ما افضل نوع راديو منزلى لسماع اذاغة قران كريم دون تشوبش

**ابوحبيبة2010** · 06-05-2014 10:20 PM

المشاركة الأصلية كتبت بواسطة dreamo

مفيش تشويش ولا حاجه
ومش محتاجه رسيفر
القصه وما فيها هي نوعية الراديو

والدليل انك لو جبت نفس المحطه على راديو الموبايل fm .. هتسمعها نقيه جداً جداً .. زي الرسيفر

بشغلها على تليفون النوكيا عندي ونقاء ملوش مثيل
لكن عالراديو .. وش واصوات متداخله وهيييصه وازعاج وصداع

أنت محتاج راديو محترم فعلاً .
أو تستخدم راديو الموبايل .

والله العظيم فى تشويش بيحصل

**aw2100** · 06-05-2014 10:52 PM

الشوشرة على محطات الراديو عموما سببه ابراج ارسال المحمول وشبكات ال WiFi لنقل البيانات بين شبكات النت اللاسلكية والتليفون المنزلى اللاسلكي
كل الشبكات اللاسلكية دى بتعمل تداخل وتدافع على كل الموجات اللى بيعمل شوشرة على الراديو
الأفضل داخل المدن سماع الراديو من خلال اجهزة أستقبال الأقمار الصناعية لانها بتعمل بتكنولوجيا البث المباشر بالميكروويف على ترددات عاليه جدا بعيد عن الشبكات اللاسلكية وبراحتك !!

**الفجر** · 07-05-2014 12:55 AM

اشمعنا قنوات ال اف ام والاغانى زى الفل واذاعة القران الكريم مشوشة ّ!!!!!

بعدين انا عايز اسمع قران عل الراديو الدش العيال على طول واخدينة على الكرتون

ثانيا الواحد بينام على القران بليل فصعب انام والتلفزيون والدش مقتوحين

**Y a r i s** · 07-05-2014 03:31 AM

عارف الترونزيستور بتاع اللومض النيوووووون هات سلكتين عريانين وابرمهم على الترنزوستور. وطرف التاني على الاريل بتاع الراديووو هيقويلك الاشارة ٥٠٪

كان برضو في طريقة عملتها زمان في العربية الشاهين الي كانت عندي ركبت كاسيت بلو بونكيت ... فكان صوت الكلكس بيسمع في الراديو حتى صوت دوسة البانزين. فكان الحل اني جبت مكثف بتاعه زي الايه سي كده اسمها مكثف ٢٠٠. فجبت مكثفين وواد بتاع كسيتات اسمو مصطفى الله يمسيه بالخير عملي طريقة كده ضيعتلي صووووت الكلكس في الراديو خالص

بس بخصوص راديو البيت جرب. حكاية الترونزيستور بتاع اللومض النيون تمنوا جنيه من عند اي كهربائي. واي حتت سلك كده ملهاش لازمة قشرها وعريها ولف. وادعيلي .

**M R. Z E C O** · 07-05-2014 07:18 AM

المشاركة الأصلية كتبت بواسطة الفجر

اشمعنا قنوات ال اف ام والاغانى زى الفل واذاعة القران الكريم مشوشة ّ!!!!!

ههه يعني القصد المرجو انهم بيشوشو على القرءان وسيبين الاغاني ..يعني ضد الدين ..انا عمر محطة القرآن متشوشت عليه باستخدام راديو فيلبس وراديو التلفون ورادبو العربية لو ان ﻻديو العربية اضعفهم

**Medicalist** · 07-05-2014 07:22 AM

عندى نفس المشكله و خنقانى جدا وكل شويه احول مره على اف ام ومره على الام و
و الراديو الى عندى مسجل باناسونيك يابانى اصلى
التشويش من المحطه مش من الكاسيت

**MTAK** · 07-05-2014 07:43 AM

اعترف ان اذاعه القران بها شئ من الشوشره

لكن علي الاف ام واضحه جدا

الموضوع كما ذكر الاخوه من قبل راجع لاسباب كتير

كمان شوف التردد علي الاف ام معاه اذاعات قريبه منه و لا لوحده لباند كبير

و خلي بالك تردد القناه مش ثابت علي الاف ام

يعني مثلا عندي في السويس بتيجي علي 94.4 و لما اسوق في القاهره لا اجدها علي نفس التردد

كذلك اذاعه القناه عندي في السويس علي تردد و في الاسماعيليه علي تردد تاني خالص

اقولك علي حاجه

مره سافرت القاهره و مشغل الموديلاتور و اسمع زي محاضرات و مره الصوت راح و بقيت اسمع اصاله و انا متأكد ان الفلاشه مش حاطط عليها اصاله
و ثواني و المحاضره ترجع ثم اصاله و عندما اوقفت الفلاشه و شيلتها اشتغلت الاغنيه بوضوح

اتاريني ظابط التردد بتاع المويلاتور علي نفس تردد القناه التانيه و دخلت في مكان كان تردد القناه اقوي من موديلاتور العربيه

،،،،،،،،

سؤال اخير، هل بتكون مشوشه علي الريسفر

**MTAK** · 07-05-2014 08:01 AM

بالمناسبه، في اواخر الثمانينيات كان عادي جدا اني اسمع الراديو و اجد موجه تانيه تدخل في الخط و كانت بلغه غير مفهومه وقتها ( مره عبري و مره فارسي) و كانت بتبقي في الصيف

برضه بالمناسبه، كنت باتفرج علي التليفزيون الاسرائيلي بصوره زي قنوات الاتش دي الان، بس طبعا اوقات معينه في الصيف و غالبا كانت بتبقي المغرب الي نصف الليل

هو ملوش دعوه بالموضوع و لكن جت علي بالي، كانت ايام

-

-

الموضوع: ما افضل نوع راديو منزلى لسماع اذاغة قران كريم دون تشوبش

LinkBack

أدوات الموضوع

عرض

-

-

-

-

المواضيع المتشابهه

افضل فلتر مية منزلى من بلاستيك وخامات غير مسرطنه ؟

موقع لسماع وتحميل القرأن الكريم بصوت مجموعة كبيرة من الشيوخ

قران كريم

الكلمات الدلالية لهذا الموضوع

المفضلات

المفضلات

ضوابط المشاركة