انهيار سوق العقارات في امريكا و انجلترا .. يا تري ممكن يحصل في مصر ؟؟

المساكن في امريكا انهارت اسعارها .. لدرجة في شقق اسعارها اقل من مساكن الضباط في مدينة نصر (اقل من 20 الف دولار)
يا تري ممكن يحصل في مصر ؟؟؟ و ممكن العربيات كمان ؟؟

ماهو الانهيار الاقتصادى هياخذ معاه كل القطاعات الحيويه

من سياحه لعقارات لكله

تصدق ده لو حصل يبقى خير للفقراء والشباب والناس اللى مش لاقين خيمه حتى

هو مش شماته ولا حاجه بس عشان الناس اللى كلهم جشع هنا يتعلموا الادب

ماعتقدش
مصر لا ينطبق عليها اي قواعد

بص الموضوع يتلخص في التالي:
- السوق الامريكية و الاوربية داخله على كساد وبطالة وازمة كبري زي اللي حصل في التلاتينات
- معنى كساد يعني الناس مش راح تشتري غير احتياجاتها اليوميه فقط وعلى كده مش راح يستوردوا بضائع من الدول الاخري (مثل الصين ومصر وغيرها) بنفس حجم التجارة السابق
- وعلى كده اسعار البضائع تنزل في السوق العالمي وطبعا المصانع في العالم راح تقلل انتاجها لان الطلب قل وبالطبق طالما الانتاج قل يبق المصنع راح يسرح جزء من عماله
- لما المصانع والشركات تسرح جزء من عمالها بالطبع راح تزيد البطالة ويزيد الكساد والناس مش راح تشتري غير اللي يلزمها فقط وبالتالي الاسعار تقل تاني لان الطلب قل
- وهكذا تدخل في موجات من الكساد والبطلة في جميع القطاعات (تجارة ... صناعة ... سياحة ... انشاءات ....)
- طبعا الموجة دي راح تأثر على سعر العقارات والدليل على الكلام ده ان جريدة الاهرام بتاريخ 8 اكتوبر قالت ان اسعار العقارات بمصر انخفضت بنسبة 10 % نتيجة تراجع اسعار الحدبد ... ودي البداية طبعا
- وبرضه اللي بيشغل دماغه ريقرأ ما وراء الارقام راح يعرف ان خسائر البورصة في اليومين اللي فاتو والتي قدرت ب 60 مليار جنيه ... ان دي فلوس كان ممكن تنعش الاسواق لكنها ذهبت مع الريح يعني اللي كان مستثمر في البورصة وكان ناوي يبيع ويجيب شقة مثلا خلاص بح ... وبالتالي العرض راح يكون اكتر من الطلب وطيعا بديهي ان الاسعار تنزل

تحليل منطقي جدا
بس اعتقد ان الأزمة دي هتصحح الأوضاع
يعني كيلو اللحمة ب 40 جنية دا مبالغ فيه جدا - لان البرازيلي مثلا من اخر الدنيا بتيجي بتكلفة 10 جنية م صرف كتير علي النقل

مش عارف ليه حاسس اننا داخلين على حروب عالمية تانية بسبب الكساد العالمى ده

انا عايز اوضح نقطة
القطاع العقارى فى مصر مش معتمد على التقسيط بشكل يقارب اللى بيحصل فى العربيات
يعنى مفيش ناس هيتسحب منها بيوتها زى الامريكان و تتعرض للبيع باى ثمن
بس تاثير اللى بيحصل برة هيسمع جامد بعد كام شهر فى شغلنا انا و اى حد تانى

انا مع اسلام نبيل احنا فى عالم غير العالم لا ينطبق علينا اى نظريات او تاثيرات خارجية
ياراجل لما نزل البترول الى 18 دولار ولا اقل ولا حاجة حصلت فى اسعار البنزين عندنا كأننا فى كوكب اخر ، نحن لا نتأثر الا بتغير سعر ما نستوردة يغلى الورق عالميا او خامة البلاستيك تولع عندنا الدنيا ، اشمعنى محدش فاهم ، طيب سلع وسلع محدش فاهم ولا عمر قطاع البناء باع على اسس واقعية او تكلفة كلها هوجات وتتطفى ومحدش فاهم حاجة
عايز افهم هى شقق الرحاب ام 66 الف من كام سنة بتتباع ليه ب660 الف دلوقتى
التكلفة زادت 10 اضعاف فى 3 سنين موش معقول امال ايه
محدش فاهم

عندنا في الاسكندريه الشقق مولعا

احنا فعلا مينفعش نطبق اى قواعد معمول بيها عند بقية الناس بس بالنسبة لموضوع العقارات المتوقع ان الدنيا هتهدى شوية فى خلال الشهرين الجايين دول لان الحديد لسه هينزل تانى و الاسمنت و السن و الدهشوم اسعارهم نزلت برضه ( حته كده بحكم شغلى مهندس مدنى :) ) فكده كل مقومات البناء نزلت اسعارها و ربنا يسهل الحال و نبطل جشع .