استفسار عن عملية الفمتو سمايل ومركز International Femto-Lasik centre

**ashraf1212** · 22-12-2014 07:41 PM

نسيت أحكيلكم على الفيمتو سمايل أنا أستبعدتها لأنها لسة جديدة 2 سنة بمصر و 5 سنة عالميا ودة وقت قليل جدا بس هية كويسة وبتم بالليزر بدون جراحة.

**Curbis** · 23-12-2014 10:47 PM

المشاركة الأصلية كتبت بواسطة ashraf1212

نسيت أحكيلكم على الفيمتو سمايل أنا أستبعدتها لأنها لسة جديدة 2 سنة بمصر و 5 سنة عالميا ودة وقت قليل جدا بس هية كويسة وبتم بالليزر بدون جراحة.

الفيمتو سمايل فعلا بقالها ٥ سنين عالميا

بس في مصر بتتعمل من ٥ سنين برضو مش ٢ لأن مصر كانت تالت دولة في العالم تتعمل فيها العملية بعد ألمانيا والهند... لأن جهاز الليزر الفيزوماكس بتاع شركة زايس ألماني.... ولأن مخترعة العملية دكتورة هندية اسمها روبال شاه.... واللي بيعملها هنا في مصر كان الدكتور أسامة ابراهيم اللي هو كان رئيس جامعة اسكندرية... وده برضو اللي أنا عملتها عنده... وشفت بحث كان بيتكلم فيه إنه عملها لواحد نظره -١٧

أنا برضو كان عندي بحث للدكتور أسامة ابراهيم عن تجربة العملية لأول مرة في اسكندرية سنة ٢٠٠٩ على ٢٠٠ عين والنتايج في الوقت ده.... هحاول أدور لك عليه ان شاء الله عشان تطمن... أنا بس مش فاكر هو فين غشان عملت العملية من زمان ومش مهتم أتابع حاجة عنها دلوقت

أنا نفسي بعد لما عملت العملية فضلت أتابع معاه سنة كاملة عشان خاطر الأبحاث دي عشان كانت لسه جديدة

**Curbis** · 23-12-2014 10:49 PM

المشاركة الأصلية كتبت بواسطة ashraf1212

لأ 8000 مش غالى علشان بتختلف من مكان لمكان

أنا مراتى عملت الليزك العادى بعد ما كنا رايحين نعمل الفيمتو ليزيك لأن الدكتور أقنعنا فى ألأخر أن ألأتنين زى بعض عدا فرق القطع فى الفيمتو عن طريق الليزر بس بيقعد 10 دقايق فى عملية القطع خلاف الليزيك العادى اللى القطع فية بياخد ثوانى وكمان أقل 2000 جنية فتوكلنا على الله وعملنا الليزيك العادى عند د/ تامر الرجال أمام سفارة ألأمارات وبعد 8 أيام من الزغلله ألأمور بقت تمام والتكلفة حوالى 5000 جنية شاملة الكشوفات.

الليزك والفيمتوليزك فعلا تقريبا زي بعض

وبالعكس دلوقت الليزك كمان بقت أحسن من الفيمتوليزك بسبب تطور المشارط المستخدمة لعمل الفلاب

انما السمايل حاجة تانية خالص

**Curbis** · 23-12-2014 10:57 PM

ده بحث جديد عن العملية في ٢٠١٤ للدكتور أسامة ابراهيم لنتايج ٢٢٠٠ واحد عملوها عنده من سنة ٢٠١٠

https://ascrs.confex.com/ascrs/15am/...aper17375.html

وده بحث للي عملوا العملية ونظرهم أكبر من -١٠

https://ascrs.confex.com/ascrs/15am/...aper17572.html

**Curbis** · 23-12-2014 11:06 PM

ده فيديو للدكتور وبريزنتاشن بيتكلم فيه سنة ٢٠١٣ عن نتايج العملية بعد ٣ سنين

Eyetube.net: Ophthalmic Surgical Video Resource

**ashraf1212** · 24-12-2014 03:36 AM

الله ينور عليك

الفيمتو سمايل مرجحة بشدة للأرقام الكبيرة
وبعد سنتين
[gdwl]حتبقى هى رقم 1 للكل[/gdwl]

**momen_ivf** · 04-05-2015 08:46 PM

يعني لو حد عايز الفيمتو سمايل يعمله فين ؟؟

عايز استفسر
الفيمتو سمايل سعرها كام ؟؟
يشمل الفحوصات السعر وكل شئ؟؟؟
ممكن الحجز قبلها ولا نفس اليوم ؟؟؟
هل ممكن العمل اليوم التالي مباشر حتي ولو كان العمل يحناج الي التدقيق في النظر مثل العمل علي ميكرسكوبات ساعات متواصله
الرجاء الرد لاهميه