الموضوع: عندي 28 سنة عاوز أغير مجالي -خصوصا مهندسين الاتصالات والالكترونيات-

المشاركة الأصلية كتبت بواسطة أبو آسر

أيوة طبعا أنا أقصد كورسات أونلاين أو تحملها من النت مش اللي في المراكز التعبانة اللي عندنا هتوفر فلوس كتير أولا وهتاخد خبرات مش موجودة عند كتير من ال instructors اللي عندنا ثانيا
جرب تدور على كورسات cisco تورنت هتلاقي كتير إن شاء الله وربنا يوفقك

أكيد طبعا يا أبو اسر هو ده الطريق اللي همشي فيه بإذن الله

المشاركة الأصلية كتبت بواسطة ابوحبيبة2010

ليه محاولتش تفتح مركز صيانة الاجهزة الكترونية

لو احتجت حاجة فى الخبرات اخواك موجود

والله موضوع التجارة أو الكلام ده أنا فاشل فيه أنا أنفع موظف بس .... وجزاك الله خير ولو احتجت حاجة هطلبها من إخواتي هنا في المنتدى

اخي العزيز
نصيحه اخويه انك لا تحاول انك تقارن نفسك بغيرك ... بمعني انه اتعرض علي حضرتك نفس مجال الشغل في مقاولات low current وانت اخترت انك تتركه .... وطبعا حضرتك عارف ان شغل الlow current بيشمل اعمال البنيه التحتيه للكومباوندز و القري السياحيه و بيشمل اعمال شبكات الاتصالات ايضا فالبالتالي بيبقي في ارتباط كبير بين التوسعات العقاريه والشغل ده بالتالي طبيعي تكون مرتباتهم عاليه ..... عشان المشقه بس فنيا مش هيتقدم بس هيكتسب مهارات اداريه و هيتقدم فيها .
لكن مجال برمجه الميكروكنترول والPLC بيبقي مقفول شويه وبيعتمد اكثر علي الموهبه الفنيه بس بيقتصر علي المصانع ومش اي مصانع كمان .... و شغل الصيانه بتاعه مش كتير ..
اللي اقصده حضرتك انك ما تحاولش تقولب نفسك علي حاجه عكس طبيعتك , او تحس انك اقل من غيرك عشان ما تسخطش علي وضعك لو ما عرفتش تنقل من مجالك ممكن توصل لمرحله انك تسيب كل حاجه و تقعد في البيت وطبعا ده ما ينفعشي دلوقتي وانت مسئول ..
الخلاصه حضرتك ودي وجهه نظري , ان لو التيكنيكال عندك عالي في مجال الميكروكنترولر و الميكروبروسيور سواء اقتصر ذلك علي البرمجه او تصميم الدوائر الاكترونيه و PCB .... الخ , انصحك تكمل و تدرس في مجال FPGA و ASIC و البرمجه بلغه VHDL علي ما اذكر ... ده هيبقي امتداد طبيعي لمجالك انت ممكن تتعب شويه في الأول بس انصحك بSELF STUDY عشان توفر
لكن لا انصحك انك تدخل مجال الشبكات لأنك هتبعد قوي عن مجالك و بعدين CCNA و CCNP ممكن تخادها SELF STUDY او تاخد CCNA في اي مركز وتكمل لوحدك ومش هتحتاج لاب في البيت , في برامج محاكاه ممتازه تغنيك عن كده , و لو عايز لاب ممكن تأجر .....
سيدي الفاضل , انا بنصحك نصيحه اخويه وبأعتذر لو كان اسلوبي قوي شويه , بس دي مراحل كلنا مرينا بيها وانا بكلمك وانا مش عندي 40 سنه ..انا ممكن اكون اكبر منك ب 3 سنين ... بس يا ريت يا ريت اياك وحاله السخط و تسيب شغلك .... طور مجالك واتعب شويه وان شاء الله ربنا يرزقك .... والله الموفق والمستعان .

المشاركة الأصلية كتبت بواسطة #maam#

اللهم امين افرجها عليا وعلى جميع المسلمين يارب .... طبعا الرزق من عند الله وأنا مؤمن بكده والحمد لله .... ولكن اللي أنا بفكر فيه إن ربنا بيهديني للتفكير ده دلوقتي فده معناه رزق برضه من الله إني أفكر كده وأحاول أغير حياتي للأفضل من باب السعي في كسب الرزق والتوكل على الله ..... الموضوع مش موضوع مرتب بس الموضوع موضوع career path إن الواحد لازم يشوف نفسه بعد 5 أو 10 سنين هيبقى إيه بإذن الله .... وهل هيبقى مبسوط في الوضع ده ولا لأ .... أنا خايف اجي بعد 5 أو 10 سنين أقول ياريتني أو شئ من هذا القبيل .... أنا عاوز أكون واضح في حياتي وماشي في السكة الصح إن شاء الله

انا معاك ان الواحد لازم يدور على يجتهد و يفكر فبكره و مش غلط ابدا ان الواحد يفكر و يتمنى و يسعى و يحاول انه يكون فوظيفه احسن و مرتب اكبر
كان كل قصدى انك اولا لازم تحمد ربنا على اللى انت فيه حاليا لانك افضك كتير جدا من غيرك
ثانيا الله هو الرزاق اطلب منه و ربنا سبحانه و تعالى هيرزقك باكتر من اللى طلبته فالله كريم جدا
ثالثا انوى ان طلبك للوظيفه الأفضل و المرتب الأكبر يكون للتوسعه على اسرتك و اهلك
رابعا انوى التصدق بمبلغ كل شهر للفقراء و المرضى
خامسا لو انت مقصر فالطاعه حاول تقرب اكتر من الله و تكثر من الطاعه " كن لله كما يريد يكن لك فوق ما تريد"
سادسا استغفر الله كتير جدا
بسم الله الرحمن الرحيم فقلت استغفروا ربكم انه كان غفارا يرسل السماء عليكم مدرارا و يمددكم بأموال و بنين و يجعل لكم جنات و يجعل لكم انهارا
صدق الله العظيم
سابعا سورة الواقعه
ثامنا ادعيلى بالفرج القريب و اجابة دعائى و تحقيق امنيتى
عَن أَبي الدَّردَاءِ رَضِي اللَّه عنْهُ أَنَّهُ سمِعَ رَسُولَ اللَّهِ صَلّى اللهُ عَلَيْهِ وسَلَّم يَقُولُ : (ما مِن عبْدٍ مُسْلِمٍ يَدعُو لأَخِيهِ بِظَهرِ الغَيْبِ إِلاَّ قَالَ المَلكُ ولَكَ بمِثْلٍ) رواه مسلم
عَنْهُ أَنَّ رسُول اللَّه صَلّى اللهُ عَلَيْهِ وسَلَّم كانَ يقُولُ : (دَعْوةُ المرءِ المُسْلِمِ لأَخيهِ بِظَهْرِ الغَيْبِ مُسْتَجَابةٌ ، عِنْد رأْسِهِ ملَكٌ مُوكَّلٌ كلَّمَا دعا لأَخِيهِ بخيرٍ قَال المَلَكُ المُوكَّلُ بِهِ : آمِينَ ، ولَكَ بمِثْلٍ) رواه مسلم

بس لما تيجى تدعي قول شريف مش shiko85
و انا مستنى الدعاء منك و من باقى الأعضاء ان امكن و ربنا يتقبل ان شاء الله منكم و لكم مثله

المشاركة الأصلية كتبت بواسطة shiko85

انا معاك ان الواحد لازم يدور على يجتهد و يفكر فبكره و مش غلط ابدا ان الواحد يفكر و يتمنى و يسعى و يحاول انه يكون فوظيفه احسن و مرتب اكبر
كان كل قصدى انك اولا لازم تحمد ربنا على اللى انت فيه حاليا لانك افضك كتير جدا من غيرك
ثانيا الله هو الرزاق اطلب منه و ربنا سبحانه و تعالى هيرزقك باكتر من اللى طلبته فالله كريم جدا
ثالثا انوى ان طلبك للوظيفه الأفضل و المرتب الأكبر يكون للتوسعه على اسرتك و اهلك
رابعا انوى التصدق بمبلغ كل شهر للفقراء و المرضى
خامسا لو انت مقصر فالطاعه حاول تقرب اكتر من الله و تكثر من الطاعه " كن لله كما يريد يكن لك فوق ما تريد"
سادسا استغفر الله كتير جدا
بسم الله الرحمن الرحيم فقلت استغفروا ربكم انه كان غفارا يرسل السماء عليكم مدرارا و يمددكم بأموال و بنين و يجعل لكم جنات و يجعل لكم انهارا
صدق الله العظيم
سابعا سورة الواقعه
ثامنا ادعيلى بالفرج القريب و اجابة دعائى و تحقيق امنيتى
عَن أَبي الدَّردَاءِ رَضِي اللَّه عنْهُ أَنَّهُ سمِعَ رَسُولَ اللَّهِ صَلّى اللهُ عَلَيْهِ وسَلَّم يَقُولُ : (ما مِن عبْدٍ مُسْلِمٍ يَدعُو لأَخِيهِ بِظَهرِ الغَيْبِ إِلاَّ قَالَ المَلكُ ولَكَ بمِثْلٍ) رواه مسلم
عَنْهُ أَنَّ رسُول اللَّه صَلّى اللهُ عَلَيْهِ وسَلَّم كانَ يقُولُ : (دَعْوةُ المرءِ المُسْلِمِ لأَخيهِ بِظَهْرِ الغَيْبِ مُسْتَجَابةٌ ، عِنْد رأْسِهِ ملَكٌ مُوكَّلٌ كلَّمَا دعا لأَخِيهِ بخيرٍ قَال المَلَكُ المُوكَّلُ بِهِ : آمِينَ ، ولَكَ بمِثْلٍ) رواه مسلم

نصائحك كلها مهمة وسأعمل جاهدا بها بإذن الله ورزقني الله وإياك الرزق الواسع يارب :)

المشاركة الأصلية كتبت بواسطة زهير فكري

اخي العزيز
نصيحه اخويه انك لا تحاول انك تقارن نفسك بغيرك ... بمعني انه اتعرض علي حضرتك نفس مجال الشغل في مقاولات low current وانت اخترت انك تتركه .... وطبعا حضرتك عارف ان شغل الlow current بيشمل اعمال البنيه التحتيه للكومباوندز و القري السياحيه و بيشمل اعمال شبكات الاتصالات ايضا فالبالتالي بيبقي في ارتباط كبير بين التوسعات العقاريه والشغل ده بالتالي طبيعي تكون مرتباتهم عاليه ..... عشان المشقه بس فنيا مش هيتقدم بس هيكتسب مهارات اداريه و هيتقدم فيها .
لكن مجال برمجه الميكروكنترول والPLC بيبقي مقفول شويه وبيعتمد اكثر علي الموهبه الفنيه بس بيقتصر علي المصانع ومش اي مصانع كمان .... و شغل الصيانه بتاعه مش كتير ..
اللي اقصده حضرتك انك ما تحاولش تقولب نفسك علي حاجه عكس طبيعتك , او تحس انك اقل من غيرك عشان ما تسخطش علي وضعك لو ما عرفتش تنقل من مجالك ممكن توصل لمرحله انك تسيب كل حاجه و تقعد في البيت وطبعا ده ما ينفعشي دلوقتي وانت مسئول ..
الخلاصه حضرتك ودي وجهه نظري , ان لو التيكنيكال عندك عالي في مجال الميكروكنترولر و الميكروبروسيور سواء اقتصر ذلك علي البرمجه او تصميم الدوائر الاكترونيه و PCB .... الخ , انصحك تكمل و تدرس في مجال FPGA و ASIC و البرمجه بلغه VHDL علي ما اذكر ... ده هيبقي امتداد طبيعي لمجالك انت ممكن تتعب شويه في الأول بس انصحك بSELF STUDY عشان توفر
لكن لا انصحك انك تدخل مجال الشبكات لأنك هتبعد قوي عن مجالك و بعدين CCNA و CCNP ممكن تخادها SELF STUDY او تاخد CCNA في اي مركز وتكمل لوحدك ومش هتحتاج لاب في البيت , في برامج محاكاه ممتازه تغنيك عن كده , و لو عايز لاب ممكن تأجر .....
سيدي الفاضل , انا بنصحك نصيحه اخويه وبأعتذر لو كان اسلوبي قوي شويه , بس دي مراحل كلنا مرينا بيها وانا بكلمك وانا مش عندي 40 سنه ..انا ممكن اكون اكبر منك ب 3 سنين ... بس يا ريت يا ريت اياك وحاله السخط و تسيب شغلك .... طور مجالك واتعب شويه وان شاء الله ربنا يرزقك .... والله الموفق والمستعان .

كلام حضرتك مهم .... بس للأسف VHDL ده اتجاه هو مشابة للاتجاه اللي ماشي فيه بس برضه حاجة تانية أنا درستها وأشتغلت عليها قبل كده سنتنين يعني فاهم الموضوع ...... بس المشكلة اللي بقولها لحضرتك إني عندي استعداد أذاكر وأتعب أو اعمل حاجة تاني بس لما تحس إن الدنيا ضلمة وإن إنت مجالك مش مطلوب صدقني مش هيجيلك نفس تقرأ كلمة واحدة حتى ........ مش الواحد يتعلم ويجتهد وفي الاخر مجالك في السوق مش مطلوب صدقني هيجيلك إحباط شديد .... أنا صرفت على الموضوع ده أدوات كتير و kits وكورسات وووقت وحاجات كتير وفي الاخر مفيش مقابل أو تقدير للمجهود ...... للأسف أنا أدركت حقيقة إني عايش في الوطن العربي متأخر أوي وإنه مفيش مكان للصناعة أو التطوير للأسف .......... والله أنا عندي كمية إحباط تكفي بلد بحالها ...... والموضوع مش مادي بس على فكرة الموضوع إني بعد كام سنة هيبقى اخري مهندس صيانة حر حتى ياريت مهندس صيانة متخصص في مجال ....... علشان كده حكيت موضوعي ومشكلتي اللي مشقلبة حياتي وجزاكم الله خيرا

المشاركة الأصلية كتبت بواسطة bmya

ربنا يلهمك الصواب ويفرجها عليك وعلى شباب المسلمين كلهم

اللهم امين يارب

على فكرة المجال بتاعك مطلوب و مرتباته كويسه جدا لو انت فعلا شاطر .. بس يمكن انت مخبطتش في شركات في مصر شغاله في الحاجات دي .. بس في و بيدوا مرتبات كويسه.

و بعدين بصراحه مجال الشبكات انتشر أوي مع احترامي .. احنا كنا بنشتغل نتورك من 15 سنه المجال كان لسه جديد .. بس دلوقتي أنا اكمني بسافر كتير .. بشوف ال ccie و ال jncis دلوقتي كتير مع فقراء الهنود غير زمان خالص.

المهم ابعت لي ال سي في بتاعتك و أنا هديها لواحد شغال في نفس مجالك ان شاء الله و هقولك على كذا شركة في مصر كويسة و بتعمل شغل كويس في المجال بتاعك لشركات كبيرة لو انت شاطر بجد زي ما بتقول .. بس تكون سي في كويسة .. مش السيفيهات اللي مكتوب فيها cv من فوق :-)

بالتوفيق ان شاء الله.