كلام ميطمنش من رئيس الوزراء .... عن البنزين اتحدث

**AHMED12345678** · 06-05-2014 02:33 AM

محلب شكله نازى نيه مش تمام
البيه فى تصريح له قال فية
(( وقال رئيس الوزراء إن الفقير فى هذا الوطن يدفع مرتين، وأن بنزين ٩٢ واستهلاك الكهرباء لا يستفيد منه الفقراء، بل الأغنياء فقط، متسائلاً "كيف نقترض أموالا لننفق على الأغنياء؟" ))

تعليقى على الخبر ..... انا نفسى افهم دلوقتى هما الى عندهم عربيات ن نوعية لانوس ولا فيرنا ولا لادا ولا اسبيرانزا ولا جيلى ام جراند ولا اكسنت القديمةولا اكسيل ولا كل العربيات الى من النوع ده مع كامل الاحترام لملاكهم
هل دول يعتبروا اغنياء .... حد يفهمنى علشان انا معنتش فاهم
هل علشان تعالج عجز الموازنه تقوم تجيب عجز للناس كلها
هى الناس دى عايشه فى برج عاجى لوحدها ومش عارفين الناس حالها وعايشين ازاى
هو مدرك النتائج الكارثية فى حالة زيادة سعر البنزين
طيب هما لما هيبعولنا البنزين بسعره هيبعولنا العربيات بسعرها من غير جمارك

�� | �� : �� .. ��

**DODGE2013** · 06-05-2014 02:38 AM

المفروض ان يعملوا حصه معينه لكل مواطن بسعر مدعم بالكارت اياه وبعد ما تخلص يبقى يدفع بالسعر الطبيعي بدون دعم

**mr_vampire** · 06-05-2014 02:49 AM

نص العربيات فالشوارع بالقسط او الواحد دفع كل مايملكه عشان يترحم هو ومراته وولاده من قرف المواصلات العامة . وفالاخر يتحسبو من الاغنياء.

حكومة عايشة فالبطيخ ومتعرفش حاجة عن الواقع خالص.

او عارفة وبتستعبط. وارجح الراي ده.

**ehab** · 06-05-2014 02:59 AM

المشاركة الأصلية كتبت بواسطة mr_vampire

قرف المواصلات العامة.

دي متعتبرش مواصلات اصلا

**mr_vampire** · 06-05-2014 03:07 AM

المشاركة الأصلية كتبت بواسطة ehab

دي متعتبرش مواصلات اصلا

فعلا.

فالدول المحترمة ركوب المواصلات العامة تعتبر متعة وتغيير وتوفير للنفقات وتخفيف لضغط المرور.

في مصر عذاب ومهانة ومرمطة . واللي يحاول يرحم نفسه يعتبر من المرفهين ولازم يدفع.

ويطلعلك هذا ال # يقولك بتجيلي رسايل من ناس غلابة بيقولوله مش هناكل بس انتا تحكمتا.

عرفت منين انهم غلابة ؟؟؟ وهما جابو رقمك منين ؟؟؟؟؟

هههههههههههه بيضحكو علي مين دول ؟؟؟؟؟

**تامر.محمد** · 06-05-2014 03:46 AM

المشاركة الأصلية كتبت بواسطة DODGE2013

المفروض ان يعملوا حصه معينه لكل مواطن بسعر مدعم بالكارت اياه وبعد ما تخلص يبقى يدفع بالسعر الطبيعي بدون دعم

ما ده اللي تم طرحه السنة اللي فاتت و ما عجبش
يا ريت يعملوه السنة دي بدل ما يغلوا

هي نسالة وقت عموما و هايغلوه

Sent from my GT-N7000 using Forum Runner

**dedi** · 06-05-2014 11:50 AM

الناس التى بتتكلم لو حضرتك عندك غسالة ملابس اتوماتيك وعندك تكييف وتليفزيون فحضرتك كدة عايش فى ترف ولازم تدفع طيب بقى لو حضرتك عندك 2 تكييف و 2 تليفزيون فحضرتك كدة ثرى
دة كان فية واحد فى تليفزيون بيتكلم على استهلاك ناس 50 كيلو وات فى الشهر و 100 كيلو
الناس دى موش عايشة ولا حاسة بالناس انها دافعة دم قلبها وتحويشة عمرها فى العربية ومرور و تراخيص ويقولك دعم البنزين طيب و الجمارك وبعدين لو عايز يبيع البنزين بسعرة وزى برا تمام شيل الجمارك واضمن للناس دخول زى برة
بامانة فية ناس كانت بتحوش وتقطع من قوتها علشان تترحم من زل وقرف المواصلات

**midnightman_74** · 06-05-2014 11:55 AM

المشاركة الأصلية كتبت بواسطة ahmed12345678

تعليقى على الخبر ..... انا نفسى افهم دلوقتى هما الى عندهم عربيات ن نوعية لانوس ولا فيرنا ولا لادا ولا اسبيرانزا ولا جيلى ام جراند ولا اكسنت القديمةولا اكسيل ولا كل العربيات الى من النوع ده مع كامل الاحترام لملاكهم
هل دول يعتبروا اغنياء .... حد يفهمنى علشان انا معنتش فاهم

�� | �� : �� .. ��

مقارنة بناس تانية معندهاش يبقوا أغنياء

**M.Radwan** · 06-05-2014 12:07 PM

المشاركة الأصلية كتبت بواسطة midnightman_74

مقارنة بناس تانية معندهاش يبقوا أغنياء

يبقى كده اللى عنده موتوسيكل غني..في ناس تانية معندهاش!
مين قال ان العربية مقياس الغنى أصلا؟ ما يمكن واحد جايبها بقساط ودافع فيها دم قلبه.

-

الموضوع: كلام ميطمنش من رئيس الوزراء .... عن البنزين اتحدث

LinkBack

أدوات الموضوع

عرض

كلام ميطمنش من رئيس الوزراء .... عن البنزين اتحدث - انشر الموضوع فى :

-

-

-

-

المواضيع المتشابهه

رئيس الوزراء ... كلام نهائى ... الغاء الدعم عن بنزين 95

الغاء الدعم عن بنزين 95..رئيس الوزراء ... كلام نهائى

رئيس الوزراء لنائب رئيس شركة نيسان : حزمة إجراءات لتشجيع الصناعات كثيفة العمالة

رئيس الوزراء متحطوش بنزين 80

الكلمات الدلالية لهذا الموضوع

المفضلات

المفضلات

ضوابط المشاركة