الموضوع: ممنوع الاقتراب والتصوير ... هل من حقوا إنوا يمنعني !!!

النهارده الفيس مسابش حد والخبر بينتشر ايه طياره فمحدش ضامن اللى هيكتب فبيأنن نفسه. فى جروب اسمه متشتريش من الاماكن دى فى مصر بس بالانجليزى العنوان...مش عايز اقولك مليان فضايح وكلها على التوكيلات والاسماء الكبيره

المشاركة الأصلية كتبت بواسطة y a r i s

ماهو ياباشا تقريباً الشغل بقه كلو واحد في جميع محلات الحلويات حتى الطعم ... والي في الغالب هما كده او كده سارقين الطريقة او الوصفه من كتاب من كتب الطبخ ... او بيقلدوا الشيف حسن او الشيف شربيني يعني حتى الانترنيت مليان صور توروت وجاتوهات ...

ده انا بالمناسبة. انا دخلت محل حلويات سوري من غير ذكر اسماء هنا في ٦ اكتوبر ... الواد اول ماشفني يا أهلالااااا وسهلالا ويا اهلين وسهلين. ومن غير ما اقولوا كل ما اشورلوا على حاجة واقولوا ايه دي يقلي شرف استاذ دوقهااا ... اقولكم ايه انا دوقت المحل كلووو. وانا واقف لدرجة بقيت اقولوا كفاية مش قادر خلاص مفيش مكان في بطني ياعم قولي بس دي بتاعت ايه او اسمها ايه من غير ما تدوقني ... ده واللهي لولا الكسوف كنت هقولوا طيب ابعت هتلينا بقه قزازتين حاجة ساقعة سيڤن خلينا نهضم الحلويات الي كلتها دي كلها من عندكوا ( ضيافة ) .

يعني شايف. المعاملة ... شوف الاخلاق مش الواد الي جي يجعر في وشي. وباااااشااااااا باشااااااااا ممنوع التصوير ولا كانوا واقف في موقف عبود .

ياريت اسم المحل السورى هروح ادوق وامشى