صباح الخير على الجميع...عايز افضفض

سلام عليكم
صباح الخير يارجاله نايل موتورز
اخبار البلد معاكم ايه !!!!
اخبار الزحمه ايه !!!
اخبار الجو ايه!!!
اخبار الكهرباء اللى بتقطع فى اليوم اكتر من مرتين ايه !!!
اخبار ضغط الشغل وجشع اصحاب العمل ايه !!!!
اخبار تناكه الناس والاخلاق المتدنيه لاقصى الحدود ايه !!!
اخبار الاحباط اللى بيصيب الواحد كل يوم وكل ساعه ايه !!!
واخبااااااار مصر ايه !!!!!!!!!!!!!
بغض النظر عن اى كلام فى السياسه...بتعملوا ايه فى الاحبااااااااط دة....الحل فين !!!!!!؟...نعمل ايه.....احنا لا نعامل كمواطنين محترمين بالمره واقل حقوق لينا مبنخدهاش يعنى يوم ما بتيجى الكهرباء على سبيل المثال يبقى يوم الهنا
الواحد حاسس ان عمره بيقصر وهينتهى من البلد دى.....الحـــــــــــــــــ� �ل فين؟

ودي عايزة كلام ؟!
(ألم تكن أرض الله واسعة فتهاجروا فيها)
عليك وعلى أقرب طيارة
واللي مش هيعرف يبقى ربنا معاه ويصبره أهم حاجة يلبس كمامات وياخد احتياطاته علشان العدوى متأثرش فيه

طيب واية الحل
الواحد بصراحة محبط من كل حاجة

لنا الله

امبارح بالليل بنتي جسمها كان سخن جدا، والكهربا قاطعة والحر شديد، بجد كنت مخنوق بالعياط

لا حول ولا قوه الا بالله

انا وصلت لمرحلة (غير قابل للتطبيق على ارض الواقع ) و ده فيما يخص اى تقدم متعلق بمصر و الشعب المصرى شبكة الفساد مستشريه بفظاعه و الناس وصلت ان كل همها فى الدنيا لو كانت مستفيده من شبكة الفساد دى انها تحافظ على نصيبها و منابها هيا و عيالها و لو كانت دهسها القطر فعايزه اللى زيها كلهم يتعذبو زى ما هما اتعذبو و بيتعذبو و بدون ذكر الف مليون مثل و حاجات كتير ملهاش اى 30 عازه ولا هتغيرنا
يبقى زى ما قال على بن ابى طالب (من تمام العقل نقص الكلام )
و بقت مصر بالنسبه ليا برزخين برزخ صباحى زحمه و خناق و سب دين و ناس بتتف على بعض و اشارات مرور محدش بيحترمها و نفاق ووو و برزخ ليلى هتقل فيه النسب دى بمعدل 80% على الاقل
بحاول منزلش من بيتى قبل الساعه 12 بليل علشان مشوفش حد على قد ما اقدر و لما اروح شغلى كانك بتضربنى بالنار ارجع منه و ساعات احط قطن فى ودنى و انا ماشى
اى حد يتكلم فى السياسه او حال المجتمع لا اعقب و لا ابدى اى رأى وصلت لمرحلة الخدل numbness
انا عارف ان فيه ناس هتقرا الكلام ده و هتفرح اكتر ماهى فرحانه لان ده الهدف اللى ماشيين بيه من عقود طويله بس حقيقى انا وصلت لمرحلة COULDN'T CARE LESS
عربيات و كوره و حالى الشخصى و بس
حد الله لو مصر حصلها ايه ما تهز شعره فى راسى , كفاية سكان الزمالك اللى فرضوا رأيهم على مواصله عامه انها مايكنش ليها محطه فى حيهم علشان مايختلطوش بالرعاع يبقو هما ياخدو بايدها بقى و لو حصلت حرب يحاربولها :Copy of m-s5:

اقتباس:

---

المشاركة الأصلية كتبت بواسطة banzai

انا وصلت لمرحلة (غير قابل للتطبيق على ارض الواقع ) و ده فيما يخص اى تقدم متعلق بمصر و الشعب المصرى شبكة الفساد مستشريه بفظاعه و الناس وصلت ان كل همها فى الدنيا لو كانت مستفيده من شبكة الفساد دى انها تحافظ على نصيبها و منابها هيا و عيالها و لو كانت دهسها القطر فعايزه اللى زيها كلهم يتعذبو زى ما هما اتعذبو و بيتعذبو و بدون ذكر الف مليون مثل و حاجات كتير ملهاش اى 30 عازه ولا هتغيرنا
يبقى زى ما قال على بن ابى طالب (من تمام العقل نقص الكلام )
و بقت مصر بالنسبه ليا برزخين برزخ صباحى زحمه و خناق و سب دين و ناس بتتف على بعض و اشارات مرور محدش بيحترمها و نفاق ووو و برزخ ليلى هتقل فيه النسب دى بمعدل 80% على الاقل
بحاول منزلش من بيتى قبل الساعه 12 بليل علشان مشوفش حد على قد ما اقدر و لما اروح شغلى كانك بتضربنى بالنار ارجع منه و ساعات احط قطن فى ودنى و انا ماشى
اى حد يتكلم فى السياسه او حال المجتمع لا اعقب و لا ابدى اى رأى وصلت لمرحلة الخدل numbness
انا عارف ان فيه ناس هتقرا الكلام ده و هتفرح اكتر ماهى فرحانه لان ده الهدف اللى ماشيين بيه من عقود طويله بس حقيقى انا وصلت لمرحلة COULDN'T CARE LESS
عربيات و كوره و حالى الشخصى و بس
حد الله لو مصر حصلها ايه ما تهز شعره فى راسى , كفاية سكان الزمالك اللى فرضوا رأيهم على مواصله عامه انها مايكنش ليها محطه فى حيهم علشان مايختلطوش بالرعاع يبقو هما ياخدو بايدها بقى و لو حصلت حرب يحاربولها :Copy of m-s5:

---

:oops2:

بخصوص الكهرباء امبارح الاولاد رجعوا من الامتحانات ودخلوا يناموا قطع النور ساعتين وقطع مرة اخرى من 7 لمدة ساعتين بردة فى الحر فى الصعيد الواحد اتخنق وطبعا ماذاكروش حاجة وعندهم امتحانات اليوم

المشاكل الفرديه من الضيق و الهم و اليأس و الأحباط و فقدان الأمل حلها الرجوع الى الله و القرب منه
اذكر الله كتير و انت ماشى او وانت سايق العربيه, بلاش الأغانى و اسمع قرأن و صلى لو مش بتصلى
المشاكل العامه من كهرباء و غلو اسعار و فساد و .......... حلها صعب شويه بس مش مستحيل

أنا مش فاهمة يعني أيه أحباط ؟!
لو على المرور .... أنا أتولدت لاقيت المرور كدة .
لو على الزحمة .... أنا فتحت عيني لاقيت الزحمة دي .
لو على الرشاوي والفساد ... ما شوفتش غيرهم من يوم ما بدأت أتعامل مع القطاع العام أو الخاص أو حتى قطاع الأعمال .
لو على المية الملوثة .... من يوم ما عرفت يعني أيه فلتر مياة ما بنغيروش إلى لما نستغرب على منظره بعد التغيير من نسبة التلوث اللي كنا بنشربها وما زلنا بنشربها وبنضحك على نفسنا إننا بنستخدم فتلر .
لو على الخضار اللي لا ليها لون ولا طعم .... ما هو من يوم ما حطوا مبيدات وكيماويات على الأراضي الزراعية وأحنا مش حاسين بلون ولا طعم .
لو على البلطجية والصوت العالي .... ما هما دول بس اللي بيخدوا حقهم هما والحرامية وذو المناصب الرفيعة في البلد .
لو على قانون الطوارئ ... ما أحنا طول عمرنا في قانون طوارئ غير معلن .
لو على أنقطاع الكهرباء ... ما أحنا طول عمرنا بنهرب السولار ومفيش سولار لتشغل المولدات أو بنبيعه بأقل من سعره لينا أحنا .
لو على حقوقنا ... ما أحنا طول عمرنا مش بناخد حقوقنا من تعليم ولا صحة ولا ضرائب ولا كرامة إلا بالدفع المقدم للمدارس الخاصة والمستشفيات الغالية وياريت بنعرف برضوا ناخد حقنا .
فوقوا ... أحنا مش محبطين
أحنا مقهورين ، ومحتاجين قنبلة ضمير تنفجر في البلد دي تصحي ضمايرنا كلنا ( المتعلم والجاهل / الغني والفقير / الكبير والصغير / الجيش والشعب / المسلم والمسيحي )

وأملي الوحيد
إن دوام الحال من المحال ، فأكيد لحظات الإحباط دي لن تدوم
وفرج الله قريب إن شاء الله
كما قال الله تعالى:" حَتَّى إِذَا اسْتَيْئَسَ الرُّسُلُ وَظَنُّوا أَنَّهُمْ قَدْ كُذِبُوا جَاءَهُمْ نَصْرُنَا فَنُجِّيَ مَنْ نَشَاءُ وَلَا يُرَدُّ بَأْسُنَا عَنِ الْقَوْمِ الْمُجْرِمِينَ "

اقتباس:

---

المشاركة الأصلية كتبت بواسطة friendship7897

أنا مش فاهمة يعني أيه أحباط ؟!
لو على المرور .... أنا أتولدت لاقيت المرور كدة .
لو على الزحمة .... أنا فتحت عيني لاقيت الزحمة دي .
لو على الرشاوي والفساد ... ما شوفتش غيرهم من يوم ما بدأت أتعامل مع القطاع العام أو الخاص أو حتى قطاع الأعمال .
لو على المية الملوثة .... من يوم ما عرفت يعني أيه فلتر مياة ما بنغيروش إلى لما نستغرب على منظره بعد التغيير من نسبة التلوث اللي كنا بنشربها وما زلنا بنشربها وبنضحك على نفسنا إننا بنستخدم فتلر .
لو على الخضار اللي لا ليها لون ولا طعم .... ما هو من يوم ما حطوا مبيدات وكيماويات على الأراضي الزراعية وأحنا مش حاسين بلون ولا طعم .
لو على البلطجية والصوت العالي .... ما هما دول بس اللي بيخدوا حقهم هما والحرامية وذو المناصب الرفيعة في البلد .
لو على قانون الطوارئ ... ما أحنا طول عمرنا في قانون طوارئ غير معلن .
لو على أنقطاع الكهرباء ... ما أحنا طول عمرنا بنهرب السولار ومفيش سولار لتشغل المولدات أو بنبيعه بأقل من سعره لينا أحنا .
لو على حقوقنا ... ما أحنا طول عمرنا مش بناخد حقوقنا من تعليم ولا صحة ولا ضرائب ولا كرامة إلا بالدفع المقدم للمدارس الخاصة والمستشفيات الغالية وياريت بنعرف برضوا ناخد حقنا .
فوقوا ... أحنا مش محبطين
أحنا مقهورين ، ومحتاجين قنبلة ضمير تنفجر في البلد دي تصحي ضمايرنا كلنا ( المتعلم والجاهل / الغني والفقير / الكبير والصغير / الجيش والشعب / المسلم والمسيحي )

وأملي الوحيد
إن دوام الحال من المحال ، فأكيد لحظات الإحباط دي لن تدوم
وفرج الله قريب إن شاء الله
كما قال الله تعالى:" حَتَّى إِذَا اسْتَيْئَسَ الرُّسُلُ وَظَنُّوا أَنَّهُمْ قَدْ كُذِبُوا جَاءَهُمْ نَصْرُنَا فَنُجِّيَ مَنْ نَشَاءُ وَلَا يُرَدُّ بَأْسُنَا عَنِ الْقَوْمِ الْمُجْرِمِينَ "

---

اقلك يعنى ايه احباط
يعنى كل الكلام دة نسبته زادت بنسبه لا تقل عن 50 %

اه كان النور بيتقطع مره ايام مبارك ومن ساعت ما اتولدنا ( لكن متوصلش انه يقطع 3 -4 مرات كل مره ساعه....وفى ناس مناطق بتبقى اكتر من كده فى المحافظات )

اه كان في زحمه مرور.....بس حاليا زاد الموضوع عن حده بشكل ملحوظ

اه كان في رشاوي ....بس حاليا كل حاجه لازم تبقى بالرشوه

اه كان فيه بلطجه ...بس دلوقتى ما شاء الله...بقى في تقدم رهيب فى عالم السرقه بالاكراه

دلوقتى صعب جدا جدا جدااااااا تدخلى ابنك مدرسه محترمه
الموضوع اختلف نهائى...دلوقتى فية cv واستمارات ولازم يعرفوا اهل الابن وهيئتهم ومستواهم وبعد دة كله ....الولد بيترفض


طبعا محبطين وطبعا الياس مالينا
واه كرهنا البلد وكرهنا العيشه واللى عيشنها
واللى يقلك بحب مصر قوليلوا مصر دى تبقي ................

الحل من وجهه نظرى السفر لاي دوله اقل مستوى فيها احترام الانسان والمواطن

بس هقول ايه............

ولا تهنوا ولا تحزنوا وانتم الاعلون ان كنتم مؤمنين

يا اخونا بلاش نتكلم على اللى خانقنا و نتكلم عن كل واحد نفسه فى ايه و ازاى عاوز يحققه؟
دايما انا كنت بشوف الافلام اللى بيقولوا انها تجسد الواقع و نفسى يعملوا افلام تتكلم عن الامل عن الطموح
انا فاكر مسلسل لن اعيش فى جلباب ابى و كان بيجى ايام ما كنت فى ثانوية عامة و ازاى كان بيدينى دافعة لقدام
يا ريت يتعمل من النوعية دى كتير علشان الناس تقلدها و يبقى عندها احلام و طموح
انا عارف ان الدنيا بقت صعبة على الكل و مافيش حد مرتاح (يا بخت مافيش حد هو الوحيد اللى مرتاح) بس احنا لازم نفكر ان ح نعيش مستريحين ما كنش ربنا قال لسيدنا أدم فلا يخرجنك من الجنة فتشقى
الحياة الحقيقية مش دلوقتى الحياة الحقيقية فى الجنة ربنا يوعدنا و يوعدكم
انا لما قريت الموضوع كنت عاوز اكتب اللى كائبنى و مزعلنى بس كلامى مش ح يحل حاجة الحاجة الوحيدة اللى تخليك كويس هو احساسك بأن ربنا اصطفاك و اعطاك امتحان و مستنيك علشان يشوف انت ح تجاوب ازاى!!!
فكر بأيجابية فكر فى جنة عرضها السموات و الارض اعدت للمتقين
فكر فى ربنا اللى ح نشوفه ان شاء الله فى الجنة
فكر فى سيدنا محمد صلى الله عليه و سلم لما نشوفه عند الحوض و نشكيله ما فعلت الدنيا بنا
فكر فى الصحابة سيدنا او بكر و عمر و على و سعد ابن معاذ و ابو عبيدة ابن الجراح و مصعب ابن عمير و غيرهم اللى ح نشوفهم و نتكلم معاهم ان شاء الله
فكر فى الانبياء سيدنا موسى و ابراهيم و ايوب و غيرهم اللى ح نشوفهم بأذن الله
فكر فى كل عزيز سابك فى الدنيا دى و بكيت عليه بدل الدموع دم ح تتجمع معاه تانى ان شاء الله و مش ح يبقى فيه فراق او موت او مرض
فكر فى حور العين اللى لو الواحدة منهم اطلت على السماء الدنيا لاضائتها و لو بصقت فى البحار المالحة لتحولت الى ماء عذب
ربنا يكتبهالنا و ينولهالنا يا رب العالمين اللهم امين امين امين

كلنا عندنا مشاكل وهموم يا اخ احمد
بس انا هقولك على حاجة بسيطة وعميقة وهتخليك تحس بالرضا
...
بص لنص الكباية المليان مش النص اللى فاضى
يعنى اية الكلام دة

يعنى عايزك تتخيل ان الظروف والقدر بالنسبة لك كان غير كدة وان انت بتعيش حياة تانية

يعنى مثلا تخيل انك موظف غلبان فقير
ومرتبك ضعيف جدا
واللحمة مبتدخلش بيتك الا يوم فى الشهر
واولادك مبيلبسوش غير الهدوم اللى بتضيق على اللى اغنى منهم ويشحتوهالهم
وانك بتجرى ورا الاتوبيس كل يوم عشان تتشعبط فية وتحشر نفسك وسط الناس فى الحر والارف
وان لو مسمار نتش بنطلونك بدل ما بترمية وتشترى واحد جديد بتروح تودية لبتاع الرفة يعملهولك ب 5ج
وان مراتك 80% من لبسها بتشحتة من اختها الاغنى منها ومبتلبسش جديد غير فى الاعياد

عايزك تتخيل الحياة دى بكل تفاصيلها وانت هتلاقى نفسك فى اسوأ الحلات عايش ملك

الوصفة السحرية فى كل الكلام دة تتلخص فى كلمتين ((( الرضا والتعايش)))

اقتباس:

---

المشاركة الأصلية كتبت بواسطة zarif

كلنا عندنا مشاكل وهموم يا اخ احمد
بس انا هقولك على حاجة بسيطة وعميقة وهتخليك تحس بالرضا
...
بص لنص الكباية المليان مش النص اللى فاضى
يعنى اية الكلام دة

يعنى عايزك تتخيل ان الظروف والقدر بالنسبة لك كان غير كدة وان انت بتعيش حياة تانية

يعنى مثلا تخيل انك موظف غلبان فقير
ومرتبك ضعيف جدا
واللحمة مبتدخلش بيتك الا يوم فى الشهر
واولادك مبيلبسوش غير الهدوم اللى بتضيق على اللى اغنى منهم ويشحتوهالهم
وانك بتجرى ورا الاتوبيس كل يوم عشان تتشعبط فية وتحشر نفسك وسط الناس فى الحر والارف
وان لو مسمار نتش بنطلونك بدل ما بترمية وتشترى واحد جديد بتروح تودية لبتاع الرفة يعملهولك ب 5ج
وان مراتك 80% من لبسها بتشحتة من اختها الاغنى منها ومبتلبسش جديد غير فى الاعياد

عايزك تتخيل الحياة دى بكل تفاصيلها وانت هتلاقى نفسك فى اسوأ الحلات عايش ملك

الوصفة السحرية فى كل الكلام دة تتلخص فى كلمتين ((( الرضا والتعايش)))

---

باشا...كلامك علي العين والراس

بس حضرتك فاهم الغلط

انا مش ساخط...ودايما بقول الحمد لله اني بشتغل وباخد مرتب وغيري مش لاقي شغل

بس انا بتكلم كمشكله عامه....مشكله شعب مشكله مواطنين ليهم حق عند بلدهم

الحمد لله علي كل شيء....امال احنا عاملنا ثوره ليه!!!! مش عشان نغير النظام والظلم ونعيش عيشه افضل

مش عشان مبنحمدش ربنا بس في حقوق احنا لازم نخدها ومن حقنا...ده القصد

مهو مش ناخد علي دماغنا ونقول ربنا رايد كده والحمد لله بقي وخلاص

اقتباس:

---

المشاركة الأصلية كتبت بواسطة ahmad--ezzat

باشا...كلامك علي العين والراس

بس حضرتك فاهم الغلط

انا مش ساخط...ودايما بقول الحمد لله اني بشتغل وباخد مرتب وغيري مش لاقي شغل

بس انا بتكلم كمشكله عامه....مشكله شعب مشكله مواطنين ليهم حق عند بلدهم

الحمد لله علي كل شيء....امال احنا عاملنا ثوره ليه!!!! مش عشان نغير النظام والظلم ونعيش عيشه افضل

مش عشان مبنحمدش ربنا بس في حقوق احنا لازم نخدها ومن حقنا...ده القصد

مهو مش ناخد علي دماغنا ونقول ربنا رايد كده والحمد لله بقي وخلاص

---

يبقى نشوف الموضوع من زاوية تانية واقعية
وهيا ان احنا دولة عالم تالت نامية يعنى او بالبلدى متخلفة
ازاى نغير الوضع دة ونخلية للاحسن

ببساطة شديدة ان كل واحد يصلح من نفسة ويبدأ بنفسة وملوش دعوة غيرة بيعمل كدة ولا لأ ونربى عيالنا على كدة وواحدة واحدة هتلاق اخلاق الناس بتتصلح

وصقنى طالما اخلاق الناس اتصلحت يبقى 90% من مشاكلنا اتحلت

او كما قال اللمبى

اعمل الصح

هو حضرتك لسا مصدق اننا ف دوله فقيره ملهاش دخل ولا ليها اقتصاد !!!!

هو حضرتك مقتنع ان دي مصر !! فقيره بطبعها???

مسمعتش عن النهب والسرقه وسوء الاداره اللي وصل البلد دي للمرحله دي

انا بذاكر لبنت اختي تاريخ....شوفوا مصر كانت ايه...شوف حكم محمد علي ...ارجع للتاريع هتعرف ان مصر مش فقيره

عن نفسي بحارب عشان اكمل علي القرشين اللي معايا و اهاجر من هنا

ربنا يوفقني و يوفق الجميع :)

مصر بلد غير صالح للمعيشة الادمية
ولا الحيوانية

الحل هو جلسة جاكوزى بعدها جلسة مساج باﻷعشاب وتنام بعدها بس لﻷسف هتصحى على نفس المشاكل تانى :(((((

والله يا باشا لا جديد
اعتقد الحل فالسفر او تغيرات كبيرة فالحياة

والله العظيم انا زيك بالضبط ...المشكله مش الفلوس .المشكله انك فقدت الامل في انك تعيش في ادميه ..والحاجات اللي انت مفتقدها دي ملهاش تمن ...والحل انك تسافر بره مش سهل ..العقود مش بتترمى على الطريق ..والهجره اصعب مايكون .الناس بتتكلم على السفر كأنه اختيار متوفر مثلا

ولو سافرت هفضل قلقان على اهلي اللي كبروا وعجزوا وانا سيبتهم في القرف ومشيت

ساعات بحس انه نعمه من عند ربنا علشان تعرف ان الحياه الدنيا دي مؤقته وتصبر نفسك لحد الجنه

الحل معروف لكن تنفيذة محتاج شجعاعه وقوة ايمان
عن أبي سعيد الخدري رضي الله عنه قال : سمعت رسول الله صلى الله عليه وسلم يقول : ( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ) رواه مسلم .
تخيل لو واحد بيعاكس واحدة وكل الى فى الشارع قالوله كدا عيب وميصحش واحترم نفسك او مسكوه وسلموه لاقرب قسم شرطة هل تتخيل ان ممكن نلاقي المنظر دا تانى
او واحد مرتشي او بيرشي لو كل الى شايفين المنظر دا قاللهم كدا حرام وانتم بتاخدوا اكتر من حقكم ولو تمادوا يتبلغ عنهم بتهيألى البلد هتنظف كتير
انا عن نفسي بحاول علي قد ما اقدر وبتحرج كتير وسعات بكون جبان ومش قادر اتكلم وبدعي ربنا انه يجعلني من المؤمنيين الاقوياء

انت بتقول تفضفض نفس اللى حاصلى من حوالى13 سنه وصلت لحد انك تتمنى مصيبة تحصل للبلد تفوقها قرفت من كل حاجه سافرت و سبت البلد وبعد ما اخدت القرار ارجع يجى واحد لهو حمار ولا حتى حصل حصان يرجعها تانى زى الاول و العن و عبيده يقولك بص للاقل منك وليه منحاولش نبقى احسن .حديث الرسول صل الله عليه و سلم فيما معناه (اعمل لدنياك كأنك تعيش ابدا )( وان كان حديث مرفوع )لكن الاصل اعمار الدنيا و كلنا بنعمل علشان حياه افضل لينا و اولادنا مش علشان نشوف شحات و نقول اننا كده احسن ( والحمد لله الذى عافانا مما ابتلى به كثيرا من خلقه ) للاسف مخطط انك تكره البلد و تتمنى اى مصيبه ليها بيطبق تانى و المره دى اشد و امر من سابقه