بيانات رخصة العربية فيها غلط اصلحة ازاي ؟؟؟

السلام عليكم ورحمة الله وبركاته

الحمد لله اخيرا رخصت العربية واستلمت النمر بعد معاناة يومين في مرور فيصل ... وما أدراكم ما مرور فيصل ..

المهم

بصيت في البيانات لقيت مكتوب عدد السلندرات غلط المفروض انها 3 سلندر (العربية ماروتي) كتبوها 4 سلندر - هي المفروض هاتشباك كتبوها ليموزين .. والعنوان مكتوب باختصار يعني انا في شارع متفرع من شارع والمكتوب الشارع اللي انا فيه بس ..

والغلط من الباشا المندوب اللي من المعرض لانه هو اللي كتب بياناتي في الفحص البيئي والفحص الفني في الفحص الفني كاتب السلندرات صح وفي الفحص البيئي كتبه غلط وشكل السيارة مكتوب غلط في الفحص الفني المفروض هتشباك مش ليموزين

مش عارف بقى الحكاية مستاهلة اروح اعدل البيانات دي ولا استني الفحص الجديد بعد 3 سنين وخلاص وهل الغلط ده يعمل لي مشاكل بعد كده ولا ايه ... لاني عايز كمان اعمل كارت البنزين ومش عايز ادخل البيانات الغلط دي

وشكرا للجميع

كل انواع السيارات الهاتشباك بتتكتب في الرخصه ليموزين

ده بيفرق ما بين الملاكي و النقل والاجره

بالنسبه للسلندرات حضرتك تروح المرور وتغيرها مع انها مش مهمه اوي

اقتباس:

---

المشاركة الأصلية كتبت بواسطة amr khater

كل انواع السيارات الهاتشباك بتتكتب في الرخصه ليموزين

ده بيفرق ما بين الملاكي و النقل والاجره

بالنسبه للسلندرات حضرتك تروح المرور وتغيرها مع انها مش مهمه اوي

---

ربنا يبارك فيك .. متشكر جدا

يا ريت تكمل جميلك وتقولي ايه الورق المطلوب وتتكلف كام

اعتقد انها مش مهمه لما تيجى تجدد ابقى غيرها .. لأنك ممكن يدوخوك او روح وجرب لو لقيتها سهلة خلص على طول

شوف حضرتك
كان عندى نفس الموضوع وأنا بالرغم من إنى لما كنت باجدد كتبت فى النماذج 3 سلندر وكمان فى ورق الفحص برضه كاتب 3 سلندر إلا أن الرخصة برضه خرجت مكتوب فيها 4 سلندر وسألت ساعتها قالولى مابتفرقش حاجة فى المصاريف لأنهم بيبصوا على الـ cc بتاع العربية .
وكان المفروض حضرتك تطلب تغيير البيانات الخاطئة دى بمجرد إستلامك ومراجعتك للرخصة لأن أنا حصل معايا برضه إن الرخصة طلعت فيها خطأ ظاهر وغير مقبول ألا وهو إن تاريخ الإنتهاء مكتوب بتاريخ سابق لتاريخ الترخيص (يعنى مثلا أنا مطلع التجديد النهاردة والإنتهاء مكتوب السنة اللى فاتت) فطبعا طلبت أدخل لمدير المكتب ودخلت له وعينك ماتشوف إلا النور نده للموظفة وسمعها عزف منفرد من القباحة والشتيمة لدرجة إنى أنا اللى شعرت بالإحراج علشان الموظفة وكنت عاوز أقول له كفاية كده وبالفعل أخدت الرخصة وصلحتها بالضبط فى 3 دقائق يعنى مش يوم بحاله زى ماحنا متعودين .
على فكرة ده كان مرور السلام اللعين .

انا غلطوا فى رقم الماتور وصلحتها فى وقتها قولى عرفت ازاى-كان معايا صورة من الرخصه القديمه بقارن لقيت رقم غلط
وصلحوها فى وقتها

انا فاكر ان مفيش نموذج رخصه 3 سلندر لانه كان فالعربيه القديمه مكتوب 4 سلندر

اقتباس:

---

المشاركة الأصلية كتبت بواسطة mohammad isdf

اعتقد انها مش مهمه لما تيجى تجدد ابقى غيرها .. لأنك ممكن يدوخوك او روح وجرب لو لقيتها سهلة خلص على طول

---

متشكر جدا ... بإذن الله هجرب مرة اروح واشوف ايه النظام

اقتباس:

---

المشاركة الأصلية كتبت بواسطة mesaharaty

شوف حضرتك
كان عندى نفس الموضوع وأنا بالرغم من إنى لما كنت باجدد كتبت فى النماذج 3 سلندر وكمان فى ورق الفحص برضه كاتب 3 سلندر إلا أن الرخصة برضه خرجت مكتوب فيها 4 سلندر وسألت ساعتها قالولى مابتفرقش حاجة فى المصاريف لأنهم بيبصوا على الـ cc بتاع العربية .
وكان المفروض حضرتك تطلب تغيير البيانات الخاطئة دى بمجرد إستلامك ومراجعتك للرخصة لأن أنا حصل معايا برضه إن الرخصة طلعت فيها خطأ ظاهر وغير مقبول ألا وهو إن تاريخ الإنتهاء مكتوب بتاريخ سابق لتاريخ الترخيص (يعنى مثلا أنا مطلع التجديد النهاردة والإنتهاء مكتوب السنة اللى فاتت) فطبعا طلبت أدخل لمدير المكتب ودخلت له وعينك ماتشوف إلا النور نده للموظفة وسمعها عزف منفرد من القباحة والشتيمة لدرجة إنى أنا اللى شعرت بالإحراج علشان الموظفة وكنت عاوز أقول له كفاية كده وبالفعل أخدت الرخصة وصلحتها بالضبط فى 3 دقائق يعنى مش يوم بحاله زى ماحنا متعودين .
على فكرة ده كان مرور السلام اللعين .

---

مشكور ... بس مشكلتك اتحلت في 3 دقائق والحمد لله وبتقول عليه مرور لعين ... يا راجل حرام عليك أمال مرور فيصل ده يبقى ايه "الجحيم بعينه" ؟؟؟
انا روحت اول يوم مع مندوب المعرض ووقفت 3 ساعات ونصف في الفحص وللحظ مكانش في نمر فاضطريت اروح تاني يوم ، وحبيت اعمل شريف وابعد عن الكوسة وروحت من الساعة 9 صباحا ووقفت في الطوابير ولغاية الساعة 12 ظهرا كنت يا دوب على الشباك بدخل الملف وانا شايف امامي الملفات اللي بتدخل من جوة مع السماسرة وبتخلص هوا .... وفيييييييين الساعة 4 عصرا استلمت الرخصة والنمر ولاحظت الغلط ودخلت على المكاتب جوة عشان اصلحه .. اضطردنا طردة الكلاب .. من أمين شرطة !!!!!!!!!!!!!
وابقو فوتو علينا بكره :fun_10_9_134[1]:

بصراحة يوميها خلوني العن اللي اخترع حاجة اسمها عربية اساسا :crashcomputer4:

اقتباس:

---

المشاركة الأصلية كتبت بواسطة lanos2004

انا غلطوا فى رقم الماتور وصلحتها فى وقتها قولى عرفت ازاى-كان معايا صورة من الرخصه القديمه بقارن لقيت رقم غلط
وصلحوها فى وقتها

---

شكرا جزيلا ... بس والله اليوم كان خلص استلمتها 4 العصر وكان الكل بيمشي

اقتباس:

---

المشاركة الأصلية كتبت بواسطة shiko85

انا فاكر ان مفيش نموذج رخصه 3 سلندر لانه كان فالعربيه القديمه مكتوب 4 سلندر

---

في التخليص الجمركي بتاع العربية مكتوب انها 3 سلندر