الموضوع: فرحان ومحتار بسبب الكيا كارينز

المشاركة الأصلية كتبت بواسطة محمد بدر

يا صديقي العزيز الألوان دي طبعا ميول و أزواق.
وإللي حصل معايا ممكن يحصل معاك يعني يبقي استقريت علي لون وعند الإستلام تلاقي نفسك روحت للون تاني خالص.
ولو عايز تختار لون متندمش عليه متخترش من المعرض اختار من الشارع.
إضائة المعرض المبهره وطريقة العرض بتخدع في أختيار اللون.
طيب أنا علشان أختار اللون ومندمش عليه أعمل إيه؟
هو طبعا الموضوع مرهق بس أنت مش كل يوم هتغير عربيه.
أنا أشوف عربيه ماشيه أو واقفه في الشارع وتكون لونها من ضمن أختياراتي وأركز في اللون كويس ويسلام لو شوفته مره بالنهار ومره بالليل .
بصراحة أنا كنت ببقي في نفس حيرتك.
وأخترت الفيراني علشان أعتقد لون وسط لا هو غامق ولا فاتح
يارب توفق في أختيار اللون إن شاء الله

شكرا يا استاذ محمد على مشاركتك ... والله انا لحد دلوقتى اللون الى شوفتة ليها فى الشارع السيلفر و الموكا والبترولى ... وكلهم اجمل من بعض عليها مع انى كنت شايل السيلفر من حساباتى بس عند حضرتك حق اللون لما بتشوفة فى الشارع بيكون احلى تخيل انا محبتش اللون السيلفر لما شوفتة فالمعرض وعجبنى لما شوفتها ماشية فالشارع ونفس الكلام للموكا
انا بفكر فالالوان الفاتحة والسيلفر عجبنى جدا ... بكرة ان شاء الله انا رايح الوكيل والى ربنا كتبهالى هخدها ... دعواتكم معانا

طمنا يا أستاذ عمرو أخبارك أيه؟