الموضوع: آخر افتاءات الصنيعية فى تغيير زيت الفتيس .... المنصورة

في الفترة الأخيرة كل ما اشوف فتيس أوتو أسأل صاحبه عن مواعيد تغيير الزيت للفتيس وما شاء الله ال 6 اللى اعرفهم مفيش ولا واحد بيغير زيت الفتيس

المهم باتكلم معاهم واحاول اشرح لهم اللى اتعلمته من الناس هنا فى المنتدى وازاي عملية التغيير بتتم سواء عن طريق الطبة أو زيادة نضافة وتنضيف الكارتيرة

اتنين من صحابي واحد معاه كارينز 70 الف كم فتيس ستيب ترونيك المفروض فيه اكتر من 6.5 لتر راح لواحد فك له الطبة ونزل حوالي 2 لتر وزود حوالي 3 لتر والمنسوب بقى فوق العلامة طبعا صاحبي بيحكيلي كنت هاتجنن

صاحبي التاني معاه ماتريكس عاملة فوق ال 80 الف كم فتيس أوتو المفروض فيه حوالي 4 لتر بشوية راح لصنيعي قاله الفتيس بتاعك 7 لتر هانزل 3 لتر ونزودهم بجديد وتجيلي كمان اسبوع ننزل كمان 3 لتر ونزودهم بجديد كمان مرة وكده يبقى تمام قوي

طبعا قعدت اسب والعن واقولهم حرام عليكم بطلوا تروحوا لكفتجية قالوا لي ده آخرنا فى الصنيعية لو تعرف حد بيفهم ويعرف يعمل اللى بتقول عليه فى المنصورة قول لنا عليه

طبعا أنا لسه مش معايا عربية ومعرفش صنيعية المنصورة وكل معلوماتي نظري فقولت أسألكم رأيكم ايه حد يعرف صنيعي بيفهم فى المنصورة يغير زيت الفتيس وينضف الكارتيرة بما يرضي الله حاجة كده زي الشغل اللى فى الموضوع ده http://www.nilemotors.net/Nile/343880-80.html؟