تجربتي مع تسقيط موتور ليجانزا لنوبيرا

السلام عليكم ورحمة الله وبركاته اولا احب اشكر المنتدي الجميل دة اللي استفدت منه كتير اوى عشان كدة قررت افيد الاعضاء بتجربة قمت بيها انا معايا نوبيرا ون الموتور اللي فيها مات واندفن روحت اشتري موتور جديد فوجئت ان صاحب محل قطع الغيار مسقط موتور ليجانزا لنوبيرا وفرجني عليه بس كانت المفاجئة ان الموتور اللي مسقطه ليجانزا 2000 سي سي واحد كامة شكرلي فيه وقالي انه احسن من ال 2 كامة الموتور دة هو هو موتور الاوبل فيكترا 2000 واللي شجعني اكتر ان ضفيرة الكنترول نفس اللي في عربيتي مغيرتش اي حاجة اداء العربية اختلف خالص العربية بتنط انا عربيتي مانيوال بس بحس ان الموتور بيجيب اخر الغيار بسرعة جدأ مش عارف هل الفتيش ضعيف علي الموتور ولا ايه الفتيس دة اللي كان في العربية هوبيختلف عن فتيس الليجانزا ولا ايه

حاجه جميله اوى ان احنا نضخ دماء الجديده فى عربياتنا القديمه و نحس بالتغيير

بصراحة انا حسيت اني اشتريت عربية جديدة العربية بقيت ناعمة وسحبها اقوي

مبروك اولا
شوف ماتورك القديم لو 1500 فهو 109 حصان 140 نيوتن-ولو 1600 فهو 107 حصان 145 نيوتن
ماتور ليجانزا الى حضرتك اشترينه 115 حصان 170 نيوتن هوة عزم اعلى بس هورس بور قليل-دة 8 صباب
ماتور ليجانزا 2000 سى سى 16 صباب---136 حصان 186 نيوتن ودة مجرم تسارع وتوب سبيد
وخاصه لو عربيتك نوبيرا ون هيبقه عليها 147 حصان

اقتباس:

---

المشاركة الأصلية كتبت بواسطة lanos2004

مبروك اولا
شوف ماتورك القديم لو 1500 فهو 109 حصان 140 نيوتن-ولو 1600 فهو 107 حصان 145 نيوتن
ماتور ليجانزا الى حضرتك اشترينه 115 حصان 170 نيوتن هوة عزم اعلى بس هورس بور قليل-دة 8 صباب
ماتور ليجانزا 2000 سى سى 16 صباب---136 حصان 186 نيوتن ودة مجرم تسارع وتوب سبيد
وخاصه لو عربيتك نوبيرا ون هيبقه عليها 147 حصان

---

كلامك صح مية المية بس هو في فرق في سهلاك البنزن بين الواحد كامة الاتنين كامة

اقتباس:

---

المشاركة الأصلية كتبت بواسطة bmw100

كلامك صح مية المية بس هو في فرق في سهلاك البنزن بين الواحد كامة الاتنين كامة

---

شوف الواحد كامه والاتنين كامه لو بتحرق لحد 3500 لفه الاستهلاك واحد تقريبا--لو قرصت جامد الاتنين كامه استهلاك اعلى بس مقابل بور اعلى
ولو عاوز تقلل الاستهلاك فى المستقبل هات فتيس ليجانزا لان فيه فرق حوالى 500 لفه لنفس السرعه-وبكدة سرعه اعلى بعدد لفات اقل

اقتباس:

---

المشاركة الأصلية كتبت بواسطة lanos2004

شوف الواحد كامه والاتنين كامه لو بتحرق لحد 3500 لفه الاستهلاك واحد تقريبا--لو قرصت جامد الاتنين كامه استهلاك اعلى بس مقابل بور اعلى
ولو عاوز تقلل الاستهلاك فى المستقبل هات فتيس ليجانزا لان فيه فرق حوالى 500 لفه لنفس السرعه-وبكدة سرعه اعلى بعدد لفات اقل

---

انا حاسس ان الفتيس خانق العربية يعني مثلا لو العربية ماشية علي التاني وجبت الرابع علي طول الموتور بيقوم معايا كويس ومرتاح لكن لو جبت التالت بعد التاني مش بحس بفرق بحس ان الغيار جايب اخره بسرعة يارب اكون قدرت اوصل المعلومة

اقتباس:

---

المشاركة الأصلية كتبت بواسطة bmw100

انا حاسس ان الفتيس خانق العربية يعني مثلا لو العربية ماشية علي التاني وجبت الرابع علي طول الموتور بيقوم معايا كويس ومرتاح لكن لو جبت التالت بعد التاني مش بحس بفرق بحس ان الغيار جايب اخره بسرعة يارب اكون قدرت اوصل المعلومة

---

انا فاهم كويس هوة فرق عزم بس عن الماتور القديم- دة بالظبط 172 نيوتن والقديم 140 ففرق مش قليل
هتتعود ان شاء الله

اقتباس:

---

المشاركة الأصلية كتبت بواسطة lanos2004

انا فاهم كويس هوة فرق عزم بس عن الماتور القديم- دة بالظبط 172 نيوتن والقديم 140 ففرق مش قليل
هتتعود ان شاء الله

---

شكرا ياباشا علي معلوماتك القيمة وانشاء الله هخطط لموضوع الفتيس دة بس اكون هديت شوية من مشوير الميكنيكية

طب الموتور الواحد كامه ده عامل كام فلوس

واخبار قطع الغيار ايه حتبقى اغلى من اللانوس ولا زيها ؟؟؟؟؟؟؟؟؟؟

اقتباس:

---

المشاركة الأصلية كتبت بواسطة misoalex

طب الموتور الواحد كامه ده عامل كام فلوس

واخبار قطع الغيار ايه حتبقى اغلى من اللانوس ولا زيها ؟؟؟؟؟؟؟؟؟؟

---

قطع غيار حساسات وفلتر زيت وهوا وبوجيهات واسلاك دايو عادى
سير كاتينه بلى ليجانزا او اوبل ان شاء الله

اقتباس:

---

المشاركة الأصلية كتبت بواسطة misoalex

طب الموتور الواحد كامه ده عامل كام فلوس

واخبار قطع الغيار ايه حتبقى اغلى من اللانوس ولا زيها ؟؟؟؟؟؟؟؟؟؟

---

انا اشتريته 3800 من غير موبينة ومن غير كبروسر التكفف عشان همهم نفس القديم انا حاسس انه غالي حبة بس الناس معاملتهم محترمة جدآ ودي اهم حاجة اما بالنسبة لقطع الغيار هي هي قطع غيار الاوبل فيكترا 2000 ومش بتفرق كتير في السعر

علي فكرة ياجماعة انا كنت هجييب ال 2000 سي سي ال 2 كامة وناس كتير قلقتني منه وصاحب محل قطع الغيار كان عنده الاتنين بس قالي ان دة احسن فتوكلت علي الله وجبت الواحد كامة خصوصا لما عرفت اني مش هعمل اي حاجة في الضفيرة

اقتباس:

---

المشاركة الأصلية كتبت بواسطة bmw100

انا اشتريته 3800 من غير موبينة ومن غير كبروسر التكفف عشان همهم نفس القديم انا حاسس انه غالي حبة بس الناس معاملتهم محترمة جدآ ودي اهم حاجة اما بالنسبة لقطع الغيار هي هي قطع غيار الاوبل فيكترا 2000 ومش بتفرق كتير في السعر

---

هوة الماتور زايد الف جنيه بس--بس عادى فداك المهم انه يكون تمام ان شاء الله

اقتباس:

---

المشاركة الأصلية كتبت بواسطة bmw100

علي فكرة ياجماعة انا كنت هجييب ال 2000 سي سي ال 2 كامة وناس كتير قلقتني منه وصاحب محل قطع الغيار كان عنده الاتنين بس قالي ان دة احسن فتوكلت علي الله وجبت الواحد كامة خصوصا لما عرفت اني مش هعمل اي حاجة في الضفيرة

---

والاتنين كامه برضه يركب على نفس الضفيرة---دة كلام تجار
الخيرة فيما اختارة الله استمتع بيه وخلاص

اقتباس:

---

المشاركة الأصلية كتبت بواسطة lanos2004

هوة الماتور زايد الف جنيه بس--بس عادى فداك المهم انه يكون تمام ان شاء الله

---

بص في ناس سألت عندهم قالولي ب 3000 ولما تيجي في كلام بس بصراحة ناس اشكالهم غلط لو قالولي ب 2000 بردو مش هشتري منهم عشان ماندخلش في دور لبط الناس دي محترمة والحمد لله المكنة كويسة مش بتدخن ولا في ريحة عادم والحمد لله دارت مع اول توصيلة وصوتها ناعم

اقتباس:

---

المشاركة الأصلية كتبت بواسطة bmw100

بص في ناس سألت عندهم قالولي ب 3000 ولما تيجي في كلام بس بصراحة ناس اشكالهم غلط لو قالولي ب 2000 بردو مش هشتري منهم عشان ماندخلش في دور لبط الناس دي محترمة والحمد لله المكنة كويسة مش بتدخن ولا في ريحة عادم والحمد لله دارت مع اول توصيلة وصوتها ناعم

---

شوف اهم حاجه انك مبسوط ومرتاح ودة يسوى كتير وسيبك من الفلوس
بس للعلم الى بايعه 3000 كاسب 1200 فيه والى بايعه 3800 كسبان 2000 جنيه فيه
فكان من الاولى يسبلك الكمبروسر والبوبينه
وربنا يبارك

مبروك يا باشا

سوال للناس اللي فاهمة انا عايز اعمل كدة عندي في عربيتي, بس عايز اجيب الموتور الاتنين كامة بالفتيس (اوتوماتيك) علشان مضيعش عزم الموتور هحتاج اغير ايه (اقصد ضفيرة و ايه تاني) و التكلفة كام لو حد عنه خلفية
العربية نوبيرا 2 اوتوماتيك موديل 2002 المصري

اقتباس:

---

المشاركة الأصلية كتبت بواسطة ahmedsehimy

مبروك يا باشا

سوال للناس اللي فاهمة انا عايز اعمل كدة عندي في عربيتي, بس عايز اجيب الموتور الاتنين كامة بالفتيس (اوتوماتيك) علشان مضيعش عزم الموتور هحتاج اغير ايه (اقصد ضفيرة و ايه تاني) و التكلفة كام لو حد عنه خلفية
العربية نوبيرا 2 اوتوماتيك موديل 2002 المصري

---

انت مش هتحتاج تغير حاجة لا ضفيرة ولا اي حاجة غير تعديل بسيط في القاعد الزيت وميعتبرش تعديل دة كلا م بشوات المنتدي الموتور اللي انا جبته مغيرتش حاجة في القواعد وهتحتاج تطول الشكمان شوية بس

اقتباس:

---

المشاركة الأصلية كتبت بواسطة lanos2004

شوف اهم حاجه انك مبسوط ومرتاح ودة يسوى كتير وسيبك من الفلوس
بس للعلم الى بايعه 3000 كاسب 1200 فيه والى بايعه 3800 كسبان 2000 جنيه فيه
فكان من الاولى يسبلك الكمبروسر والبوبينه
وربنا يبارك

---

شوف ياباشا محدش بيتعلم ببلاش س اناعرفت من واحد مستورد اتعرفت عليه هو شاب جنتل اوي في الحرفيين وعلي فكرة مش شغال في الدايو يعني كان بيديني المعلومة لوجه الله وعلي فكرة لقيتو فاهم جدآ جدآ اكتر من الميكانيكي لاني كنت مسقط موتور قبل دة بتاع نوبيرا تو الكهربا مكملش سنة وقطع صبابات وكنت جايبه رخيص والميكانيكي كان بيشعر فيه والكتينة كانت سليمة علي فكرة وعملتلو طقم صباب مشي 6 شهور وقطع تاني المهم هو قالي علي كل اللي عم بالظبطلما جيت اركب موونوببيرا 2 الكهربا بالحرف وقالي ان المواتير فيها لعب كتير ومش كل الشغل ذي بعضه ومحدش يعرف قوة المواتير ولا نضافتها غيره كمستورد يعني هو شاب متعلم وفاهم جدآ

اقتباس:

---

المشاركة الأصلية كتبت بواسطة bmw100

شوف ياباشا محدش بيتعلم ببلاش س اناعرفت من واحد مستورد اتعرفت عليه هو شاب جنتل اوي في الحرفيين وعلي فكرة مش شغال في الدايو يعني كان بيديني المعلومة لوجه الله وعلي فكرة لقيتو فاهم جدآ جدآ اكتر من الميكانيكي لاني كنت مسقط موتور قبل دة بتاع نوبيرا تو الكهربا مكملش سنة وقطع صبابات وكنت جايبه رخيص والميكانيكي كان بيشعر فيه والكتينة كانت سليمة علي فكرة وعملتلو طقم صباب مشي 6 شهور وقطع تاني المهم هو قالي علي كل اللي عم بالظبطلما جيت اركب موونوببيرا 2 الكهربا بالحرف وقالي ان المواتير فيها لعب كتير ومش كل الشغل ذي بعضه ومحدش يعرف قوة المواتير ولا نضافتها غيره كمستورد يعني هو شاب متعلم وفاهم جدآ

---

هيتلعب فيها ازاى دة مكن اصلا بيجى من الزباله فى كوريا او امريكا

سؤال الموتور الاتنين كامة في ناس قالولي طبب المية بتضرب وناس قالولي انه بيجيب جوان باستمرار ايه صحة الكلام دة

سؤال اخير للاستاذ لانوس 2004 اولا انا بشكر حضرتك جدآ للافادة لو جبت فتيس ليجانزا هيفرق في السحب واستهلاك البنزين ولا استهلاك البنزين بس وهيركب عادي سواء كان اتوماتك او عادة والله ياجماعة المنتدي دة جميل جدا في الافادة لان الميكانيكية احسن واحد فيهم مش عارف حاجة نفسي الاقي ميكانيكي دارس وفاهم مفيش ياعم الحاج واحلي حاجة انهم كلهم كانو بيشتغلو في التوكيل بقت اسطوانة مشروخة

اقتباس:

---

المشاركة الأصلية كتبت بواسطة lanos2004

هيتلعب فيها ازاى دة مكن اصلا بيجى من الزباله فى كوريا او امريكا

---

والله معاك حق

اقتباس:

---

المشاركة الأصلية كتبت بواسطة bmw100

سؤال الموتور الاتنين كامة في ناس قالولي طبب المية بتضرب وناس قالولي انه بيجيب جوان باستمرار ايه صحة الكلام دة

---

شوف
لو الماتور مركون فترة طويله سواء كامه او اتنين 1500 او 2000 ومسكه الصدا-الطبب هتضرب عادى خالص
المهم انته تنضف دورة التبريد كويس والعربيه باردة-وتحط ميه مقطرة -او ميه ملونه نوع محترم
وبعدين دايما تلاحظ مستوى الميه بينقص ولا مظبوط--ودايما تبص على الشكمان من تحت الفرن -لان لما الطبب بتضرب قبلها بترشح على الشكمان وتلاقى صدا-وتغير الطبب مش امر-انا مغيرها مرتين عادى يعنى
--موضوع سير الكاتينه والصبابات --الموضوع دة حساس شويه-وبيحصل بسبب قطع الغيار المضروبه او غشوميه ميكانيكى

انا ماتورى جاب صبابات مرة بسبب ميكانيكى ومرة اتاكلت بسبب منظف رشاشات
واتغيرت ومشى عادى وقتها-وعامل بيه 320 الف كيلو الان---هوة طبعا تعب بس لسه بيقفل العداد
والمهم
تستعمل زيت درجه-10w40

اقتباس:

---

المشاركة الأصلية كتبت بواسطة bmw100

سؤال اخير للاستاذ لانوس 2004 اولا انا بشكر حضرتك جدآ للافادة لو جبت فتيس ليجانزا هيفرق في السحب واستهلاك البنزين ولا استهلاك البنزين بس وهيركب عادي سواء كان اتوماتك او عادة والله ياجماعة المنتدي دة جميل جدا في الافادة لان الميكانيكية احسن واحد فيهم مش عارف حاجة نفسي الاقي ميكانيكي دارس وفاهم مفيش ياعم الحاج واحلي حاجة انهم كلهم كانو بيشتغلو في التوكيل بقت اسطوانة مشروخة

---

الاتوماتك مش هعرف افيدك فيه بس فتيس ليجانزا هيفرق معاك فى الاستهلاك فعلا بس لازم يكون فتيس ليجانزا

انا مش عارف اشكر حضرتك اذاي شكرا آ الحمد لله انا مبسوط بالموتور الجديد رغم ان سحب الموتور عاجبني بس حاسس انه مخنوق من الفتييس انشاء الله هغيره

اقتباس:

---

المشاركة الأصلية كتبت بواسطة bmw100

انا مش عارف اشكر حضرتك اذاي شكرا آ الحمد لله انا مبسوط بالموتور الجديد رغم ان سحب الموتور عاجبني بس حاسس انه مخنوق من الفتييس إن شاء الله هغيره

---

هوة مش مخنوق من الفتيس --هوة بس كنترولك لمحرك 16 صباب وحضرتك مركبه 8 صباب --بس عادى -على اى حال افضل من ماتور مريض زى القديم

اقتباس:

---

المشاركة الأصلية كتبت بواسطة lanos2004

هوة مش مخنوق من الفتيس --هوة بس كنترولك لمحرك 16 صباب وحضرتك مركبه 8 صباب --بس عادى -على اى حال افضل من ماتور مريض زى القديم

---

والله حضرتك خليت دماغي تفكر في الموتور التاني لاني لسة في مرحلة التجربة وممكن اغيره بس بصراحة خايف لان الموتور دة ناعم ومالوش صوت وسرعته كويسة بس اكيد التاني اقوي بس خايف اندم غير المصاريف بقول اجيبله فتيس احسن

شوف انا دايما بحب اول بختى

مبروك عليك الموتور ال 2000 سي سي و ربنا يباركلك فيه و هى تجربة مش سهلة علشان تغييره تانى ة مصاريف تانية
من رأى تغيير الفتيس احسن و تمشى بالعربية مظبوطة و ماعتقدش ان الفرق حيفرق معاك فى القوة او التسارع لان كده كده الموتور ده راكب على عربية نوبيرا مش ليجانزا فيه فرق فى الوزن ..
و دى نصيحة مش اكتر علشان دوخة الميكانيكية و قرفهم و حواراتهم

اقتباس:

---

المشاركة الأصلية كتبت بواسطة broadband

مبروك عليك الموتور ال 2000 سي سي و ربنا يباركلك فيه و هى تجربة مش سهلة علشان تغييره تانى ة مصاريف تانية
من رأى تغيير الفتيس احسن و تمشى بالعربية مظبوطة و ماعتقدش ان الفرق حيفرق معاك فى القوة او التسارع لان كده كده الموتور ده راكب على عربية نوبيرا مش ليجانزا فيه فرق فى الوزن ..
و دى نصيحة مش اكتر علشان دوخة الميكانيكية و قرفهم و حواراتهم

---

والله معاك حق وبعد تجربة 4 ايام انا عاجبني نعومة الموتور فارق عن القديم القديم اصلا كان عاملي كالو في دماغي بسبب الزنة اللي عاملها في العربية ونعومية الجديد مش هتخليني اجازف واعيد التجربة في ماتور تاني ومصاريف تاني فتوكلت علي الله وخلاص هجيب ورق الموتور ان شاء الله وشوية وهغير الفتيس ان شاء الله

انا عايز اسال ايه حوار المرور في انك ركبت موتور اعلى من اللي نازل في العربية؟؟برخصوا عادي ولا فيه مشكلة؟؟

اقتباس:

---

المشاركة الأصلية كتبت بواسطة ahmedsehimy

انا عايز اسال ايه حوار المرور في انك ركبت موتور اعلى من اللي نازل في العربية؟؟برخصوا عادي ولا فيه مشكلة؟؟

---

بص الراجل اللي اشتريت الموتور من عنده كان معاه نوبيرا ومسقط موتور 2000 ووراني الرخصة مكتوب فيها 1500 سي سي وقالي ورق الموتور مش بيتكتب فيه عدد السي سي ولا بيتكتب في اي حتة عشان كدة بيتثبت ذي القديم اما بالنسبة للماركة فهو دايو بردو