشكله وازود ولاحظت ان الميه لونها اتغير عكس الميات اللى قيل كده واللى كانت بتحتفظ بلونها لسنين
ومع مشوار طويل وسحب مع صعده على طريق الطور شرم الشيخ العربيه سخنت وبكده اتأكدت انى عندى مشكلله فى دوره التبريد
قطرت العربه لشرم الشيخ واحد الميكانيكيه افتى بتغيير الرديتر كده خبط لزق
انا بالنسبه لى ما اقتنعتش بفكرته فجيت مزود الرديتر بتاعى تانى بعد ما كانت العربيه بردت صح وشغلت العربيه اشتغلت تمام وحرارته مظبوطه بس كانت بتنقص ميه مع كل مشوار
رجعت لميكانيكى تانى فى شرم افتى بحل المكنه والكشف على وش السلندر ولو مقفع هننزله مصر ياباشا وفيها تلات اربع ايام
طبعا انا سمعت حل وش وتقفيع :عملت اهبل واخدت العربيه وطلعت على توكيل رينو وشرحتله الليله فبكل امانه قلى انوه ما اشتغلش فى العربيه دى قبل كده بس المكنه سليمه ومشكلتى فى دوره التبريد وبعتنى عند واحد ينضفلى الرديتر
بعد التنضيف والتجربه اكتشفنا ان المشله لازالت قائمه فكرت فى كلام اخويا لما شرحتله الليله وكان رده مباشره بألغاء ترموستات الكوعه
جيت مطلع عدتى وانا واقف مع بتاع الرديتر وقلت اما اشوف فكره ترموستات الكوعه لكنى اكتشفت انى مااعفش مكانها
فا اتصلت بمهندس من عند عصام وصفا وطلبت مساعدته وبصراحه حسيت انه مبسوط انه بيساعدنى وشرحلى فين مكان ترموستات الكوعه وقمت باللازم والحمد لله العمليه نجحت واتحلت المشكله ولا اشتريت رديتر جديد ولا حليت مكنه وربنا يخليلنا جينا اللى دايما مستحملانه ويكفينا شر فتوى الميكانيكيه وجشعهم
وكل الشكر والتفدير للمهندس صفوت اللى ساعدنى
الناس نامت ولا ايه ؟؟!!
انا بس حبيت احكى كل شيئ عشان تعرفوا تقارنوا مشاكل السخونه عندكم بمشكلتى
حاجه وحده صغيره وهسيبكم
العربيه دلوقت بقت بتبرد وهى ماشيه
اعمل ايه اسبها ولا انضف الترمستات واركبه تاتى؟

المشاركة الأصلية كتبت بواسطة hossamalsadik

ملحوظه صغيره طول مابنستخدم مياه التبريد الموصى بها عمر ماالترموستات هتعطل ليييه لان المياه الموصى بها بتكون بها ماده مانعه للصدى واخرى زيتيه وبكده بتحافظ على الترموستات من اى صدأ يؤدى لتلفها وكمان بيتم تلينها بالأضافه على انك كده بتحافظ على بلوكة الماتور من التاكل وكمان طرمبة المايه ودورة التبريد بالكامل

وأغلب مشاكل عطل الترومستات بسبب استخدام مياه الحنفيه او مياه غير الموصى بها والمعتمده

+1

المشاركة الأصلية كتبت بواسطة husseinodeba

انا فعلا يا جماعه رجعت الترموستات مكنها بعد ما نضفته وجربته

https://www.youtube.com/watch?v=aa1yg-fntrk

بس طبعا مش مطمئن ليه ومنتظر يجينى واحد من قاهره المعز
بس طبعا حطيت ميه من موبيل الجركن ابو 85 جوند

كويس إنك رجعته بس خليك متابع معاه لأنه ممكن يعملها تاني وانت مش واخد بالك
الجركن بتاع موبيل يعتبر أفضل المنتجات المحلية

أولا : لأن تركيزه 33%
ثانيا : سعره كدة مش غالي قوي بالمقارنة بالمنتجات التانية

وده بعد تجربة منتجات كتير قوي في السوق منها كل الماركات الأسباني ... وكلهم تركيزهم 10 % فقط ... وفعلا اكتشفت إن التركيز بيفرق في عمر المياه

الماركة الوحيدة النضيفة جدا بس كانت غالية جدا برضه فالفولين مستوردة أمريكا نسبة التركيز فيها 50% ... وكانت بـ 300 جنيه
والتركيز الـ 30 % بتاعها كان بـ 250 ... كانت في on the run