استفسار عن عملية الفمتو سمايل ومركز International Femto-Lasik centre

السلام عليكم
لي صديق عزيز عليّ يعمل بأمريكا والآن في أجازة بمصر وهيعمل عملية الفمتو سمايل بالقاهرة علشان سعرها في أمريكا غير مغطى بالتأمين وتكلفتها 3 أضعاف التكلفة بمصر
المهم هو حجز في مركز اسمه International Femto-Lasik centre وصاحبه اسمه الدكتور عاصم زهران ومكانه بالتجمع الخامس وده موقعه على الإنترنت
International Femto Lasik centre | Coming Soon ...
ودي صفحة الفيس بوك
https://www.facebook.com/InternationalFemtoLasikCentre

السؤال: حد جرب المركز ده قبل كده ؟ أو حتى يعرف حد عمل العملية فيه أو سمع عنه أي حاجة ؟
أتمنى حد يجاوبني قبل يوم الأربعاء علشان أطمن الراجل بس خاصة إن العين بالذات أغلى حاجة عند البني آدم وربنا يسترها
وشكرا

محدش عارف ؟؟

تكلفتها كام ابو اسر للعين
اعتقد انة فيمتو لسة مانتشرش كتير وهل عندك فكرة مين تانى بيعملها

دا فرق مشرط يا باشا مش اكتر
انما الجهاز اللي بيخرط القرنيه واحد
شوف موضوعي عن الليزك يمكن يفيدك بحاجه
بس باختصار كده
الفرق بين اليزك والفمتو ليزك هو ان في الليزك بيقطع القرنيه بمشرط جراحي
والفمتو ليزك بيقطع القرنيه بمشرط ليزر
بتفرق في سمك القطع
انما شعاع التصحيح واحد في الاتنين
http://www.nilemotors.net/Nile/413565-sbk.html

معلش مكنتش مركز عن ان اسنفسارك عن الفيمتو سمايل
هو نفس الفيمتو ليزك بس بيفتح فتحه صغيره في القرنيه بيدخل منها شعاع الليزك يصحح النظر
وفرقها انك بتطلع بعدها تعيش حياتك عادي وتتعرض لتراب وشمس وهوا
مفيش مراحل التعافي بتاعه الليزك العادي

انا كمان مكنتش عارف المصطلاحات ديه

أنا عملت العملية (الفيمتو سمايل) في المركز ده يوم 5/12/2013
والعملية بسيطة خالص ومفيش منها خوف إن شاء الله
هو هيروح في الميعاد المحدد له
وهيحطلوه قطرات (تقريباً 3 مرات مش فاكر) قبل العملية
وهينام على ظهره على الجهاز اللي هيعمل العملية
والدكتور هيحط مشبك للعين علشان تفضل مفتوحة
وبعدين هينزل جهاز على عينه هيشوف فيه نقطة خضراء هيخلي عينه عليها (الدكتور هيتابع معاه وهيقوله يعمل ايه)
وبعدين الدكتور هيفتح 3 مم في العين بمشرط (مش هيحس بحاجة خالص ولا وجع فميش داعي للتوتر ابداً)
وهكذا في العين التانية
العملية تقريباً 3دقائق
وهينتظر في الاستراحة بره علشان الدكتور هيشوفه بعد العملية
وهياخد شنطة فيها 3 قطرات يحافظ عليهم في مواعيدهم بعد العملية وفيه ورقة بتوضح كيفية استعمال القطرات
أهم حاجة ياخد معاه نضارة شمس ..وممكن يبات في الفندق على حساب المركز (خليه يسأل ليه فاوتشر ولا لأ)
ويكون في أحد اصاحبه او اقرباءه علشان يسوق
وبعد العملية بتلات أو اربع ساعات هيبدأ يشوف كويس إن شاء الله.
هو ممكن يحس بتحسن في أقل من كده بس بيبقى فيه زي شبورة جامدة على عينه ويحس بشكشكة بسيطة في العين واما يحس بالشكشكة ما يهرش في عينه.
وبالتوفيق إن شاء الله.

بعد اذن استاذ ابو اسر
انا كدة اتلخبطت انا معى المدام عندها ضعف فى القرنية ومن 5 سنوات تقريبا الدكتور قال القرنية لا تتحمل فكدة اى نوع من العمليات ممكن وتكلفتها
المكان الذى قال عنة ابو اسر دة تكلفتة كام وهل فية حد يعرفة

اقتباس:

---

المشاركة الأصلية كتبت بواسطة moh.abdelbaset

ويكون في أحد اصاحبه او اقرباءه علشان يسوق
وبعد العملية بتلات أو اربع ساعات هيبدأ يشوف كويس إن شاء الله.
هو ممكن يحس بتحسن في أقل من كده بس بيبقى فيه زي شبورة جامدة على عينه ويحس بشكشكة بسيطة في العين واما يحس بالشكشكة ما يهرش في عينه.
وبالتوفيق إن شاء الله.

---

اللي اعرفه ان الفيمتو سمايل مفيهاش الاعراض دي
لو فيها الاعراض دي تبقي فيمتو ليزك او ليزك عادي مش فيمتو سمايل علي فكره

لو مش تشابه أسماء الدكتور عاصم زهران ده من دمياط وليه مركز هنا وكان فى عضو معانا عمل العملية فى دمياط

وعلى ما اتذكر اسمه مصطفى سعد ان لم تخونى الذاكرة

معرفش بقه هو نفسه بتاع المركز اللى انت بتقول عليه ولا لآ

ألف شكر يا رجالة على الإفادة
بخصوص التكلفة انا قرأت على صفحتهم على الفيس انها ب6500 جنيه تقريبا

ابقى شوف اللينكات دي
http://www.masress.com/elaosboa/44194
http://www.nilemotors.net/Nile/240951-5.html

http://forums.fatakat.com/thread4289504

يبقى لازم تعمل الفيمتو سمايل ومينفعش معاها اي نوع تاني لان ده النوع الوحيد اللي مبيتمش فيه اخذ شبكة من القرنية يعنى من الاخر كدة تتوكل ع الله وتعمل الفيمتو سمايل

الاستاذ ابو آسر اسفة للمداخلة .. انا جيت ابعت لحضرتك رساله خاصة بس مش مسموحلى لانى مسجله جديد ولازم 50 مشاركة عشان اقدر ابعتلك

شوفت حضرتك كتبت فى كومنت قديم لاحد الأشخاص عن عطر ما .. الكلام دة :
نصيحة هاته هاي كوبي من شخص عادي لأن معظم المحلات بتبيعه هاي كوبي على إنه أورجينال وبأسعار تعدي ال500 جنيه
أنا كنت جايبه من واحد عن طريق موقع ديفيدي فور عرب هاي كوبي ونفس العلبة الأصلية ومحفور عليها برده كأنه أصلي بالضبط وسعره كان في حدود 170 جنيه على ما أذكر وريحته بيقعد طول اليوم ولتاني يوم كمان بيبقى موجود في الهدوم
لو مهتم قولي أجيبلك تليفون الأخ اللي كنت شاريه منه )

اللينك ده :
http://www.nilemotors.net/Nile/391649-1.html


ياريت تبعتلى اسم الشخص دة و تليفونه .. عاوزة اشترى كزا عطر منه لو حضرتك شايفه كويس

جزاك الله خير واسفة جدا
(

السلام عليكم,,

أنا لسه شايف الموضوع بتاع دلوقت

انا عملت العملية دي من سنتين اللي هي smile

ساعتها كانت بتتعمل في مصر وألمانيا والهند وسنغافورة بس

هي مختلفة عن الليزك والفيمتوليزك بس أحسن منهم مليون مرة

لو عندك أي سؤال اتفضل

أنا لسة راجع من داخل فندق
دوسيت ثانى التايلاندى بالتجمع الخامس
وبداخلة
مركز الفيمتوليزك الدولى


وسألت عن ألأسعار وهى كالتالى


فيمتو ليزيك 6000 شامل سعر الكشوفات
فيمتو سمايل 7000 شامل سعر الكشوفات

متابع باهتمام.

متابع وهل لها سن او عمر معين وبعد كده مينفعش تتعمل ؟

معلهش انا واحد صحبى عاملها فى المركز الدولى للعيون ب 8000 جنيه الفيمتو سمايل عند دكتور احمد صدقى زى الفل ده يبقى كتير و لا كويس

لأ 8000 مش غالى علشان بتختلف من مكان لمكان

أنا مراتى عملت الليزك العادى بعد ما كنا رايحين نعمل الفيمتو ليزيك لأن الدكتور أقنعنا فى ألأخر أن ألأتنين زى بعض عدا فرق القطع فى الفيمتو عن طريق الليزر بس بيقعد 10 دقايق فى عملية القطع خلاف الليزيك العادى اللى القطع فية بياخد ثوانى وكمان أقل 2000 جنية فتوكلنا على الله وعملنا الليزيك العادى عند د/ تامر الرجال أمام سفارة ألأمارات وبعد 8 أيام من الزغللة ألأمور بقت تمام والتكلفة حوالى 5000 جنية شاملة الكشوفات.

نسيت أحكيلكم على الفيمتو سمايل أنا أستبعدتها لأنها لسة جديدة 2 سنة بمصر و 5 سنة عالميا ودة وقت قليل جدا بس هية كويسة وبتم بالليزر بدون جراحة.

اقتباس:

---

المشاركة الأصلية كتبت بواسطة ashraf1212

نسيت أحكيلكم على الفيمتو سمايل أنا أستبعدتها لأنها لسة جديدة 2 سنة بمصر و 5 سنة عالميا ودة وقت قليل جدا بس هية كويسة وبتم بالليزر بدون جراحة.

---

الفيمتو سمايل فعلا بقالها ٥ سنين عالميا

بس في مصر بتتعمل من ٥ سنين برضو مش ٢ لأن مصر كانت تالت دولة في العالم تتعمل فيها العملية بعد ألمانيا والهند... لأن جهاز الليزر الفيزوماكس بتاع شركة زايس ألماني.... ولأن مخترعة العملية دكتورة هندية اسمها روبال شاه.... واللي بيعملها هنا في مصر كان الدكتور أسامة ابراهيم اللي هو كان رئيس جامعة اسكندرية... وده برضو اللي أنا عملتها عنده... وشفت بحث كان بيتكلم فيه إنه عملها لواحد نظره -١٧

أنا برضو كان عندي بحث للدكتور أسامة ابراهيم عن تجربة العملية لأول مرة في اسكندرية سنة ٢٠٠٩ على ٢٠٠ عين والنتايج في الوقت ده.... هحاول أدور لك عليه ان شاء الله عشان تطمن... أنا بس مش فاكر هو فين غشان عملت العملية من زمان ومش مهتم أتابع حاجة عنها دلوقت

أنا نفسي بعد لما عملت العملية فضلت أتابع معاه سنة كاملة عشان خاطر الأبحاث دي عشان كانت لسه جديدة

اقتباس:

---

المشاركة الأصلية كتبت بواسطة ashraf1212

لأ 8000 مش غالى علشان بتختلف من مكان لمكان

أنا مراتى عملت الليزك العادى بعد ما كنا رايحين نعمل الفيمتو ليزيك لأن الدكتور أقنعنا فى ألأخر أن ألأتنين زى بعض عدا فرق القطع فى الفيمتو عن طريق الليزر بس بيقعد 10 دقايق فى عملية القطع خلاف الليزيك العادى اللى القطع فية بياخد ثوانى وكمان أقل 2000 جنية فتوكلنا على الله وعملنا الليزيك العادى عند د/ تامر الرجال أمام سفارة ألأمارات وبعد 8 أيام من الزغلله ألأمور بقت تمام والتكلفة حوالى 5000 جنية شاملة الكشوفات.

---

الليزك والفيمتوليزك فعلا تقريبا زي بعض

وبالعكس دلوقت الليزك كمان بقت أحسن من الفيمتوليزك بسبب تطور المشارط المستخدمة لعمل الفلاب

انما السمايل حاجة تانية خالص

ده بحث جديد عن العملية في ٢٠١٤ للدكتور أسامة ابراهيم لنتايج ٢٢٠٠ واحد عملوها عنده من سنة ٢٠١٠

https://ascrs.confex.com/ascrs/15am/...aper17375.html

وده بحث للي عملوا العملية ونظرهم أكبر من -١٠

https://ascrs.confex.com/ascrs/15am/...aper17572.html

ده فيديو للدكتور وبريزنتاشن بيتكلم فيه سنة ٢٠١٣ عن نتايج العملية بعد ٣ سنين

Eyetube.net: Ophthalmic Surgical Video Resource

الله ينور عليك

الفيمتو سمايل مرجحة بشدة للأرقام الكبيرة
وبعد سنتين
[gdwl]حتبقى هى رقم 1 للكل[/gdwl]

يعني لو حد عايز الفيمتو سمايل يعمله فين ؟؟

عايز استفسر
الفيمتو سمايل سعرها كام ؟؟
يشمل الفحوصات السعر وكل شئ؟؟؟
ممكن الحجز قبلها ولا نفس اليوم ؟؟؟
هل ممكن العمل اليوم التالي مباشر حتي ولو كان العمل يحناج الي التدقيق في النظر مثل العمل علي ميكرسكوبات ساعات متواصله
الرجاء الرد لاهميه