الموضوع: خبطة رخمة في النيو كارينز وورشة نايل موتورز

المشاركة الأصلية كتبت بواسطة houseiny

ربنا يبارك في حضرتك اتكلفت رش بمصنعية السمكرة بالدهان بفك وتركيب 400 جنيه

الحمد لله و ربنا يخلف على حضرتك و يعوضك بأضعاف اللى دفعته و يبارك لك فالعربيه و يحفظها من كل سوء

يا كريم بيه حضرتك انسان محترم جدا رغم انى متشرفتش بمقابله حضرتك بس كل الأعضاء بتشكر فذوقك و اخلاقك
و دى حاجه تسعدنى جدا ان رئيس مجلس إدارة المنتدى يكون انسان محترم كل الأعضاء بتشكر فيه

المشاركة الأصلية كتبت بواسطة mahmoud_afifi

قدر الله وما شاء فعل والحمدلله انها جت على قد كده

هل في فرق لون بين الحته الي اترشت واللون القديم ولا كلهم نفس الدرجه.
ولون العربيه ايه ؟

ان شاء الله اخر الخبطات

الحمد لله ما فيش فرق لون خالص ، لانه الالوان بتيجي بالرقم وبصراحة مافيش اي ق=فرق في اللون العربية لونها فضي ، اللون اللي اترش الوان ايطالي مش لون معمول ببرونز زي شغل الورش التانية

المشاركة الأصلية كتبت بواسطة karim_monir

حبيبي الله يكرمك ويبارك فيك ايه الاحراج ده
انت شخصية محترمة جدا جدا
ما تتخيرش عن كتير جدا من الاعضاء
والحمد لله ان شغلنا عجبك واني اكون نجحت في هدفي
ان اللي بيجي عندنا زعلان لازم يمشي مبسوط ان عربيته رجعت سليمة تاني
الحمد لله قدر ولطف وربنا يسترها عليك وسعيد بالنقاش مع شخصية مثقفة وواسعه الادراك زيك
ومتنساش اللي قولتلك علي في الكاوتش بقي :-)

وشكرا جزيلا لكل شخص قال كلمة طيبه في حقي او حق الورشه جزاكم الله كل خير ويا رب دايما نكون في عون بعض
خالص تحياتي لقسم كيا الجميل باعضائه المحترمين

عايز اقول حاجة بس اخيرة بخصوص التكلفة
دايما متقدرش تحكم علي تكلفة الشيئ حتي لو بصور زي عين الصنايعي لانه بيكون مقدر الخبطة شكلها ايه ووراها ايه

ده بس ملحوظة للعلم بالشيئ

ياباشا اللي اتقال ده اقل من حقك ، انت فعلاً انسان محترم واخلاق وربنا يجزيك خير عن مجهودك ووقتك
وبالنسبة للكاوتش بدأت ادعبس من دلوقتي على الجنوط ، ربنا يسترها معانا جميعاً، وبصراحة النهاردة انا رحت لاحمد ولمعلى العربية بس كان فيه ملحوظة كده بعد التلميع بس هو قالي انا مش هتروح غير بعد شهر وهنعملها بالواكس وهتبقى حرير هو بس مش عايز يلمعها بالصاروخ عشان العربية لسة جديدة ومش عايز يهلك بوية العربية من دلوقتي .