طرمبة بنزين ولا موبينا ارجوكم ساعدوني وافيدوني بخبرتكم

**abdalaha** · 06-05-2014 12:28 AM

العربية مخنوقة وحسس بتقل فيها ولما ادوس بنزين بحس ان العربية مش خفيفة ومخنوقة ولما اقرص علي الدواسة البنزين صوت الموتور يجعر تجعيرة غريبة اوي علما اني مغير طقم رشاشات وبوجيهات وفلاتر وحساس كيلو متر وحاجات كتير ... روحت للميكانيكي قالي طرمبة ينزين عايزة تتغير وهاتلي واحدة جديدة اصلي ... معلومة قبل مصلح العربية جيت ادورها مردتش تدور غير لما صاحبي جه فتح الكبوت وخبط كده علي حاجة فالعربية اشتغلت.... انا بقي محتار ده عيب موبينة الي انا اساسا معرفش مكانها ولا شكلها ولا وظيفتها ولا عيب طرمبة بنزين .... معلومة برضه اني بقالي 10 شهور مفولش العربية وبمشي بيها لحد النص ولما تقل ازود وبس ... ارجوكم ساعدوني ورسوني علي الصح ايه عشان صارف 5500 ج والعربية لسة قارفني وحاسس انها كارو

**mr_sese** · 06-05-2014 12:31 AM

المشاركة الأصلية كتبت بواسطة abdalaha

العربية مخنوقة وحسس بتقل فيها ولما ادوس بنزين بحس ان العربية مش خفيفة ومخنوقة ولما اقرص علي الدواسة البنزين صوت الموتور يجعر تجعيرة غريبة اوي علما اني مغير طقم رشاشات وبوجيهات وفلاتر وحساس كيلو متر وحاجات كتير ... روحت للميكانيكي قالي طرمبة ينزين عايزة تتغير وهاتلي واحدة جديدة اصلي ... معلومة قبل مصلح العربية جيت ادورها مردتش تدور غير لما صاحبي جه فتح الكبوت وخبط كده علي حاجة فالعربية اشتغلت.... انا بقي محتار ده عيب موبينة الي انا اساسا معرفش مكانها ولا شكلها ولا وظيفتها ولا عيب طرمبة بنزين .... معلومة برضه اني بقالي 10 شهور مفولش العربية وبمشي بيها لحد النص ولما تقل ازود وبس ... ارجوكم ساعدوني ورسوني علي الصح ايه عشان صارف 5500 ج والعربية لسة قارفني وحاسس انها كارو

راجع على التقسيمة يامعلم

**abdalaha** · 06-05-2014 12:47 AM

تقسيمة ايييه معلش انا جديد في العربيات مكملتش سنتين سواقة والصنايعية ملبسني في الحيط ... التقسيمة دي تتراجع ازاي او عند مين

**abdalaha** · 06-05-2014 12:56 AM

لو قصدك سير الكاتينة فانا مغيرو من 15 الف ك وراجعت عليه بعد مركبتو هل ممكن يكون اتاثر دلوقتي او محتاج مراجعة ولا ايه

**abdalaha** · 06-05-2014 01:16 AM

ياريت حد يعبرني بس ويرشدني للصح وربنا يجعله سبب اني ارتاح نفسيا واخلص من قرف العربية

**abdalaha** · 06-05-2014 01:46 AM

يارب

**Ahmed Saad** · 06-05-2014 01:49 AM

بص ياباشا الموبينه لو قطعت تعرفها بحاجه بسيطه تفك سلك سلك بتوع البوجيهات وتجيب مفك عازل وتقربه من السلك من جوه لو عمل شراره تبقي شغاله والدايو فيها 2 موبينه كل واحده مسئوله عن 2 سلندر باتنين سلك بوجيه واعراض الطرمبه لو بيظه تغيب في الدواره وتنتش علي السرعات العاليه ولو عايز تكشف علي الطرمبه والعربيه دايره بتفك خرطوم الراجع بتاع البنزين اللي راجع من مسطره الرشاشات وتحطه في زجاجه 1 لتر المفروض تملاها في 30 ثانيه لو ماملتش بالكامل في 30 ثانيه تبقي طرمبه ضعيفه لو عملت كل ده ومفيش حاجه ومغير بوجيهات وفلاتر ورشاشات يبقي راجع علي سير الكاتينه المفروض بيبقي في زنب علي ترس الكامه متطابقه مع زنبه جنبها وتحت برضه عند طنبوره بتاعت الكرنك اللي راكب عليها السير من تحت والافضل تغير الميكانيكي وتروح لواحد فاهم لو الكاتينه مظبوطه يبقي اكشف علي العربيه بجهاز الاعطال وان شاء الله خير

**Dr__Ahmed** · 06-05-2014 02:01 AM

والعربيه واقفه من غير غيار
اول متكبس على دواسة البنزين مره واحده .. تسمع صوت تجعير او تربو طالع من فلتر الهوا
والموتور ميستجبش غير متأخر
++ ضعف فى السحب يوم بعد يوم ..
الغيار الخامس ضعيف جدا ويمكن ميزدش عن 90 غير بصعوبه
العربيه مبتجريش نهائى ..
برجله مع زياده الحموله(ركاب) او تشغيل تكييف
لمبه الcheckتنور لحظه وتطفى على السرعات العاليه
مؤخرا صعوبه فى الدواره من اول مره
.
.
.
.
لو عندك 2 او 3 من الاعراض السابقه :)
كل ده ضعف ضخ فى طرمبة البنزين

غيرها وجرب وصدقنى هتفرق معاك كتير
ممكن بعد كده كمان تنضف الرشاشات
والعربيه هتبقى زيرو معاك

بس غير الطرمبه الاول
بس ياتجيبها زيروا جديده
يا لو هتجيبها استعمال ... فكها من تانك النص استيراد قدام عنيك !

**abdalaha** · 06-05-2014 02:05 AM

العربية بتدور بسرعة
لما بدوس بنزين جامد بتجعر
الغيار الخامس مش مديني السرعة الي متعود عليها
سحب العربية رخم ومخنوق والعربية تقيلة
هتوكل علي الله واغير طرمبة البنزين واجيب واحدة اصلي بس خايف العربية تفضل ذي مهيا دا انا صارف كتير اوي