هل فى Auto Lock فى اللوجان

**RamezAhmed** · 06-05-2014 06:11 PM

انا معايا لوجان اوتوماتيك 2014 الشكل القديم و كنت قرأت موضوع قبل كده ان اللوجان فيها Auto Lock و لكن فى التوكيل بيأكدوا ان مفيهاش Auto Lock وان فيها Re-lock فقط و هو ده اللى هما شغلوه مع صيانه ال 5000 كم.
حد عنده معلومات اكتر ممكن يفيدنا بيها.

**Mico_Mico** · 06-05-2014 07:37 PM

ههههههههههههههه - انا لما بجيب عربية جديدة باخد دكتوراة فالكتالوج ( المانيوال ) بتاعها
بص فالكتالوج تجد ما يسرك

**adel_edrees** · 06-05-2014 08:56 PM

الأوتولوك ده أوبشن محتاج يتربط ب حساس السرعة يعنى لو العربية زادت عن سرعة معينة بتلاقى اللوك يشتغل أنما الريلوك اللى هو أبسط من الأوتولوك ممكن يشتغل مع دوسة الفرامل أو بتايمر بوقت زمنى معين بعد بدء التشغيل و ده الفرق بين و ممكن الريلوك يكون موجود في اللوجان بصورتيه اللى هو تايمر أو مع أول دواسة فرامل اللوك يشتغل و الله أعلم هذا للعلم ممكن أكون مخطئ علشان كده أرجو التصويب و التصحيح

**Porsche911TT** · 07-05-2014 04:03 AM

مفيش Auto lock لكن ال Re-lock اللي في اللوجان لو في حالة انك فتحت اللوك من الريموت ومفتحتش أي باب أو الشنطة هايقفل العربية تاني تحسباً للفتح بدون قصد.
مرة بدوس على زرار القفل في الريموت لاقيت العربية مش بتدي غمازات اتخضيت ، طلع كل ما في الأمر ان أخويا مقفلش الباب كويس :) ميزة كويسة بس ياسلام لو كانت في الزجاج كمان.

**adel_edrees** · 07-05-2014 07:49 AM

لسه من يومين واحد صاحبى شارى أوكتافيا أيه فايف وبعدين قعدنا نلعب في الكمبيوتر و طبعا الأوبشن بتاع ريلوك كان موجود ممكن تعمله تشغيل أوأيقاف و على سرعة 25 كيلو بيقفل العربية لوحده و طبعا ده مش موجود في اللوجان يبقى أذن اللوجان مافيهاش ريلوك

**وحيد المصرى** · 07-05-2014 08:17 PM

انا طلبت من التوكيل عمل الايتو لوك اثناء صيانة ال 5000 كم وتم عمل ذلك بحوالى 100 جنيه وفعلا السيارة بتقفل اللوك بعد تحرك السيارة وللعلم سيارتى ايتو 2014