الموضوع: استفسار عن كوعة الثرموستات

المشاركة الأصلية كتبت بواسطة zarif

خلاص براحتك
انا عن نفسى لما جبت العربية كانت بدون ترموستات كوعة رحت اشتريت واحد اصلى وركبتة لانى عارف ان فى الشتا والسفر بالليل المؤشر بينزل لحد تانى شرطة ودة معناة ان العربية بردت قوى فدة هيذود استهلاك البنزين وهيسلخ البساتم على المدى الطويل لان اللى صنع العربية عملها درجة التشغيل المثالية وهيا ان المؤشر يبقى تحت الشرطة اللى فى النص علطول

وفى الاخر اللى انت مقتنع بية اعملة
بس لازم تبقى فاهم انك شيلت جزء من دورة التبريد اللى صنع العربية كان حاطة لسبب تم اجراء اختبارات علية

انت فهمتنى غلط انا مشيلتش الكوعة و مش حشيلها، و مقتنع جدا باهميته و مقتنع جدا جدا ان مفيش حاجه فى العربيه ملهاش لزمة لكن كلامك فهمنى انه كده عندى شغال طبيعى مش معلق على الفتح ولا حاجه

معلش انا عارف انى زهقتك لكن اجابتك ديه يعتمد عليها مبلغ كبير حصرفة فى العربيه احتمال يكون بدون داعى


انا اللى خلانى افكره انه معلق عالفتح حاجتين

- ان الميه بتتقلب فى القربه من اول لحظه دواره سواء العربيه بارده او سخنه
- ان و انا بغسل الدوره بخرطوم الميه من الحنفيه العربيه اخدت تلت ساعه عشان تسخن و انت قلتلى ان ده طبيعى و مش شرط الترموستات يبقى معلق على الفتح


اللى خلانى افكرها معلقه على القفل حاجه واحده

- مره لما فتحت الغطاء و العربيه سخنه شوية ميه فارو من الغطاء و بعدين التقليب توقف تماما و رجع يعد ما زودنا ميه لحد الزور و فضلت تقل تقل و بعدين الدنيا اتظبتت
لكن انت لفتت نظرى لحاجه مهمه جدا ان حتى و الثرموستات قافل الميه بتتقلب فى القربه عادى اذن توقف التقليب الفجائى مش معناه ان الكوعة قفلت و قفشت.

انا اللى فهمته من كلامنا ده كله ان الثرموستات عندى شغال عادى و مفيهوش مشاكل اصلا، انا فاهم صح كده ولا غلط؟؟؟؟


اتا كمان مش شوية قلت اعمل تجربة كمان
فكيت الخرطوم اللى طالع من الكوعه للريداتير و العربيه بارده تماما
دورت العربيه و كانت النتيجه ان مفيش ميه بتنزل من الكوعة خالص كام دقيقه كده لحد ما المؤشر وصل لتحت النص بداءت الكوعة تنزل مية براحه كده مش كميه كبيره زى ما كنت متصور بس اعتقد ان ده ممكن يبقى الطبيعى مش كده ولا ايه؟؟
الميه نقصت طبعا فى القربه بطلت العربيه و سبتها على الوضع ده مزودتش ميه



انا اعتقد من اللى انت قلتهولى ده ان الكوعة عندى شغاله تمام و معلقتش على القفل ولا على الفتح و انا مستنى ردك لتاكيد ده لو اكدتلى ان كلامى صح حنزل بعد ما تكون العربيه بردت شوية حانزل الميه اللى فى الردياتير كلها و احط جركن ميه خضراء اسبانى و ابقى مطمن ان كده كل حاجه عندى تمام

اسف لاستغلال سعة صدرك و طولة بالك اسوأ استغلال
:)

مشاركة Zarif


ببساطة شدبدة جدا جدا جدا
لو المؤشر بتاع الحرارة بينزل للشرطة التانية من تحت يبقى كدة الترموستات بايظ او ملغى

لكن لو ثابت تحت الشرطة اللى فى النص اللى هيا التالتة من تحت وبيتأرجح نزولا وصعوا 1 او 2 ملى فقط يبقى كدة طبيعى

متشغلش بالك خالص بموضوع تقليب المية دة لان عشان اشرحلك المية بتمشى ازاى جوة العربية دى عايزة قعدة طويلة

بس خلاص