فادي............. انا كده زعلت
طبعا فحوي الموضوع غير العنوان لاني عمري مازعل من صحاب المنتدي بس ان حبيت اشد رجل فادي عشان يرد عليه بسرعه
انا كنت عملت موضوع عن صوت رخم بيظهر مع تشغيل التكييف وفادي قالي شداد السير بايظ.
المهم جبت واحد استيراد وسير جديد وركبنا الصوت قل نوعا بس لسه موجود من ناحيه كرسي السائق تحت العجله من ناحيه الفتيس ماشي المهم قالك زيت الفتيس ناقص طيب زود راح مزود الصوت نوعا ما قل بي موجود والاغرب ان بقي في رجه جامده فالعربيه كلها والتكييف شغال وبانت اكتر امبارح فالجو الحر والزحمه والغريب اني لما بدوس ذبرياچ الصوت بيختفي وهنا مربط الفرس عبد الراضي قالي لازم نفك الفتيس ليه يا فندم بليه؟ قالي لاء في حاجه فالفتيس هيه اللي عمله كده ... حاجه ايه مفهمتش بصراحه من ردعه اي حاجه غير انه عايز يفك الفتيس ويدخل جواه. طيب ايه سبب الرجه قالي ممكن قواعد!!!!!!!!!!!!! طب ماهي لو قواعد متغيرها قالي لا لما نيجي نعمل الفتيس نعمل كله مع بعض وبالمره نغير جوان الكرتيره
دلوقتي انا مش هروح لمحمد تاني لاسباب لاداعي لذكرها بس اللي عاوز اعرفه الاتي
الصوت دا من ايه فالفتيس
وليه العربيه بتترج جامد مع التكييف وفي رجرجه بس غير ملحوظه برده منغير تكييف
هل ذا عيب قواعد ولا في مشكله اكبر
فيكترا سي مانيوال...............