مشكلة فى مارش تويوتا 2005 أتوماتيك

مشكلة مدوخانى بقالها فترة لما العربية تمشى مشوار طويل أو تلف كتير على سرعة بطيئة (زحمة البلد) وأبطل العربية لأى سبب ( أمون فى بنزينة مثلا) لو حاولت أدورها بعد كده بسرعة مبتدورش والمارش ميطلعش صوت كأن مفيش بطارية اسيبها تهدى من 3 ألى 5 دقايق تدور عادى خالص
روحت التوكيل فكو المارش وغيرو طقم الشاربان ونضفو المارش وقالو أن ده هو السبب أجرب بعد كده المشكله هى هى

يا ترى حد ممكن يفيدنى علما أن الكمبيوتر ملقاش حاجة فى أى سنسور بالعربية؟

أنا لاحظت أن المروحة بتاعة الريداتير بتبقى شغالة قبل ما أطفى العربية وتحصل المشكلة (بس ده طبيعى لأنها بتكون عاملة مشوار سخن) هل ممكن يكون ده السبب؟