الموضوع: استفسار بخصوث صيانة االتكيف

المشاركة الأصلية كتبت بواسطة i_samy

برضه السؤال مازال قائم

لسة شايف الموضوع دلوقتى على فكرة
بص ياباشا
عشان ينضفها بالطريقة العادية اللى هيحصل كالاتى لو هو صنايعى محنك

هيفك الكرسى اللى جنب السواق وهينام على ضهرة وهيقطع حتة صغيرة من العزل بتاع العربية فى الصدر وهيفضل شغال عميانة لمدة حوالى نص ساعة لحد ما يفك المسامير

وبعدين هيفضل يصارع العلبة حوالى ساعة عشان يطلعها من مكانها وبعد كدة هيغطى الكنترول بتاع العربية بكيس وبعدين هيحط طبق بلاستيك تحت التلاجة وبعدين هيششتغل بالخرطوم

موضوع ان عربيتك هتغرق مية وهو شغال فدة موضوع اكيد ومنتهى

الكلام اللى فات دة كلة على افتراض انة صنايعى مخضرم وهياخد منك ما بين 200 او 250ج

لكن لو هو صنايعى غشيم فيبقى احسن مقولكش اية اللى هيحصل

وفية صنايعية بتوع تكييف مبيرضوش يعملوها

المشاركة الأصلية كتبت بواسطة misoalex

باشا احب اشكر حضرتك على تعبك وفيديوهاتك والشرح اللى بتعمله لينا
انا شوفت الفيدو بالصدفه عل اليوتيوب وكنت عاوز ابعت اسالك ينفع نستبدل خرطوم المياه بخرطوم الهواء بتاع الكمبروسر زى اللى فى البنزيته
لانى اولا معنديش مكان اعمل فيه كده ثانيا اخاف اعمل كده الميه تدخل على الاسلاك لان عربيتى ملعوب فيها كتير وصاحبها القديم مكانش مهتم بيها فممكن اعمل حاجه ابوظ كذا حاجه

فهل ينفع انضفها بضغط الهواء

اولا احييك على اشادتك بى واحب اوضح لك الاتى:

1 - الهوا عمرة ما هينضف الجلخ والطين المتجمد اللى على التلاجة لازم مية مندفعة بقوة
2 - المنطقة اللى هتشتغل فيها مفيهاش اى حاجة كهربا ممكن تتأثر طالما التزمت بكل الخطوات اللى فى الفيديو حرفيا
3 - انا متأكد من كل كلمة بقولها لانى مفكك عربيتى بايدى حتة حتة لحد ما وصلتها لكدة

المشاركة الأصلية كتبت بواسطة misoalex

حتى فى الفيديو كان فيه واحد بيقولك الحق العربيه بتنزل ميه من تحت سمعته وقعدت اضحك هههههههههههه

هههههههههههه
دة كان فية فضايح
دا لولا المونتاج اللى انا عملتة كنت سمعتك حاجات غريبة
الى يقولى العربية بتعمل حمام مية من تحت هههههه
والى يقولى انت بتحمى العربية من جوة
واللى يقولى انت قرفت منها للدرجة دى

وطبعا كلهم جيرانى ولو مكنتش عملت مونتاج كنت سمعتك احلى ردود والش وقفشات بينى وبينهم

نييجى بقة للجد
اوصفلى اللى بيحصل معاك بالظبط وانا اقولك تعمل اية