الحقونى يارجالة نايل موتورز

**kokowasfy** · 04-05-2014 04:32 PM

السلام عليكم
المشكلة عندى انا كنت مروح من اكتوبر و انا و رايح كانت العربية زى الفل مفيهاش اى حاجة و انا وراجع العربية كانت بتنتش و بتبطل لوحدها و عشان تمشى لازم تدوس بنزين جامد الار بى ام يعد 3 و تقعد تنتش كدا حتى على السرعات و تبطل دلوقتى روحتنى البيت وقولت الحمد لللة انى وصلت بسلامة و مع العلم مفيش اى لمبة من بتوع التابلوة نورت و العربية كانت مفولة بنزين و كنت ماشى بلتفولية دى حوالى 100 كيلو مفيش مشكلة عشان كدا قلت اكيد مش من البنزين و مع العلم بفول منها على طول مفيش مشكلة ياريت يرجالة اى حد عندو اى معلومة يقولة و تطمنونى اللة يطمنك نوع العربية متسوبيشى لانسر 2008 فتيس cvt اخر صيانة مش فاكر امتا بظبت بس من شهور عنى اقلها شهرين و انا شاكك انها تكون البوجيهات يا اما بعد الشر الفتيس يارب ميكون الفتيس يارب ارجو اى حد عندو معلومة يقولها و شكرا

**mahmoud.69** · 04-05-2014 04:42 PM

الفتيس العربية مش هتبطل وهتظهر في الطبلوة علامة تروس لو الفتيس فيه مشكلة
انتا عندك حاجة من اتنين يا الموبينة لدعت وبتهرب
يا الاحتمال ده الاقوي طرمبة البنزين كانت بتودع

**kokowasfy** · 04-05-2014 04:53 PM

المشاركة الأصلية كتبت بواسطة mahmoud.69

الفتيس العربية مش هتبطل وهتظهر في الطبلوة علامة تروس لو الفتيس فيه مشكلة
انتا عندك حاجة من اتنين يا الموبينة لدعت وبتهرب
يا الاحتمال ده الاقوي طرمبة البنزين كانت بتودع

الف شكر طمنتى على الفتيس و فى الحلتين الى انت قولت عليهم بسيطة انشاء اللة و مستنى راى باقى الاعضاء

**Medo007** · 04-05-2014 05:24 PM

شيك على حساس الشكمان , كانت عندي مشكلة اني لما بفول العربية بتقطع زي كده وفضلت معايا المشكلة دي وغيرت بوجيهات وفلتر بنزين وقلب طرمبة بنزين واخيرا طرمبة البنزين كاملة لان كنت كل لما اروح لميكانيكي يقولي دي اعراض تلف طرمبة البنزين , فيريت تشيك على حساس الشكمان (الاكسجين) عشان متغرمش زيي وربنا معاك

**J A G U A R** · 04-05-2014 05:26 PM

حساس الكرنك او طرمبه البنزين

**kokowasfy** · 04-05-2014 05:51 PM

المشاركة الأصلية كتبت بواسطة j a g u a r

حساس الكرنك او طرمبه البنزين

غالبا طرمبة بنزين شكرا لمرورك و مستنى راى باقى الاعضاء

**hilal** · 04-05-2014 08:02 PM

المشاركة الأصلية كتبت بواسطة j a g u a r

حساس الكرنك او طرمبه البنزين

مع احترامي لسيادتك
لا أعتقد انه حساس كرنك ، لأن التنتيش ليس من أعراض حساس الكرنك
أهم أعراض بداية تلف حساس الكرنك ، ان العربية تفصل نهائي ، وبعد أن تبرد ممكن تشتغل عادي
وتستمر الاعراض لمدة اسبوعين تقريبا قبل أن يتلف تماما وتمتنع السيارة عن الدوران نهائيا