بسمع صوت طقة اثناء السير على طريق غير ممهد . ممكن اعرف دا طبيعى و لا لأ ؟
عرض للطباعة
بسمع صوت طقة اثناء السير على طريق غير ممهد . ممكن اعرف دا طبيعى و لا لأ ؟
لا مش طبيعى
تربيط عفشة و الموضوع بسيط ميقلقش
احتمال كبير البطاحات او المقصات
وممكن الموضوع يكون تربيط عفشه فقط
تربيط بسيط بس. هل بتسمع نفس الطقة أثناء الدورانات؟
انا بسمع صوت طقه لما اكسر جامد يمين او شمال.ممكن يكون العيب فين؟
لو هي طقة واحدة بتسمعها لما تكسر الدركسيون يمين او شمال فاحتمال تكون المقصات و العفشة محتاجة تتربط كويس
اما لو صوت الطقة بيبقي كتير و دائم مع كسرة الدركسيون فممكن يكون الكبالن هي سبب الصوت
بإذن الله تكون بسيطة و تحتاج تربيط عفشة بس
الطقة مش فى الدورانات خالص ... الطقة عند ما امشى فى ارض غير ممهده عالى و واطى ومش قصاد بعض
ممكن لو الطقة بتتسمع مع الكسر على الآخر تكون برضه كاوتشة الكوبلن مقطوعة و بالتالى سربت. فبيطقطق لما بتكسر على الآخر. دى لازم تشوفها ضرورى لأن لو طلع فعلا كاوتشة الكوبلن فأنت ممكن بسهولة تنقذه ب 20 جنيه كاوتشة و توفر على نفسك 300 أو 400 تمن كوبلن جديد. و دى مش محتاج تفك الكوبلن عشان تشوفها, ممكن تفك العجلة بس و الكاوتشة هتكون باينالك فمش هتاخد حاجة.