الموضوع: *ـ مشكلة الكهرباء في مصر 2014 ـ* / 2014 Problem of electricity in Egypt \

المشاركة الأصلية كتبت بواسطة m.hosni

تكلفة المحطة مش 5 مليار جنيه زي ما حضرتك تفضلت و قولت , أكتر من كده بكتير

محطة جنوب حلوان اللي المناقصة بتاعتها شغالة اليومين دول و المفروض إنها هتبدأ عمل فيها على أول السنة تقريبا , الشركة القابضة للكهرباء واخده فيها قروض دولية من جهات متعددة بقيمة إجمالية 2 مليار دولار

المحطة انتاجها هيكون 1950 ميجا وات , تكلفتها 2 مليار دولار , يعني تقريبا 15 مليار جنيه

أنا بقول رقم تقريبي بناء على تكلفة محطة شمال القاهرة 1500 ميجا اللي كانت 600 مليون دولار واللي التسليم النهائي بتاعها كان في 2007 تقريباً

فرق سبع سنين في الأسعار
بالتأكيد لو بتتنفذ النهاردة أكيد هتبقى بالأسعار اللي حضرتك ذكرتها

ـ

بعد يوم الخميس المظلم 4 سبتمبر 2014
وإنقطاع التيار الكهربائي عن أكثر من نصف جمهورية مصر العربية في غير وقت الذروة
وما نتج عنه من تعطل للمترو والمصانع والمستشفيات ومحطات مياه و.........

نتيجة إضافة عطل فني على العجز الطبيعي في الشبكة نتيجة نقص الوقود ونقص محطات القدرة ومشاكل الصيانة المتراكمة

عطل فني أضيف لشبكة الكهرباء في الصباح في غير وقت الذروة إنهارت بعده الكهرباء في أنحاء مصر

هذا الإظلام هو صيحة إنذار من شبكة الكهرباء

بعد عام وفي الصيف القادم ومع معدل الزيادة الطبيعي للطلب على الكهرباء ستكون الأزمة أعمق

لا يوجد حتى الآن بوادر جدية لحل الأزمة

ما تم وأعلن عنه منذ أسبوع تقريباً بدون تفاصيل أو تأكيد
هو الإتفاق على سبع شحنات غاز مسال من الجزائر وومثلهم من روسيا
يقول وزير البترول أنها ستبدأ في الوصول بعد ثلاثة أشهر

وجاري البحث عن توريد محطة عائمة لتحويل الغاز المسال للصورة الغازية للإستخدام

يعني جاري حل مشكلة الوقود

أما مشاكل التوليد فلا يوجد حديث عنها بتاتاً

المشكلة الكبيرة الآن ليست إظلام المنازل بل هي توقف الإستثمار وما يتبعه من هبوط للإقتصاد الهابط أصلاً

ـ

مشكلة الكهربا من وجهة نظري…
ان المحطات تم تصميمها للعمل بالغاز و يتم تشغيلها بالسولار او المازوت عشان الغاز بيروح اسرائيل ..
شركات الكهربا بتهدر كميات كبيرة جدا من الكهربا المنتجة بساساتها الادارية العقيمة ..
استهلاك كل المنازل في مصر لا يتعدي 11% من اجمالي الانتاج الحالي و ده تصريح رسمي من وزارة الكهربا ..
الباقي بيروح للحكومة و المصانع ..
لما مصانع و شركات ساويرس و ابو العينين و شلتهم يدفعوا الفواتير يبقي الشركة ليها حق تطالبني بالدفع ..
سرقة التيار الكهربا في الريف منتشرة جدا لان ابمحافظة لازم تاخد 10 جنيه علي كل متر مربع تبرع للمحافظة عشان تديك موافقة تروح تعمل بيها مقايسة في الكهربا و ده اختراع عمله محافظ المنيا اللوا احمد ضياء اللي اتمسك في عربية اسعاف و معاه 6 مليون جنيه في ايام الثورة 2011 ..
من الاخر دي ازمة مفتعلة عشان يشغلوا الشعب في مشاكل فرعية و ازمات تخليك تبعد عن هدف الثورة الاساسي و هوه عودة الشرعية و اعدام الدولة العميقة و مصادرة ممتلكاتهم

الدول التى تعتمد فى اقتصادها على المعونات بشكل أساسى . .
لا تتمكن عادة من إيجاد حلول جذرية لمشاكلها . .
وتظل قابعة و تابعة و تدور فى فلك المانحين . .
تستعطفهم و تسترضيهم . .
و لن يرضوا !!