السلام عليكم يا رجاله
كنت حابب نستفيد شويه من بعض في موضوع عفشه الكورولا خصوصاً ان اللي كان راكب موديل ٢٠١١-٢٠١٣ الياباني كان حاسس انها انعم من العفشه الجديدة واللي زي حالاتي كان راكب جنوب افريقي ٢٠٠٨-٢٠١٠ حاسس نفس الاحساس مفيش فرق يذكر.....!

العفشه بتاعت العربيتين نفس النظام الامامي و الخلفي
الامامي MacPherson strut
الخلفي Torsion beam
بس الاختلاف في طريقه بناء النظام و طريقه تثبيته في العربيه وهنا الاختلاف

دي صوره النظام المصري



وده النظام الخليجي


الاختلافات بين الاتنين
الامامي نظام تثبيت عمود الميزان مع المساعد مختلف
الخلفي في النظام المصري المساعد منفصل عن السسته غير الخليجي المساعد و السسته مع بعض و اقصر من المصري لانه بيركب علي شاسيه العربيه من تحت مش زي المصري بيركب فوق العجله الخلفيه وممكن تشوفه بسهوله من فوق العجله الخلفيه

اعتقد ان النظام الخليجي انعم من النظام المصري علي اساس انه كان بينزل في عربيات ٢٠١١-٢٠١٣ ومتجرب عندنا
بس اكيد ان النسخة المصريه ليها مزايا كبيره برده لانها نفس النسخه اللي بتنزل في اوروبا فاكيد ليها موصفات قياسيه سواء في النعومه او الثبات...
يا ريت اللي مجرب الاتنين يقول رأيه واي حد عنده معلومه مفيده يزوده لنا خصوصا اللي اشترو النسخه الخليجي بره مصر