الف مبروك بس زود وهات الفئه التانيه علشان الفاميه والجنوط هيه الي فيها كل حاجه وهيا الي عليها السحب
عرض للطباعة
الف مبروك بس زود وهات الفئه التانيه علشان الفاميه والجنوط هيه الي فيها كل حاجه وهيا الي عليها السحب
[QUOTE=spidars;3875559440]الف مبروك بس زود وهات الفئه التانيه علشان الفاميه والجنوط هيه الي فيها كل حاجه وهيا الي عليها السحب
والله ياريس انا ان كان علية كنت عايز المانيوال واوفر ال ١٠ الاف جنية :colsmil::colsmil::w6266d بس تعمل اية بقا لاقيت كلة بيقلى طور من نفسك واركب اتوماتيك وارحم نفسك :Copy of m-s5: .... انا اصلا مستغلى تمنها اوى ومضطر اجيبها عشان احنا عيلة وربنا رزقنى بطفلة واحنا اصلا ٦ يعنى بقينا ٧ .كتر خير الانوس بصراحة.. كنت عايز استنى الشكل الجديد بس اكيد هيلقى اغلى يا فنفس الرينج .... وكمان انا اقعدت اقارن بينها وبين الفئة الى بعدها الى ب ١٩٠ الف لاقيت الفرق فى الفامية ومثبت السرعة وحساس الركن والجنوط الاسبور والليلد الى فى الفوانيس والاشارات الى فلمراية ... يعنى ١٤ الف فرق فى حاجات مش الى تستاهل بالنسبالى .... بالنسبة للفامية هى ١٠٠ جنية فايد مهندس الفحص وتتكتب فامية فى الرخصة .... مثبت السرعة ولا لية استخدام فى بلادنا الحبيبة ... الجنوط ممكن اغيرها مع الوقت ... وبفكر وانا بشترى ابدلها باسبور وادفع للوكيل الفرق ... حساسات الركن للمبتدأين انا الحمد الله بسوق من وانا فى ثانوى ... الاشارات فى المرايا مش قد كدة فنظرى ما كداكدا فيه اشارات فى الرفرف .... الليد ممكن اشترية من برة واركبة .... وكل دة مش هيعمل الى ١٤ الف دول
الله يبارك فيك يا دكتور مصطفى ... الله يطمنك انا عجبنى اللون دة والابيض والاسود ومحتار والله ... عجبنى الابيض بس بيتقالى هتبقى تاكسى و الابيض مع الوقت لونة بيغير وهتبقى شكلها مش قد كدة .... الاسود ملك الالوان وعجبنى ايضا بس الخوف من امتصاصة الحرارة مش عارفة هيأثر جامد فلى جوها ولا عادى زية زى كل العربيات الى واخدة الوان داكنة .... نغس الكلام بالنسبة للفيرانى بما انة غامق .... دة رأئى الشخصى مستنى بس اجماع على لون كويس الوكيل هيكلمنى بكرة عشان يسألنى على موضوع اللون .... انا كنت بقارن بين الاسود والابيض و الفيرانى ..والسيلفر . دلوقتى الابيض طلع من حساباتى يعنى يا اسود يا سيلفر يا فيرانى
الف مبروووك مقدما ، العربية ما شاء الله تحفة ، وبالنسبة للون البترولي جميل جدا وبعدين الفيراني، وطبعا أتوماتيك
فضى ثم فيرانى وشكرا ومشهتعرف قيمة اللون غير لما تركب وتستخدم العربيه
العربيه رائعه ولكن يعبها انها وطيه جدا مع الاسف وده اللى ماثر على مبيعتها بنسبة 100%
احسن عربيه فى وجهة نظرى فى وسع الصالون وعاليه عن الارض عشان المطبات وخامات محترمه اسبورتاج وشكرا وال 2015 رائعة
بس عيبها ب 212 الف واعتقد الفرق كبير قوى فى السعر
بنائا عليه فى الحالة بتاعتك مع بسم الله ماشاء الله العيله هات الجراند تريوس او تويوتا افانزا بجد هتتخنق من وطى الكارينز مع الاسف ولما العيله تركب كلها العربيه هتنام على الارض
راجع حساباتك تانى صدقنى واتفرج على الجراند تريوس عربيه عاليه و3 كنبات وواسعه جدا بس هات الهاى لاين وسعرها مقارب للكارينز
[QUOTE=Hazem Osman;3875559735]الف مبروووك مقدما ، العربية ما شاء الله تحفة ، وبالنسبة للون البترولي جميل جدا وبعدين الفيراني، وطبعا أتوماتيك
الله يبارك فى حضرتك وفعلا الفيرانى فى حساباتى و البترولى عاجبنى بس مقارب للكحلى الى فالانوس الى معايا فمستبعدة
متشكر على اهتمامك وردك يا ريس .....انا لما سألت الوكيل قالى مبتحكش وارتفاعها دة هيفضل ثابت الا لو حملت فيها اسمنت وزلط :-) وثانيا : الاسبورتاج جميلة جدابس مش هتنفعنا كعائلة وغير السعر دة انا بصوت من سعر الكارينز .... الجراند تريوس عربية تقيلة فى مشيها وشكلها وكمان فى سعر اعادة البيع ...الافانز عربية ملهاش وجود فى الوجود عرلية تحس انها تايهة ... وغير الناس الى جبوها محدش شكر فيها بالمرة وغير ثابتة .. وكفاية كشكلا انها شبه ميكروباص الشفيرولية بتاع اعلان شعبولا :-) ..... بس هو فعلا من واقع تجربة او حد مالك كارينز بلغ حضرتك انها بتحك فى المطبات مع التحميل الكلام دة لو اكيد هروح اسحب فلوس الحجز حالا
مبروك مقدما لحضرتك بس خلى بالك الاوتو بيحتاج صيانه دوريه مش زى العادى يعنى تخلى بالك ان الزيت ماينقص والفتيس كمان له فلتر بيتغير تقريبا كل 20 الف بعد المره الاولى وشوف تعليمات الصيانه
انا بردو بايد الاوتو
يا عمرو باشا الاسود عايز جراج وازاز فاميه ومتخرجش بيها الا بليل فى الطراوه او فى الشتا زى الفل
هههههه
بجد من الناحية العملية عشان الحر والتكيف وبرضه روعه الالوان المعدنيه ( الميتالك ) كلها جميله وعموماً الألوان ده ازواق ربنا يوفقك فى اللى تتمناة ويكفيك شرها ويديك خيرها ان شاء الله