هو تكت ال طياره البحريه ب ٤٠٠ دولار صح
عرض للطباعة
لو عايز تظبط مالديفز ابقى قول لي ........ اللي ظبطني هناك صديق مالديفي كان زميلي في الشغل من سنتين ......
أنا مش هقول لك تروح فين .. بس لو نفسك تروح في مكان معين حاول تروحه في شهر العسل و متأجلوش لبعد الجواز .. عشان بعد كده ان شاء الله هتكون زوجتك حامل و في اول الحمل مش هعرف تروح في حته .. بعد كده هتبقى في اخر الحمل و مش هتعرف تتحرك بسهوله لأنها ممكن تولد في أي لحظة .. بعد كده هتلاقي البيبي صغير و صعب تسافر بيه .. و بعدين البيبي كبر شويه بس في بيبي تاني في الطريق فمش هتعرف تسافر .. و بعدين البيبي الأول هيدخل المدرسة و هيبقى في دراسة و امتحانات فمش هتعرف تسافر .. لحد ما كل أولادك يتخرجوا و البيت يفضى عليكم .. ساعتها تلاقي خلاص مفيش صحه انك تسافر و صرفت كل فلوسك على جواز العيال فتقعد في البيت.
روح طابا و احجز في سونستا مثلا او انتركوننتنال و ان كنت بفضل سونستا
دهب ما اعرفش لاني كنت بنزل انا و صحابي هناك بس الميه هناك و السنوركلينج بالذات في البلو هول يضرب اي مكان بالنار بس احجز في الفنادق اللي هناك و عندك تقدر تعمل سفاري في الصحرا و تعمل سفاري بالبيتش باجي
و سنوركلينج و سي سيرفنج و روح طيران و شخلع نفسك لان السفر بالباص فرهدة . ... انا عن نفسي لسة جاي من انتركوننتال طابا امبارح صدقني مش شرط التكلفة بس هتتبسط انت و مراتك في اي مكان حتى لو غيرتوا جو في اي حتة ... و انت مقبل على دنيا فبانصحك عشان المصاريف و كدة .... و ربنا يسعدكوا يا رب
بما ان الجواز فى الموضوع انا رايي انك محتاج تجمع بين الفسح و الاسترخاء
ده مش موجود الا فى ماليزيا
تنزل فى انتركونتيننتال كوالا لمبور و تروح على الجزر المشهوره هناك الصغيره مش فاكر اسم المنطقه .... يبقى جمال الطبيعه و مولات و شوبنج
ممكن بعد ال 10 ابام دول تكمل فى سهل حشيش
ربنا معاك لأنك داخل على جهاد ....