تجربتي مع تسقيط موتور ليجانزا لنوبيرا

**broadband** · 06-05-2014 10:31 AM

مبروك عليك الموتور ال 2000 سي سي و ربنا يباركلك فيه و هى تجربة مش سهلة علشان تغييره تانى ة مصاريف تانية
من رأى تغيير الفتيس احسن و تمشى بالعربية مظبوطة و ماعتقدش ان الفرق حيفرق معاك فى القوة او التسارع لان كده كده الموتور ده راكب على عربية نوبيرا مش ليجانزا فيه فرق فى الوزن ..
و دى نصيحة مش اكتر علشان دوخة الميكانيكية و قرفهم و حواراتهم

**bmw100** · 07-05-2014 12:11 AM

المشاركة الأصلية كتبت بواسطة broadband

مبروك عليك الموتور ال 2000 سي سي و ربنا يباركلك فيه و هى تجربة مش سهلة علشان تغييره تانى ة مصاريف تانية
من رأى تغيير الفتيس احسن و تمشى بالعربية مظبوطة و ماعتقدش ان الفرق حيفرق معاك فى القوة او التسارع لان كده كده الموتور ده راكب على عربية نوبيرا مش ليجانزا فيه فرق فى الوزن ..
و دى نصيحة مش اكتر علشان دوخة الميكانيكية و قرفهم و حواراتهم

والله معاك حق وبعد تجربة 4 ايام انا عاجبني نعومة الموتور فارق عن القديم القديم اصلا كان عاملي كالو في دماغي بسبب الزنة اللي عاملها في العربية ونعومية الجديد مش هتخليني اجازف واعيد التجربة في ماتور تاني ومصاريف تاني فتوكلت علي الله وخلاص هجيب ورق الموتور ان شاء الله وشوية وهغير الفتيس ان شاء الله

**ahmedsehimy** · 07-05-2014 08:18 AM

انا عايز اسال ايه حوار المرور في انك ركبت موتور اعلى من اللي نازل في العربية؟؟برخصوا عادي ولا فيه مشكلة؟؟

**bmw100** · 07-05-2014 10:28 AM

المشاركة الأصلية كتبت بواسطة ahmedsehimy

انا عايز اسال ايه حوار المرور في انك ركبت موتور اعلى من اللي نازل في العربية؟؟برخصوا عادي ولا فيه مشكلة؟؟

بص الراجل اللي اشتريت الموتور من عنده كان معاه نوبيرا ومسقط موتور 2000 ووراني الرخصة مكتوب فيها 1500 سي سي وقالي ورق الموتور مش بيتكتب فيه عدد السي سي ولا بيتكتب في اي حتة عشان كدة بيتثبت ذي القديم اما بالنسبة للماركة فهو دايو بردو