السلام عليكم,
كنت عايز رايكم في احسن عربية بمتوسط سعر 16000 جنيه
اللي قدامي الان بولونيز و بيجو 305 ( بعد استبعاد 127 و 128)
مع الاعتبار الاعتمادية و قوه البودي و قطع الغيار
تحياتي لتعاونكم
عرض للطباعة
السلام عليكم,
كنت عايز رايكم في احسن عربية بمتوسط سعر 16000 جنيه
اللي قدامي الان بولونيز و بيجو 305 ( بعد استبعاد 127 و 128)
مع الاعتبار الاعتمادية و قوه البودي و قطع الغيار
تحياتي لتعاونكم
بولونيز طبعا . . أنا هموت و أجيبها كسيارة تانية
أنا معرفش عنهم كتير بس هأقول على قدر معرفتى و الخبراء هنا يفيدونا أكتر
أعرف إن البيجو 305 فيها مشكله فى الكبالن, بتبوظ بسرعه و ده لأنها مضروبه و لمشكله فى الصناعه بتاعتها بتخلى الكبالن متستحملش.
بالنسبة للبولونيز, أسد بس لو أنت عارف أن عيبها الخشونه و الصوت العالى بالإضافه للشكل الغريب (لا هو سيدان و لا هاتشباك) يبقى ممكن تتجه للادا ثمانينات و هتلاقى فيها نفس العيوب مع ميزة الشكل أفضل شوية (دى أذواق)
و الإثنين (لادا و بولونيز) قطع غيارهم متوفرة بس أعتقد موديل 92 فى البولونيز هو الموديل الوحيد اللى قطع غيارة نادرة (معرفش ليه)؟
من الآخر مفيش قدامك غير....
لادا - بولونيز - فيات 128/127/ريتمو - فولكس بيتل - ماروتى و البيجو 305
أعتقد أفضلهم البيتلز (بس المهم الحاله و توافر قطع الغيار و الصنايعى)
و بعدها اللادا ثم البولونيز
لو مليكش فى الفيات كله يبقى البيجو و الماروتى
أكرر: ده رأيى و على قدر معرفتى و منتظر معاك رد الإخوه الأفاضل
بولونيز طبعا
بس تجيب موديل احدث
لو عرفت تجيبها فوانيس جولف موتور 1600 افضل
لو مالقتش يبقي بزجاج خلفي اضافي
مش بلاستيك
واضح يا رجاله ان في اجماع علي البولونيز
اللي مخليني متردد ان البيجو انعم و ممكن التكيف فيها يكون حالته كويسه ؟
ثم هل صاج البيجو ضعيف و لا قوي ؟
صاج البيجو الـ 305 جامد جداً عن تجربة كانت معايا العربية دى ممتازة عيبها الوحيد قطع الغيار والصنايعية مابيحبوش يشتغلوا فيها علشان حوضها ضيق شوية
البولونيز دى الدريكسيون بتاعها عامل زى دريكسيون الجرار الزراعى