تقرير عن التيجو بعد 3 سنوات استعمال
السيارة موديل 2011 و عاملة 38000 ، السعر وقت الشراء 89000
المميزات :
1- مرتفعة عن الارض ، لا تحمل هم للمطبات
2- الموتور قوته ممتازة لكن فقط بعد 3000 rpm
3- الصاج قوى للابواب و الرفارف
4-كماليات كثيرة جدا لا تتوفر فى اى سيارة بنفس السعر
5-فخمة جدا من الداخل ، كراسى جلد ، طارة جلد
6- اماكن واسعة للجلوس و نقل الامتعة
7- كشافات قوية جدا
8- كلاكس صوته عالى
9- قطع غيار متوفرة و سعرها رخيص
10- ثبات ممتاز
العيوب :
1- الموتور ضعيف جدا تحت 3000 rpm
2-الاكصدامات ضعيفة جدا
3-البلاستيك الداخلى ردىء ، يوجد فراغات بين قطع البلاستيك الداخلى
4- فيبر القوائم ضعيف و يمكن كسر كلبساته بسهولة
5- العزل الداخلى سيىء بالنسبة للصوت
6- تكييف ضعيف
7- نظام التهوية الداخلية غير محكم و يسمح بدخول هواء ساخن او عوادم من الطريق
8- حدث تلف لحساس السرعة بعد 15000 فقط و تم شراء اخر جديد ب 75 جنيه
9- مسامير العجل ضعيفة جدا و قابلة للقطم او التلف بمنتهى السهولة
10- العفشة ناشفة
11- تحتاج تربيط عفشة كل شهر تقريبا او حسب المشاوير
12- يوجد اصوات من المساعد الخلفى ، و من الفتيس غير معروف اسبابهم
13-عزل حرارة الموتور سيىء و تشعر بالحرارة عند اقدامك
14- مؤشر تنك البنزين بيعلق على الF لما تكون مفول ثم ينزل فجاءة مع اول مطب
15- الريموت سيىء ، مداه قصير ، و يتأثر بالتشويش بسهولة
16-الصدأ بدأ فى الظهور بعد 3 سنوات فقط بسبب الخامات الرخيصة المستخدمة فى تصنيع العفشة و كوالين الابواب
17- صوت الموتور عالى
الخلاصة : السيارة تعطيك احساس مميز و هو ركوب سيارات الدفع الرباعى بسعر اقل بعشرين الف جنيه عن الداستر و اقل بثلاثين الف جنيه عن التيريوس بدون اى كماليات لكن الحلو مايكملش ، الاعتمادية ضعيفة ، قطع غيار رخيصة لكن غير معمرة ، يعنى حتركب و تتبسط ، لكن لن تتوارثها الاجيال
السيارة منتشرة فى مصر عشان الشعب المصرى يفضل رخص السعر عن الاعتمادية و الجودة
و فى رأيي الشخصى سعر موديل 2014 مبالغ فيه