عرض للطباعة
الاخوة الكرام
ارجو ان يكون الموضوع دا دليل لكل عشاق و محبي الالفاروميو
ادينا رايك فيها
حبيتها ليه ؟
عشان شكلها - قوة ادائها - قله اعطالها - عشان تبقي مميز .......الخ الخ
طيب بيعتها ليه ؟
هاتجيب حاجه زيرو - بتعطل كتير - بتسخن - تكييفها مش اد كده - زهقت منها .......الخ الخ
و كالمعتاد متوقع من رجاله النيل موتورز كميه ردود جامده
منتظرين ارائكم
اخيكم
خالد
هههههههههههههههه ردود جامده مووووووووووووووووووت
مينفعش كده يا باشااقتباس:
المشاركة الأصلية كتبت بواسطة ahmed oqda
سبحان الله و بحمده
سبحان الله العظيم
من وجة نظرى اللى معاة الفاروميو اكيد حبها علشان العربييات دى محترمة قوى بس المشاكل فى الصيانة ولو هيبيعها ممكن يكون علشان اسعار قطع الغيار غاليا نسبيا ومحتكرها عدد من المحلات ومبيشتغلش فيها الا عدد محدود من الورش
استاذ / محمد
شكرا لمساهمتك و مشاركتك و هو راي جدير بالاحترام فعلا
يبقي نلخص كلام حضرتك في نقطتين
1- احتكار قطع غيارها في محلات بعينها و محدوديتها
2- قله الميكانيكيه اللي بيفهموا العربيه دي صح
و دا بيقودنا الي نتيجه البيع لمجرد الزهق و عدم الصبر عليها - صح ؟
منتظر مزيد من الاراء
انا بفكر اشترى الفا
اللى عجبنى فيها شكلها وامكانيتها بس اخبار قطع الغيار ايه والصيانه
قطع غيارها موجوده عند ناس كتير في الوكاله و عزبة شلبي لكن اعتقد ان الصنايعيه قليلين
مثل خالد الفا في فيصل مثلا
عموما صلي صلاه استخارة و ربنا ييسرلك الاحوال
بالتوفيق إن شاء الله
اخيك
خالد
انا بحترم العربية دي وشكلها وكماليتها حلوة...وطبعا وحش قطع الغيار والصنايعية اللي مخوف الناس منها
بس سؤال...هل العربية دي تستحق ولا عادية ومجرد شكل حلو وكماليات
ياريت يا أ. خالد رايك خصوصا ال 156 المميزات والعيوب
الفا روميو
عربية كويسة بس تعمل اية
ثقافة سوووووووووووووووق
بيبيعها علشان يجيب الموديل اللي اعلي يعني اللي معاه 146 بيبيع و يطلع 56 و اللي معاه 56 لا يطلع 56 2003 لاما 147 الالفا ادمان مبينتهيش
بغض النظر عن إنها عربية روعة و مميزة و جميلة لأبعد الحدود إلا إني ما أشتريهاش و لو هيدوني عليها فلوس
الاخ الكريم
لك كل الحق في الاعتراض علي شرائها و لكن اذا كان من الممكن ان تذكر لنا الاسباب سنكون لك من الشاكرين
بصراحة الالفا روميو عربية حكااااااية , وفيه بشرة خير إن شركة النيل الهندسية ( الوكيل الجديد لفيات والفا روميو ) فى مصر وعنوانه مدخل مدينة العبور امام كافور بجوار توكيل تويوتا , افتتح معرض ملاصق للتوكيل ونزل فيه موديلات فيات والفا روميو 2015 . بس للامانة كان فى الفا روميو موديل واحد بس وهو (جولييتا) , ونازل منها اربع فئات , بس طبعا مش عارف اقول ايه ولا ايه على جمال العربية , هى اكبر حاجة بسيطة من البرافو الاخيرة واسعار فئاتها على الاربعة على التوالى 270 - 285 - 300 - 320 , واتكلمت مع المهندسين والمسئول فى المعرض وقالولى الفترة اللى جاية خصوصا بداية من يناير 2015 هيكون فيه اهتمام بالفا روميو فى مصر من حيث التسويق والصيانات وتوافر قطع الغيار ..... ننتظر ونشوف ان شاء الله
شكرا اخي الكرييم علي هذة المعلومات القيمه
و نتمني ان تنتشر السيارات الاوروبيه و التي تمتاز برفاهيه و تكنولوجيا لكن المشكله ان 99% من ميكانيكيه مصر لا يستطيعون الاقتراب منها لاسباب فنيه فتصبح تحت رحمه الوكيل فقط