السلام عليكم,
لو سمحتوا كنت عايز أسأل على قطع غيار جيتا 2008 في التوكيل إيه النظام وخارج التوكيل بس تكون اصلية موجودة فين واسعارها إيه عشان نفسي أجيب جيتا وقدامي عربية كويسة جدا بس خايف تكون اسعار قطع الغير غالية جدا زي ماسمعت وشكرا
عرض للطباعة
السلام عليكم,
لو سمحتوا كنت عايز أسأل على قطع غيار جيتا 2008 في التوكيل إيه النظام وخارج التوكيل بس تكون اصلية موجودة فين واسعارها إيه عشان نفسي أجيب جيتا وقدامي عربية كويسة جدا بس خايف تكون اسعار قطع الغير غالية جدا زي ماسمعت وشكرا
انا معايا جيتا ٢٠٠٨ حاجتها موجودة واسعارها انا شايف انها كويس بالنسبة للعمر الافتراضي
تقدر تقول ارخص من الصني ٢٠١٤ في حاجات
يعني انا لسه قريب مغير تيل ورا وقدام اصلي ب ٨٥٠ جنيه
واللي قبله كان قاعد معايا حوالي ٢٠ الف علشان شاري مستعمل العربية
وكان لسه فيه يقعد كمان بس غيرته نضافه
هو حضرتك غيرته في توكيل ؟ و بعد اذنك عايز اعرف محل اجيب منه قطع اصلية و يكون مضمون و ايه احسن توكيل و شكرا لرد حضرتك طمنتني
انا من ملاك الجيتا الشكل القديم وقطع غيارها متوسطه ولا غاليه ولا رخصيه وسط يعني بس التوكيل هو اللي بياخد مصنيعيه خياليه
فالتوكيل حرامي ف الحاجات دي يعني تشتري منهم قطع الغيار وتعملها بره بس ف مكان محترم متخصص بس الحاجات المهمه زي تغير زيت الفتيس وكده انصحك ف التوكيل وهقلك ع سعر السيرفس كامل زي تغير فلتر زيت و تغير الزيت و فلترالهوا وسعر السرفس ده ب 1450 جنيه
عندك محل بيروت في شارع دمشق
اشرف الشهابي
مجدي الجزار
وفي الحرفين الشيخ حسن وفي كتير جدا شغال في الفولكس عموما وبيبيعوا الاصلي
ابعد عن التوكيل علشان حرامية
متروحش غير في شي ليه علاقة بالكهربا عموما والبرمجة غير كده كله يتعمل بره عند محمد سمير خلف حديقة بدر
ومركز زهران في مدينه نصر بتعامل معاه برضو وهما ناس محترمة
أسعارها حلوه وعموما هي هي الاوكتافيا a5 والفانتازيا وقطع غيارها أرخص من السيفيك والكرولا 2010 والاصلي تلاقيه عند أشرف الشهابي في شارع دمشق بس هوا غالي شويه بس أرخص من التوكيل وعندك الهاشميه في أحمد سعيد في العباسيه برضه شغالين في الأصلي وخلي بالك لو هتجيب جيتا اوعى تجيب الفتيس الجديد ال 7 نقلات ال dsg وخليك في الفتيس القديم ال 6 نقلات أفضل وأحسن
برضو dsg7 نقلات انا ايدي اتهرت من كتابه ان الفتيس مفهوش حاجه ولله خايف يطلعلي واحد من الشيشه يقول dsg7
هي العيوب كانت من 2009 لحد 2011 وانتهت خلاص والشكاوي قلت بنسبه كبيره وانا بقول تاني الجيتا بتاعت الوالد وتعتبر بتاعتي عشان بسوقها دايما وهي ماشيه لحد الان 101500 الف ومغيرتش الا كلتشات فقط ومشاء الله عربيه قشطه واعتقد حضرتك شفتني ف منتدي الهيونداي باخد رأيكم ف الالنترا وانت رديت عليا ... انا دلوقت بدور ع جيتا 2008 او اوكتافيا a5 العربيات دي حلوه ولاسف العربيات مش منتشره خالص ودايخ عليهم
بص يا باشا والله انا مش بألف وربنا يباركلك فيها ممكن تقول حالات قليله طيب الناس اللي عندها أعطال في ال dsg وغيرو ميكاترونيك على كيلومترات قليله وخلي بالك ال dsg شغال فل في اروبا علشان مفيش زحمه بس مش عايزين نغفل عن أن ال dsg فيه مشاكل وباعتراف الشركه نفسها واللي خلي التوكيل في مصر لعربيات 2014 ال dsg ضمان مدي الحياه على الفتيس علشان حجم المبيعات وقع بسبب أعطال ال dsg اشمعني ضمان على الفتيس علشان اعطاله المتكرره وممكن حضرتك تدور في مواضيع المنتدى على أعطال الفتيس
حضرتك انا عارف انك مش بتألف انا اقصد الشكاوي قلت بنسبه كبيره ولا ايه وربنا انا بحمد ربنا ان عربيتنا سليمه وفالته من حكايه dsg وانا ملاحظ عشان انا و الوالد بنسوق مانويل. ف الزحمه عشان الفتيس و العزم يبقي حلو وانا شايف الطرق دي تحافظ ع الفتيس وضمان الفتيس عندي اتبقاله سنتين مش خايف نهائيا
عندي سؤال ضمان مدي الحياه عdsg هيطبق ف عربيتنا الجيتا موديل 2011؟