ياريت تاخدوا بالكم وماتعدوش أى عربية عالية الا وأنتم كاشفين الطريق حواليها, ومتأكدين أن مافبش حمار هيعدى من قدامها وهو مش شايفك, وخصوصا قدام الأوتوبيسات والميكروباصات, وبالأخص وهى واقفة.

أينعم الموضوع أختيار طبيعى Natural selection والناس دى المفروض تتخبط, لكن أنت البشا مدير البنك اللى سايق عربية بالشئ الفلانى أمك جايبهالك وماشى تخبط الناس الغلابة.

السواقة 20% تحكم فى العربية, و80% تنبؤ بالمستقبل, الميكروباص ده هيكسر عليا علشان يركب زبون, الأوتوبيس ده هيكسر عليا علشان الطريق وقف قدامه, العبقرى اللى هناك ده عايز يعدى, وممكن يعدى من قدام المينى باص اللى ماشى جنبى.

الحل أن الواحد يبطل ينزل خالص ويقعد فى البيت.