تأسيس اتحاد ملاك

**ayman20100** · 05-05-2014 02:05 PM

بسم الله الرحمن الرحيم

في رحلة البحث عن شقة معقولة في مكان مناسب لقيت اسعار غريبة ومبالغ فيها ولان كل العمارات دلوقتى بتتباع تمليك فسالت نفسي ايه الى بيمنع عمل اتحاد ملاك او مجموعة تشترك وتبنى العمارة ويتم الاتفاق على كل الشقق وساعتها هتقف الشقة عليا ارخص بكتير
ايه المشكلة في الفكرة وليه مش بتحصل كتير
لقيت ناس على النت بتدعوا للفكرة وناس متخوفه ما اعرفش ليه ؟؟
ما دام اسعار مستلزمات البناء تقريباً معروفة
والمهندسين والاستشاريين موجودين والمقاولين برضه موجودين
ايه المشلكة في الاشتراك في قطعة ارض وبنائها بمنتهي السهولة
وتبقى معاك شقة بسعر التكلفة .... ايه المشكلة ؟؟

**shiko85** · 05-05-2014 03:46 PM

المشكله انك تجمع الناس و انهم يوافقوا على الشقق مش كلهم يختاروا الدور التانى او الوجهه البحريه مثلا و هكذا
بس الفكره منتشره و بتتنفذ كتير

**ayman20100** · 05-05-2014 04:21 PM

المشاركة الأصلية كتبت بواسطة shiko85

المشكله انك تجمع الناس و انهم يوافقوا على الشقق مش كلهم يختاروا الدور التانى او الوجهه البحريه مثلا و هكذا
بس الفكره منتشره و بتتنفذ كتير

شكراً لمشاركتك واظن ان المشكلة بيتاعت الادوار هتبقى سهلة لو يتحدد سعر لكل دور تبعاً للتميز ياعنى اول ادوار تبقى اغلى من الباقي وفيه فرق سعر وهكذا وبكده الى هياخد الدور التاني او التالت هيبقى دافع اكتر من الادوار العليا التانية

**mk3** · 05-05-2014 06:29 PM

الصعايده اشطر مننا وخصوصا السوهاجيه فى موضوع البنا وبيكسب ويبنى تانى وتالت لحد ما يبنى لوحده.ناس تعبت وتستاهل

**ayman20100** · 05-05-2014 06:45 PM

المشاركة الأصلية كتبت بواسطة mk3

الصعايده اشطر مننا وخصوصا السوهاجيه فى موضوع البنا وبيكسب ويبنى تانى وتالت لحد ما يبنى لوحده.ناس تعبت وتستاهل

عندك مليون حق
فعلاً لاحظت الموضوع ده
مش بس بيبني عشان يسكن فيه ناس بتبنى وتاخد نصيبها وتبيعه وتبني تاني بالفرق غير انه بيطلع مكسب

واضح ان الصعايدة اكتر جدية او اكتر خبرة ودراية بالموضوع ده

**qkash.com** · 05-05-2014 08:50 PM

فكرة ممتازة ياريت نستفيد منها ونطبقها والكل هيستفيد
بالتوفيق للجميع ان شاء الله

**drcobra** · 06-05-2014 04:10 PM

فى ناس معروفة بتاخد منك مبلغ وتعتبرة سهم فى اعمال بناء وتديك شقة, وبكدة يبقى انت استفدت شقة بسعر التكلفة تقريبا

غير كده استحالة لان اللى عندة ارض مش هيرضى يبعها وممكن يعمل قروض ويستلف ويبيع قبل ما يبنى ويكسب هو

**ayman20100** · 06-05-2014 04:42 PM

المشاركة الأصلية كتبت بواسطة drcobra

فى ناس معروفة بتاخد منك مبلغ وتعتبرة سهم فى اعمال بناء وتديك شقة, وبكدة يبقى انت استفدت شقة بسعر التكلفة تقريبا

غير كده استحالة لان اللى عندة ارض مش هيرضى يبعها وممكن يعمل قروض ويستلف ويبيع قبل ما يبنى ويكسب هو

الناس ديه بتطلع فروقات في السعر برضه لانه تاجر عقارات يا مقاول
الفكرة اننا ليه ما بنعملش الحاجة بنفسنا ونوفر ونكسب

**Ahmed_Rahem** · 06-05-2014 06:55 PM

الفكرة دى كويسة لو حد عندة فعلاً قطعة ارض ومعوش يبنيها انما غير كدة صعبة، حاولت مع واحد صاحبى والموضوع وقف لان مش عارفين نلاقى قطعة ارض مناسبة فى المكان الى بندور علية. ناس بتبيع على الريحة ومش جدية وعايز يعرف سعرها كام وناس ضاربة فى العالى ومش فارقة معاة والى سعرة كويس فى مكان مش عاجب الكل. وفى الاخر الموضوع نام