خبطة رخمة في النيو كارينز وورشة نايل موتورز
الحمد لله في سواق بن حلال الله يحرقه راكب عربية نقل خبطني من يومين من وره وكانت النتيجة انه كسرلي الفانوس الخلفي اللي في الشنطة ونقرة في باب الشنطة من تحت ، وعملي خرم في الاكصدام وشرخ بطول حوالي 15 سم ، زائد تجريحة بسيطة في الاكصدام :_Alshmokh08[1]: ، المهم اتعكننت واتخنقت وقولت الحمد لله فدي حاجة تانية واكيد رزق ناس تانية :_Alshmokh22[1]:، المهم خدت بعضي وروحت على الحرفيين وطلعت على ورشة نايل موتورز وقابلت الاسطي احمد قدورة انسان محترم وابن حلال ومؤدب اوي ، قولتله انا جايلك من نايل موتورز وشاف الخبطة قالي بسيطة ان شاء الله وهتجيلي بكرة الصبح على الساعة 11 ونعملها ، المهم تمام تمام
روحتله على الميعاد والراجل وداني للسمكري اللي تبعه فك الاكصدام وانا طبعاً واقف اعيط من المنظر لما شوفت العربية عريانة من غير اكصدام ، المهم فك الاكصدام وداه لبتاع الفيبر لحمه وزبطة في 10 دقايق بالظبط وركبه في 10 دقائق ورجع العريية زي ماكنت بالظبط ، بصراحة هديت لما العربية رجعت زي ماكاانت بالظبط ، وجه خدها احمد واشتغل فيها على طول ، بصراحة مخدش وقت ساعتين وكان مخلص وطلعنا على الكابينة عشان نرش المرمة بصراحة هي دي الحاجة الوحيدة الل خدت وقت عشان مستني دور ، ودخلت الكابينة وتمام تمام ومشيت على الساعة 5 ، احلى ما في الموضوع بقي اني قابلت كريم منير هناك كان بيظبط عربيته ، عبارة عن حتة عسل شخصية محترمة اوي ومؤدب جدا وجنتل مان اوي ، وبصراجة كان واقف بيتابع العربيات زي عربيته بالظبط ، وعمل معايا الواجب في ستيكر نايل موتورز وعصير تفاح بصراحة جه في وقته مع الحر الفظيع بتاع النهاردة ، ويصراحة الوقت عدي هوا ، واحنا واقفين ندردش والحمد لله انا ماشي من هناك وراضي عن النتيجة لانه رش الحتة المخبوطة على القد بالظبط ،، وان شاء الله معادي معاه بعد بكره عشان نلمع العربية وكله يبقي في التمام:tumb: