الموضوع: استفسار عن كوعة الثرموستات

كلمت الميكانيكى وشرحت له الموضوع انها على الطريق الطوالى بتقل درجة الحرارة عند الربع
قالى عادى جدا
ده تأثير الهواء البارد فى وش العربية
وقالى لو الترموستات الكوعه معلقة حيبقى جوه البلد وعلى الطريق الطوالى
لكن هى عندى جوه البلد مش بتقل بتحافظ على درجة الحرارة
هل الكلام بتاع الميكانيكى مظبوط
على فكرة انا جيابها اصلى gm من ابو الحسن كمان
ومستحرم اغيرها لانه فك التقسيمة وطرمبة المياه وطرمبة الباور وقعد يوم كامل فيها (واخد مبلغ محترم)

طيب ما على كلامك كده الثرموستات عندى مش معلق اصلا يبقى مفيش داعى اغيره صح؟؟

والله مش انا اللى قلت الكلام ده
الميكانيكى هو اللى قال
ياما يعلق على طول
ياما يشتغل جوه زى بره المدينة
بس اعتقد انه لو تكررت موضوع التعليقة يبقى لازم يتغير
بس انا مستحرم انى لسه شاريه من اسبوع واغيره

طيب على كلامك كده الكوعة مش معلقة اصلا انا اللى خلانى اتصور كده ان بلاقى فيه تقليب ميه فى القربه بمجرد ما ادور العربيه. و ان العربيه مش عايزه تسخن و انا بغسل الدورة بخرطوم الميه و انت بتقول كل ده طبيعى يبقى حرام ادخل نفسى فى تكلفة ملهاش لزمه، صح؟؟

و مره قبليها مكنش فيه تقليب فى القربه نهائى لكن العربيه مسخنتش و المروحه كانت بتفصل و تشتغل عادى، و درجة الحراره جوه مزادتش و ساعتها الميه فى القربه كانت لحد اللحام الوسطانى قام ميكانيكى مزودهالى لحد الزور قامت الميه قلت و بدات تقلب تانى عادى فى ساعتها و قالى مكنش فيه تقليب فى القربه عشان الدورة كانت واخد هوء و من ساعتها و التقليب لم يتوقف فى القربه. هل ده كلام مظبوط ولا هجس؟؟

اعتقد انى خلاص مش حعملها و حغير الميه كلها بميه خضراء و خلاص ايه رايك؟؟

شكرا لاهتمامك

انا راى تغيير المياه اللى موجودة بمياه خضرا(يفضل تركيز قليل)
وتشوف هل الكوعه الثرموستات حتعلق تانى ولا خلاص

[quote=zarif;3875563942]خلاص براحتك
انا عن نفسى لما جبت العربية كانت بدون ترموستات كوعة رحت اشتريت واحد اصلى وركبتة لانى عارف ان فى الشتا والسفر بالليل المؤشر بينزل لحد تانى شرطة ودة معناة ان العربية بردت قوى فدة هيذود استهلاك البنزين وهيسلخ البساتم على المدى الطويل لان اللى صنع العربية عملها درجة التشغيل المثالية وهيا ان المؤشر يبقى تحت الشرطة اللى فى النص علطول

وفى الاخر اللى انت مقتنع بية اعملة
بس لازم تبقى فاهم انك شيلت جزء من دورة التبريد اللى صنع العربية كان حاطة لسبب تم اجراء اختبارات علية
[/q


uote]



لأ انت فهمتنى غلط انا مشيلتوش و مش حشيله و مقتنع جدا باهميته لكن كلامك فهمنى انه كده عندى شغال طبيعى مش معلق على الفتح ولا حاجه

انا اللى خلانى افكره انه معلق عالفتح حاجتين
ان الميه بتتقلب فى القربه من اول لحظه
و ان و انا بغسل الدوره بخرطوم الميه من الحنفيه العربيه اخدت تلت ساعه عشان تسخن و انت قلتلى ان ده طبيعى و مش شرط الترموستات يبقى معلق على الفتح


انا اللى فهمته من كلامنا ده كله ان الثرموستات عندى شغال عادى و مفيهوش مشاكل اصلا، انا فاهم صح كده ولا غلط؟؟؟؟

و ان